വിഴിഞ്ഞത്ത് കടൽ ചുഴലിക്കാറ്റ്; തീരത്ത് ആശങ്ക

വി​ഴി​ഞ്ഞം: വി​ഴി​ഞ്ഞ​ത്ത് നാ​ട്ടു​കാ​രെ ആ​ശ​ങ്ക​യി​ലാ​ക്കി തീ​ര​ത്ത് വാ​ട്ട​ർ സ്പോ​ട്ട് എ​ന്ന ക​ട​ൽ ചു​ഴ​ലി​ക്കാ​റ്റ് പ്ര​തി​ഭാ​സം. സാ​ധാ​ര​ണ​യാ​യി കൊ​ടും​കാ​റ്റും മ​ഴ​യു​മു​ള്ള​ഘ​ട്ട​ത്തി​ൽ ഉ​ൾ​ക്ക​ട​ലി​ൽ മാ​ത്ര​മു​ണ്ടാ​കു​ന്ന പ്ര​തി​ഭാ​സം ബു​ധ​നാ​ഴ്ച ആ​ദ്യ​മാ​യി വി​ഴി​ഞ്ഞം തു​റ​മു​ഖ​ത്തി​ന് സ​മീ​പം പ്ര​ത്യ​ക്ഷ​പ്പെ​ട്ട​ത് മ​ത്സ്യ​ത്തൊ​ഴി​ലാ​ളി​ക​ളു​ടെ ച​ങ്കി​ടി​പ്പ് കൂ​ട്ടി. ഒ​രു ബോ​ട്ട് ചു​ഴ​ലി​യു​ടെ പി​ടി​യി​ൽ നി​ന്ന് ര​ക്ഷ​പ്പെ​ട്ട​ത് ത​ല​നാ​രി​ഴ​ക്കാ​യി​രു​ന്നു.

വൈ​കീ​ട്ട്​ നാ​ലു മ​ണി​യോ​ടെ അ​ന്താ​രാ​ഷ്ട്ര തു​റ​മു​ഖ​ത്തി​നും മാ​രി​ടൈം ബോ​ർ​ഡി​ന്‍റെ തു​റ​മു​ഖ​ത്തി​നും മ​ധ്യേ തീ​ര​ത്ത് നി​ന്ന് ക​ഷ്ടി​ച്ച് ര​ണ്ട് കി​ലോ​മീ​റ്റ​ർ ഉ​ൾ​ക്ക​ട​ലി​ലാ​ണ് ആ​ദ്യം ചു​ഴ​ലി പ്ര​ത്യ​ക്ഷ​പ്പെ​ട്ട​ത്. നാ​ല്പ​ത് മീ​റ്റ​ർ ചു​റ്റ​ള​വ് വി​സ്തീ​ർ​ണ്ണ​ത്തി​ൽ ചു​റ്റി​യ​ടി​ച്ച കാ​റ്റ് ക​ട​ൽ​ജ​ല​ത്തെ ശ​ക്ത​മാ​യി ആ​കാ​ശ​ത്തേ​ക്ക് വ​ലി​ച്ചു ക​യ​റ്റി.

ചോ​ർ​പ്പി​ന്‍റെ ആ​കൃ​തി​യി​ൽ വെ​ള്ളം ഉ​യ​രു​ന്ന​ത് അ​പ്ര​തീ​ക്ഷി​ത​മാ​യി ക​ണ്ട മ​ത്സ്യ​ത്തൊ​ഴി​ലാ​ളി​ക​ൾ ദൃ​ശ്യം മൊ​ബൈ​ൽ കാ​മ​റ​ക​ളി​ൽ പ​ക​ർ​ത്തി. വെ​ള്ള​ത്തി​ന് മു​ക​ളി​ൽ കൂ​ടി വീ​ശി​യ വാ​ട്ട​ർ​സ്പ്പോ​ട്ട് (വെ​ള്ളം ചീ​റ്റ​ൽ) പ്ര​തി​ഭാ​സം വ​ലി​യ ക​ട​പ്പു​റം ഭാ​ഗ​ത്തെ മ​ണ​ൻ പ്പ​ര​പ്പി​ൽ അ​വ​സാ​നി​ച്ചു. ഏ​ക​ദേ​ശം കാ​ൽ മ​ണി​ക്കൂ​റോ​ളം നീ​ണ്ടു​നി​ന്ന ചു​ഴ​ലി​യു​ടെ വ​ര​വ് ക​ണ്ട് ഒ​രു മ​ത്സ്യ​ബ​ന്ധ​ന ബോ​ട്ട്​ വെ​ട്ടി​ത്തി​രി​ച്ച് വേ​ഗ​ത്തി​ൽ ഓ​ടി​ച്ച​തി​നാ​ൽ അ​പ​ക​ടം ഒ​ഴി​വാ​യി.

എ​ന്താ​ണ്​ വാ​ട്ട​ർ സ്പോ​ട്ട്?

ചു​ഴ​ലി​ക്കാ​റ്റ് മൂ​ല​മു​ണ്ടാ​കു​ന്ന വെ​ള്ള​ത്തി​ന്‍റെ​യും സ്പ്രേ​യു​ടെ​യും ഒ​രു നി​ര​യാ​ണ് വാ​ട്ട​ർ സ്പോ​ട്ട്. സാ​ധാ​ര​ണ വെ​ള്ള​ത്തി​ന് മു​ക​ളി​ൽ ഉ​ണ്ടാ​കു​ന്ന ഈ ​ചു​ഴ​ലി​ക്കാ​റ്റ് ക​പ്പ​ലു​ക​ൾ​ക്കും ബോ​ട്ടു​ക​ൾ​ക്കും അ​പ​ക​ടം വ​രു​ത്താം. മേ​ഘ​ങ്ങ​ളോ​ടും ഉ​യ​ർ​ന്ന കാ​റ്റി​നോ​ടും കൂ​ടി​യ​താ​ണ് ഇ​ത്ത​രം പ്ര​തി​ഭാ​സ​മെ​ന്ന് ബ​ന്ധ​പ്പെ​ട്ട​വ​ർ പ​റ​യു​ന്നു. ശ​ക്ത​മാ​യ കാ​റ്റും മ​ഴ​യു​മു​ള്ള കാ​ലാ​വ​സ്ഥ​യി​ൽ ഉ​ൾ​ക്ക​ട​ലി​ൽ ഈ ​പ്ര​തി​ഭാ​സം ഇ​ട​വി​ട്ട് ഉ​ണ്ടാ​കാ​റു​ണ്ടെ​ന്ന് മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്നു.