അഭിമന്യുവി​െൻറ കൊല ആത്മരക്ഷക്കെന്ന്​ എസ്​.ഡി.പി.​െഎ

കൊച്ചി: അഭിമന്യുവി​​െൻറ കൊലപാതകത്തിൽ കൊലയാളികളെ ന്യായീകരിച്ച്​ എസ്​.ഡി.പി.​െഎ രംഗത്ത്​.  ക്യാമ്പസ്​ ഫ്രണ്ടുകാർ സ്വയംരക്ഷക്കായാണ്​​ ആയുധമെടുത്തതെന്ന്​ എസ്​.ഡി.പി.​െഎ സംസ്​ഥാന പ്രസിഡണ്ട്​ അബ്​ദുൽ മജീദ്​ ഫൈസി പറഞ്ഞു. 

ഇതൊരു ഏകപക്ഷീയമായ ആക്രമണമായിരുന്നി​ല്ലെന്നാണ്​ അന്വേഷണത്തിൽ മനസ്സിലായത്​. നൂറോളം വരുന്ന എസ്​.എഫ്​.​െഎ പ്രവർത്തകർ 15ഒാളം വരുന്ന ക്യാമ്പസ്​ഫ്രണ്ടുകാരെ ആക്രമിക്കാനെത്തിയപ്പോൾ സ്വയം രക്ഷക്കായാണ്​ അതിലൊരാൾ കത്തി പ്രയോഗിച്ചത്​. കോളജ്​ കാമ്പസിനകത്ത്​ അന്ന്​ രാത്രി മരണപ്പെട്ട അഭിമന്യുവോ മറ്റ്​ ഒന്നോ രണ്ടോ ആളുകൾ മാത്രമായിരുന്നില്ല, എസ്​.എഫ്​.​െഎക്കാരായ നൂറു കണക്കിനാളുകളും അവിടെ എത്തിയിരുന്നു എന്നതിന്​ ദൃക്​സാക്ഷികളുണ്ടെന്നും അബ്​ദുൽ മജീദ്​ ഫൈസി പറഞ്ഞു. 

സംഭവത്തെ ശക്തിയായി അപലപിക്കുന്നതായും കാമ്പസ്​ ഫ്രണ്ട്​ എസ്​.ഡി.പി.​െഎയുടെ വിദ്യാർഥി സംഘടന അല്ലെന്നുമാണ്​ എസ്.ഡി.പി.ഐ എറണാകുളം ജില്ല സെക്ര​േട്ടറിയറ്റ് കഴിഞ്ഞ ദിവസം വ്യക്തമാക്കിയത്​. എസ്.എഫ്.ഐ, കാമ്പസ് ഫ്രണ്ട് എന്നീ വിദ്യാർഥി സംഘടനകള്‍ തമ്മിലുണ്ടായ സംഘര്‍ഷമാണ് കൊലപാതകത്തിലേക്ക് നയിച്ചത്. അത്യന്തം ജനാധിപത്യ വിരുദ്ധ ശൈലിയാണ് എസ്.എഫ്.ഐയുടേത്. ഇതര വിദ്യാർഥി സംഘടനകളെ കായികമായി നേരിടുകയും കാമ്പസ് ജനാധിപത്യം കുഴിച്ച് മൂടുകയും ചെയ്തതി​​​െൻറ അനന്തര ഫലമാണ് മഹാരാജാസിലെ അക്രമമെന്നു മായിരുന്നു എസ്​.ഡി.പി.​െഎയുടെ പ്രതികരണം.