പാലക്കാട്ടെ അറസ്​റ്റ്​: എസ്​.ഡി.പി.ഐ പ്രവർത്തകർ ഹൈവേകൾ ഉപരോധിച്ചു

മലപ്പുറം: പാലക്കാട്ട്​ യുവാക്കൾക്കെതിരെ നടന്ന പൊലീസ് അതിക്രമത്തിൽ പ്രതിഷേധിച്ച എസ്​.ഡി.പി.ഐ പാലക്കാട് ജില്ല പ്രസിഡൻറ് എസ്​.പി. അമീർ അലി, പോപ്പുലർ ഫ്രണ്ട് സംസ്ഥാന സമിതി അംഗം സി.എ. റഊഫ്​ എന്നിവരെ അന്യായമായി അറസ്​റ്റ്​ ചെയ്ത പൊലീസ് നടപടിക്കെതിരെ എസ്​.ഡി.പി.ഐ മലപ്പുറം കുന്നുമ്മലിൽ ദേശീയപാത ഉപരോധിച്ചു.

പ്രതിരോധം ജില്ല പ്രസിഡൻറ്​ സി.പി.ഐ ലത്തീഫ് ഉദ്ഘാടനം ചെയ്തു. അഡ്വ. സാദിഖ് നടുത്തൊടി, എ.കെ. അബ്​ദുൽ മജീദ്, വി.കെ. അബ്​ദുൽ അഹദ്, വി.ടി. ഇഖ്‌റാമുൽ ഹഖ്, എം.പി. മുസ്തഫ മാസ്റ്റർ എന്നിവർ സംസാരിച്ചു. ടി.എം. ഷൗക്കത്ത്, എ. സെയ്​തലവി ഹാജി, മുസ്തഫ പാമങ്ങാടൻ, കെ.സി. അബ്​ദുസ്സലാം, റഹീസ് പുറത്തൂർ, സിറാജ് വാണിയമ്പലം, ടി. സിദ്ദീഖ് മാസ്​റ്റർ, സഫ്​വാൻ എന്നിവർ നേതൃത്വം നൽകി.

കണ്ണൂരിലും എസ്​.ഡി.പി.ഐ പ്രവർത്തകർ റോഡ്​ ഉപരോധിച്ചു. ഇവരെ ​പിരിച്ചുവിടാൻ​ പൊലീസ്​ ലാത്തിവീശുകയും കണ്ണീർവാതകം ​പ്രയോഗിക്കുകയും ചെയ്​തു.