ട്രാവൻകൂർ ഷുഗേഴ്സ്​ സ്​പിരിറ്റ്​ തട്ടിപ്പ്: ഉന്നത ഉദ്യോഗസ്ഥർ ഒളിവിൽ

തി​രു​വ​ല്ല: സം​സ്ഥാ​ന സ​ർ​ക്കാ​ർ ഉ​ട​മ​സ്ഥ​ത​യി​ൽ പ്ര​വ​ർ​ത്തി​ക്കു​ന്ന പു​ളി​ക്കീ​ഴ് ട്രാ​വ​ൻ​കൂ​ർ ഷു​ഗേ​ഴ്സ് ആ​ൻ​ഡ് കെ​മി​ക്ക​ൽ​സി​ലേ​ക്ക് സി​പി​രി​റ്റു​മാ​യി എ​ത്തി​യ ടാ​ങ്ക​ർ ലോ​റി​ക​ളി​ൽ​നി​ന്ന്​ സ്പി​രി​റ്റ് മ​റി​ച്ചു​വി​റ്റ സം​ഭ​വ​ത്തി​ൽ പ്രതികളായ ഉന്നത ഉദ്യോഗസ്ഥർ ഒളിവിൽ. ജനറൽ മാനേജർ അലക്സ് പി. തോമസ്, പേ​ഴ്‌​സ​ന​ൽ മാ​നേ​ജ​ർ ഷ​ഹീം, പ്രൊഡക്ഷൻ മാനേജർ മേഘാ മുരളി ഉൾപ്പെടെയുള്ളവരാണ് ഒളിവിൽ പോയിരിക്കുന്നത്. ഇന്നലെ അറസ്റ്റിലായ മൂന്ന് പ്രതികളെ കോടതി റിമാൻഡ് ചെയ്തതിന് പിന്നാലെയാണ് ഉന്നത ഉദ്യോഗസ്ഥർ ഒളിവിൽ പോയത്.

ലോ​റി ഡ്രൈ​വ​ർ​മാ​രാ​യ തൃ​ശൂ​ർ പൊ​ട്ട​ച്ചി​റ കു​ന്ന​ത്ത് ന​ന്ദ​കു​മാ​ർ, ഇ​ടു​ക്കി കാ​വു​മ്പാ​ടി വ​ട്ട​ക്കു​ന്നേ​ൽ സി​ജോ തോ​മ​സ്, ട്രാ​വ​ൻ​കൂ​ർ ഷു​ഗേ​ഴ്സി​ൽ സ്പി​രി​റ്റി​െൻറ ക​ണ​ക്ക് സൂ​ക്ഷി​ക്കു​ന്ന പാ​ണ്ട​നാ​ട് മ​ണി​വീ​ണ​യി​ൽ അ​രു​ൺ കു​മാ​ർ എ​ന്നി​വ​രാ​ണ്​ ഇന്നലെ അ​റ​സ്​​റ്റി​ലാ​യ​ത്. ടാ​ങ്ക​റി​ലെ​ത്തി​ച്ച സ്പി​രി​റ്റ് മ​റി​ച്ചു​വി​ൽ​ക്കാ​ൻ സ​ഹാ​യി​ച്ച മ​ധ്യ​പ്ര​ദേ​ശ് ബൈ​ത്തു​ൾ സ്വ​ദേ​ശി അ​ബു എ​ന്നയാളും പ്ര​തി​പ്പ​ട്ടി​ക​യി​ലുണ്ട്.

മ​ധ്യ​പ്ര​ദേ​ശി​ലെ ബ​ർ​വാ​ഹ​യി​ലെ സ​ർ​ക്കാ​ർ ഫാ​ക്ട​റി​യി​ൽ​നി​ന്ന്​ 1.15 ല​ക്ഷം ലി​റ്റ​ർ സ്പി​രി​റ്റു​മാ​യി മൂ​ന്ന് ടാ​ങ്ക​ർ ലോ​റി ചൊ​വ്വാ​ഴ്ച​യാ​ണ് കേ​ര​ള അ​തി​ർ​ത്തി​യി​ൽ എ​ത്തി​യ​ത്. സ്​​റ്റേ​റ്റ് എ​ക്സൈ​സ് എ​ൻ​ഫോ​ഴ്സ്മെൻറ് സ്‌​ക്വാ​ഡിന്​ ല​ഭി​ച്ച ര​ഹ​സ്യ സ​ന്ദേ​ശ​ത്തെ​ത്തു​ട​ർ​ന്ന് സം​ഘം വാ​ഹ​ന​ങ്ങ​ളെ പി​ന്തു​ട​ർ​ന്ന്​ ട്രാ​വ​ൻ​കൂ​ർ ഷു​ഗേ​ഴ്സി​ൽ എ​ത്തി പരിശോധിച്ചപ്പോഴാണ്​ രണ്ടു ലോറികളിൽ തട്ടിപ്പ്​ കണ്ടെത്തിയത്​. ടാ​ങ്ക​ർ ലോ​റി​ക​ളി​ൽ​നി​ന്ന്​ 20,687 ലി​റ്റ​ർ സ്പി​രി​റ്റാണ് മ​റി​ച്ചു​വി​റ്റത്.

