Begin typing your search above and press return to search.
exit_to_app
exit_to_app
Posted On
date_range 18 May 2022 5:42 PM GMT Updated On
date_range 18 May 2022 5:42 PM GMTസ്കൂള് തുറക്കൽ: മുന്നൊരുക്കങ്ങൾക്ക് നിർദേശം
text_fieldsbookmark_border
Listen to this Article
തിരുവനന്തപുരം: സ്കൂള് തുറക്കലുമായി ബന്ധപ്പെട്ട് ആവശ്യമായ മുന്നൊരുക്കം നടത്താൻ മുഖ്യമന്ത്രി പിണറായി വിജയൻ നിർദേശം നൽകി. മഴക്കാലപൂര്വ ശുചീകരണ അവലോകന യോഗത്തിലാണ് അദ്ദേഹം ഈ നിർദേശങ്ങൾ നൽകിയത്.
നിർദേശങ്ങൾ:
വിവിധ ആവശ്യങ്ങള്ക്കായി സ്ഥാപിച്ചിട്ടുള്ള പ്രചാരണ സാമഗ്രികള്, കൊടിതോരണങ്ങള് മുതലായവ അപകടകരമായ നിലയിലുണ്ടെങ്കില് മാറ്റണം. ട്രാഫിക് ഐലൻഡ്, ഫുട്പാത്ത് മുതലായ സ്ഥലങ്ങളില് ഗതാഗത തടസ്സം സൃഷ്ടിക്കുന്ന തരത്തില് ബോര്ഡുകളോ കൊടിതോരണങ്ങളോ സ്ഥാപിച്ചിട്ടുണ്ടെങ്കില് അവ നീക്കണം
- വിദ്യാലയത്തിനു സമീപം വാണിങ് ബോര്ഡുകള്, ട്രാഫിക് സൈന് ബോര്ഡുകള് മുതലായവ സ്ഥാപിക്കണം
- സ്കൂള് തുറക്കുന്ന ദിവസങ്ങളില് കുട്ടികളെയും കൊണ്ട് രക്ഷാകർത്താക്കള് വാഹനത്തില് വരാനുള്ള സാധ്യത മുന്നില്കണ്ട് വാഹനം പാര്ക്ക് ചെയ്യാന് സ്കൂളുകള് സൗകര്യം കണ്ടെത്തണം
- കുട്ടികള് യാത്രക്കായി ഉപയോഗിക്കുന്ന വാടക വാഹനങ്ങള് സ്കൂള് പരിസരത്ത് നിര്ത്തിയിട്ട് ക്ലാസ് കഴിഞ്ഞതിനു ശേഷം കുട്ടികളെയും കൂട്ടി തിരിച്ചുപോകുന്ന സ്ഥിതിയുണ്ടാകരുത്
- സ്വകാര്യ / ടാക്സി വാഹനങ്ങള് കുട്ടികള് വരുന്നതുവരെ നിര്ത്തിയിടുകയാണെങ്കില് അതിനുള്ള സൗകര്യം സ്കൂള് ഒരുക്കണം
- സ്കൂള് ബസുകളില് കയറ്റാവുന്ന കുട്ടികളുടെ എണ്ണം വാഹനത്തിന്റെ ഫിറ്റ്നസ് മുതലായവ സംബന്ധിച്ച് മോട്ടോര് വാഹന വകുപ്പ് നിഷ്കര്ഷിച്ച മാനദണ്ഡങ്ങള് പാലിക്കണം
- കുട്ടികള് സഞ്ചരിക്കുന്ന വാഹനങ്ങളിലെ ജീവനക്കാരുടെ സ്വഭാവം വിലയിരുത്തി പൊലീസ് ക്ലിയറന്സ് സര്ട്ടിഫിക്കറ്റ് നല്കണം. സ്കൂള് പരിസരത്തെ കടകളില് കൃത്യമായ പരിശോധന നടത്തണം
- നിരോധിത വസ്തുക്കള്, ലഹരി പദാർഥങ്ങള് എന്നിവ വില്ക്കുന്നില്ലെന്ന് ഉറപ്പാക്കണം.
- കുട്ടികള് ഏതെങ്കിലും കാരണവശാല് ക്ലാസില് എത്തിയില്ലെങ്കില് രക്ഷാകർത്താക്കളെ വിളിച്ച് അധ്യാപകര് വിവരം തിരക്കണം. സ്കൂളിലേക്ക് പുറപ്പെട്ട കുട്ടി സ്കൂളിലെത്തിയില്ലെങ്കില് അടിയന്തരമായി അക്കാര്യം രക്ഷാകർത്താക്കളെയും പൊലീസിനെയും അറിയിക്കണം
- സ്കൂളിലും പരിസരത്തും അപകടകരമായ നിലയിലുള്ള മരച്ചില്ലകള് വെട്ടിമാറ്റണം. അപകടകരമായ മരങ്ങള് മുറിച്ചുമാറ്റണം. ഇലക്ട്രിക് പോസ്റ്റില് വയര്, കമ്പി എന്നിവ താഴ്ന്നുകിടക്കുന്നുണ്ടെങ്കില് സുരക്ഷ ഉറപ്പാക്കണം. ഷോക്കേല്ക്കാനുള്ള സാധ്യതയില്ലെന്ന് കെ.എസ്.ഇ.ബി ഉറപ്പുവരുത്തണം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story