സ്കൂൾ വിദ്യാർഥികളെ ബസിൽ കയറ്റിയില്ല; ജീവനക്കാർക്ക്​ ‘ഇംപോസിഷൻ’

അ​ടൂ​ർ: സ്കൂ​ൾ വി​ദ്യാ​ർ​ഥി​ക​ളെ ബ​സി​ൽ ക​യ​റ്റാ​തി​രു​ന്നാ​ൽ ജീ​വ​ന​ക്കാ​ർ ഇം​പോ​സി​ഷ​ൻ എ​ഴു​തേ​ണ്ടി​വ​രും. അ​ടൂ​ർ ട്രാ​ഫി​ക് പോ​ലീ​സാ​ണ് വി​ദ്യാ​ർ​ഥി​ക​ളെ ഇ​റ​ക്കി​വി​ട്ട സ്വ​കാ​ര്യ ബ​സ് ജീവനക്കാർക്ക്​ ശി​ക്ഷ​യാ​യി ഇം​പോ​സി​ഷ​ൻ എ​ഴു​തി​ച്ച​ത്.

പ​ത്ത​നം​തി​ട്ട - ച​വ​റ റൂ​ട്ടി​ൽ സ​ർ​വി​സ് ന​ട​ത്തു​ന്ന സ്വ​കാ​ര്യ ബ​സ് അ​ടൂ​ർ പാ​ർ​ഥ​സാ​ര​ഥി ജ​ങ്​​ഷ​നി​ൽ നി​ർ​ത്തി​യ​പ്പോ​ൾ ബ​സി​ൽ ക​യ​റാ​ൻ ശ്ര​മി​ച്ച പെ​ൺ​കു​ട്ടി​ക​ൾ ഉ​ൾ​​െപ്പ​ടെ​യു​ള്ള വി​ദ്യാ​ർ​ഥി​ക​ളോ​ട് ഇ​തി​ന് മു​ന്നി​ൽ മ​റ്റൊ​രു ബ​സു​ണ്ടെ​ന്നും അ​തി​ൽ ക​യ​റി​യാ​ൽ മ​തി​യെ​ന്നും പ​റ​ഞ്ഞു.

എ​ന്നാ​ൽ, വി​ദ്യാ​ർ​ഥി​ക​ൾ ഈ ​ബ​സി​ൽ ക​യ​റാ​ൻ തു​ട​ങ്ങി​യ​പ്പോ​ൾ ജീ​വ​ന​ക്കാ​ർ ക​യ​ർ​ത്ത് സം​സാ​രി​ച്ചു. ഈ ​ദൃ​ശ്യ​ങ്ങ​ൾ ന​വ​മാ​ധ്യ​മ​ങ്ങ​ളി​ൽ വ​രു​ക​യും ചെ​യ്തു. ഇ​തോ​ടെ​യാ​ണ്​ പൊ​ലീ​സ്​ ബ​സ് ക​ണ്ടെ​ത്തി ഡ്രൈ​വ​റെ​യും ക​ണ്ട​ക്ട​റെ​യും ട്രാ​ഫി​ക് യൂ​നി​റ്റ് ആ​സ്ഥാ​ന​ത്തേ​ക്ക് വി​ളി​പ്പി​ച്ച​ത്.

സ്കൂ​ൾ കു​ട്ടി​ക​ളെ ബ​സി​ൽ ക​യ​റ്റാ​തി​രി​ക്കു​ക​യോ മ​ന​ഃപൂ​ർ​വ​മാ​യി ഇ​റ​ക്കി​വി​ടു​ക​യൊ കു​ട്ടി​ക​ളോ​ട് അ​പ​മ​ര്യാ​ദ​യാ​യി പെ​രു​മാ​റു​കു​ക​യോ ഇ​ല്ലെ​ന്ന്​ നൂ​റ് വ​ട്ടം ഇം​പോ​സി​ഷ​ൻ എ​ഴു​താ​നാ​യി​രു​ന്നു നി​ർ​ദേ​ശം. ര​ണ്ട് മ​ണി​ക്കൂ​ർ കൊ​ണ്ടാ​ണ് എ​ഴു​തി​ത്തീ​ർ​ന്ന​ത്. ഇ​നി ആ​വ​ർ​ത്തി​ച്ചാ​ൽ ലൈ​സ​ൻ​സ് റ​ദ്ദാ​ക്കു​ന്ന​തു​ൾ​​െപ്പ​ടെ​യു​ള്ള നി​യ​മ ന​ടപ​ടി​ക​ൾ സ്വീ​ക​രി​ക്കു​മെ​ന്ന് താ​ക്കീ​ത് ന​ൽ​കി​യാ​ണ് ട്രാ​ഫി​ക് എ​സ്.​ഐ ജി. ​സു​രേ​ഷ് കു​മാ​ർ ഇ​വ​രെ വി​ട്ട​യ​ച്ച​ത്.