അ​രു​ൺ​കു​മാ​റി​െൻറ നി​ർ​ദേ​ശ​പ്ര​കാ​രം മ​ധ്യ​പ്ര​ദേ​ശി​ലെ ഫാ​ക്ട​റി​യി​ൽ​നി​ന്ന്​ 70 കി.​മീ. അ​ക​ലെ സേ​ന്തു​വാ​യി​ൽ ലോ​റി നി​ർ​ത്തി​യി​ടു​ന്ന സ്ഥ​ല​ത്ത് അ​ബു എ​ത്തി ര​ണ്ട് വാ​ഹ​ന​ത്തി​ൽ​നി​ന്ന് സ്പി​രി​റ്റ് ഊ​റ്റി​യെ​ടു​ക്കു​ക​യാ​യി​രു​െ​ന്ന​ന്നാ​ണ്​ മൊ​ഴി. ഇ-​ലോ​ക്ക് ഘ​ടി​പ്പി​ച്ച വാ​ഹ​ന​ത്തി​നു​മു​ക​ളി​ലെ പൂ​ട്ടു​ക​ൾ അ​റു​ത്തു​മാ​റ്റി​യാ​ണ് ആ​റ് അ​റ​യി​ലാ​യി സൂ​ക്ഷി​ച്ച സ്​​പി​രി​റ്റ്​ ഊ​റ്റി​യ​ത്.

ഇ​ത് വി​റ്റ വ​ക​യി​ൽ ല​ഭി​ച്ച തു​ക അ​രു​ൺ​കു​മാ​റി​ന് കൈ​മാ​റാ​ൻ വാ​ഹ​ന​ങ്ങ​ളി​ൽ സൂ​ക്ഷി​ച്ചി​രു​ന്നു. ന​ന്ദ​കു​മാ​റി​െൻറ വാ​ഹ​ന​ത്തി​ൽ​നി​ന്ന്​ 6.78 ല​ക്ഷം രൂ​പ​യും സി​ജോ​യു​ടെ വാ​ഹ​ന​ത്തി​ൽ​നി​ന്ന്​ 3.50 ല​ക്ഷം രൂ​പ​യു​മാ​ണ്​ ക​ണ്ടെ​ടു​ത്ത​ത്. ഒ​രു​മാ​സം ശ​രാ​ശ​രി 15 ലോ​ഡ് സ്പി​രി​റ്റാ​ണ് ജ​വാ​ൻ റം ​നി​ർ​മി​ക്കാ​ൻ ഇ​വി​ടേ​ക്ക് എ​ത്തു​ന്ന​ത്. പെ​ർ​മി​റ്റി​ൽ രേ​ഖ​പ്പെ​ടു​ത്തി​യ അ​ള​വി​ൽ കു​റ​വാ​ണ് എ​ത്തു​ന്ന​തെ​ങ്കി​ലും ഉ​ന്ന​ത ഉ​ദ്യോ​ഗ​സ്ഥ​ർ ത​ട്ടി​പ്പി​ന് കൂ​ട്ടു​നി​ൽ​ക്കു​ന്ന​തി​നാ​ൽ പു​റ​ത്ത്​ അ​റി​ഞ്ഞി​രു​ന്നി​ല്ല. സ​മാ​ന​രീ​തി​യി​ൽ ത​ട്ടി​പ്പ് മു​മ്പും ന​ട​ത്തി​യ​താ​യി പ്ര​തി​ക​ൾ ചോ​ദ്യം ചെ​യ്യ​ലി​ൽ സ​മ്മ​തി​ച്ചി​ട്ടു​ണ്ട്.