കഞ്ചാവ് ലഹരിയിൽ ഭീകരാന്തരീക്ഷം സൃഷ്ടിച്ച യുവാവിെൻറ കാറിടിച്ച് സ്കൂട്ടർ യാത്രക്കാരൻ മരിച്ചു
text_fieldsമഞ്ചേശ്വരം: കഞ്ചാവ് ലഹരിയിൽ ഭീകരാന്തരീക്ഷം സൃഷ്ടിച്ച യുവാവ് നാട്ടുകാരെ കണ്ട് കാറില് രക്ഷപ്പെടുന്നതിനിടെ സ്കൂട്ടറില് ഇടിച്ച് സ്കൂട്ടര് യാത്രക്കാരന് മരിച്ചു. ചൊവ്വാഴ്ച വൈകീട്ട് ആറ് മണിയോടെ ഉപ്പള ബേക്കൂരിലാണ് സംഭവം. ബേക്കൂര് സുഭാഷ് നഗറിലെ റാം ഭട്ട് (62) ആണ് മരിച്ചത്.
നിരവധി കേസുകളില് പ്രതിയായ ഉപ്പള ജോഡ്കല്ലിലെ 28കാരനാണ് ബേക്കൂറില് കഞ്ചാവ് ലഹരിയിലെത്തി ഭീകരാന്തരീക്ഷം സൃഷ്ടിച്ചത്. ഇതുകണ്ട് നാട്ടുകാര് ഓടിക്കൂടിയതോടെ പ്രതി കാറെടുത്ത് രക്ഷപ്പെടുകയായിരുന്നു. വെപ്രാളത്തില് അമിത വേഗതയിൽ പോകുന്നതിനിടെ കാര് നിയന്ത്രണം വിട്ടാണ് റാം ഭട്ടിെൻറ സ്കൂട്ടറിലിടിച്ചത്. ഇതിനിടെ പൊലീസ് ജീപ്പ് കണ്ടതോടെ യുവാവ് കാര് ഉപേക്ഷിച്ച് വനത്തിനുള്ളിലൂടെ ഓടിരക്ഷപ്പെട്ടു.
ഉപ്പള ബേക്കൂരിൽ കഞ്ചാവ് ലഹരിയിൽ യുവാവ് ഓടിച്ച കാർ ഇടിച്ച് തകർന്ന സ്കൂട്ടർ
പ്രതിയുടെ കൈവശം തോക്ക് ഉണ്ടായിരുന്നതായും ദൃക്സാക്ഷികള് പറയുന്നു. പ്രതിക്കായി മഞ്ചേശ്വരം പൊലീസ് അന്വേഷണം ആരംഭിച്ചു. ഒരുമാസം മുമ്പ് ഇയാളുടെ വീട്ടിൽനിന്ന് 30 കിലോ കഞ്ചാവ് പിടികൂടിയിരുന്നു. വധശ്രമം, കഞ്ചാവ് കടത്ത് ഉള്പ്പെടെ ഏഴോളം കേസുകളില് പ്രതിയാണ് യുവാവെന്ന് പോലീസ് പറഞ്ഞു.
ഉപ്പള ബേക്കൂരിൽ കഞ്ചാവ് ലഹരിയിൽ യുവാവ് ഓടിച്ച് അപകടത്തിനിടയാക്കിയ കാർ
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.