ഓളങ്ങൾ ഭേദിച്ച ഒരുമ; ചാലിയാറിൽ മെഗാ തിരച്ചിൽ

പോ​ത്തു​ക​ല്ല്: ഒ​ത്തൊ​രു​മ​യു​ടെ​യും സ​ഹ​ജീ​വി സ്നേ​ഹ​ത്തി​ന്റെ​യും അ​ട​യാ​ള​പ്പെ​ടു​ത്ത​ലാ​യി ചാ​ലി​യാ​റി​ലെ മെ​ഗാ തി​ര​ച്ചി​ൽ. മു​ണ്ടേ​രി ഫാം ​മു​ത​ൽ സൂ​ചി​പ്പാ​റ വെ​ള്ള​ച്ചാ​ട്ടം വ​രെ​യു​ള്ള വ​നാ​ന്ത​ര​ങ്ങ​ളി​ൽ പു​ഴ​യോ​രം കേ​ന്ദ്രീ​ക​രി​ച്ചാ​യി​രു​ന്നു 300ഓ​ളം യു​വ​തീ-​യു​വാ​ക്ക​ൾ നേ​രി​ട്ടി​റ​ങ്ങി​യു​ള​ള അ​ന്വേ​ഷ​ണം. ജി​ല്ല​യു​ടെ നാ​നാ​ദി​ക്കു​ക​ളി​ൽ നി​ന്നെ​ത്തി​യ സ​ന്ന​ദ്ധ സം​ഘ​ങ്ങ​ൾ, ദു​ര​ന്ത​ത്തി​ന്റെ ഇ​ര​ക​ളോ​ടു​ള്ള ഐ​ക്യ​ദാ​ർ​ഢ്യ​വു​മാ​യി ദു​ർ​ഘ​ട​മാ​യ കാ​ട്ടു​വ​ഴി​ക​ൾ താ​ണ്ടു​ക​യാ​യി​രു​ന്നു. ഉ​രു​ൾ​പൊ​ട്ട​ലി​ൽ മൃ​തി​യ​ട​ഞ്ഞ​വ​രാ​യി ആ​രെ​ങ്കി​ലും മ​റ​ഞ്ഞു​കി​ട​ക്കു​ന്നു​ണ്ടെ​ങ്കി​ൽ അ​വ​രു​ടെ മൃ​ത​ശ​രീ​ര​ങ്ങ​ൾ വീ​ണ്ടെ​ടു​ക്കു​ക​യെ​ന്ന ദൗ​ത്യ​മാ​ണ് യു​വ കൂ​ട്ടാ​യ്മ​ക്കു​ണ്ടാ​യി​രു​ന്ന​ത്.

ജി​ല്ല ഭ​ര​ണ​കൂ​ട​ത്തി​ന്റെ ആ​ഹ്വാ​ന​പ്ര​കാ​രം ഞാ​യ​റാ​ഴ്ച അ​തി​രാ​വി​ലെ ത​ന്നെ സ​ന്ന​ദ്ധ​സം​ഘ​ങ്ങ​ളു​ടെ വാ​ഹ​ന​ങ്ങ​ൾ ഫാം ​ല​ക്ഷ്യ​മാ​ക്കി വ​ന്നു​തു​ട​ങ്ങി​യി​രു​ന്നു. വി​വി​ധ സ​ർ​ക്കാ​ർ ഏ​ജ​ൻ​സി​ക​ളും എ​സ്.​പി​യ​ട​ക്കം ഉ​യ​ർ​ന്ന ഉ​ദ്യോ​ഗ​സ്ഥ​രും സ​ന്നി​ഹി​ത​രാ​യി​രു​ന്നു. ഏ​ഴ​ര​യോ​ടെ തി​ര​ച്ചി​ലി​ന് ഒ​രു​ങ്ങി​യെ​ത്തി​യ സ​ന്ന​ദ്ധ​പ്ര​വ​ർ​ത്ത​ക​രാ​ൽ ഫാം ​പ​രി​സ​രം നി​റ​ഞ്ഞു. ഭ​ക്ഷ​ണ​വും വെ​ള്ള​വും റോ​പ്പും മ​റ്റ് ഉ​പ​ക​ര​ണ​ങ്ങ​ളു​മാ​യി ദൗ​ത്യ​സം​ഘ​ങ്ങ​ൾ കാ​ട്ടി​ലേ​ക്ക് നീ​ങ്ങി​ത്തു​ട​ങ്ങി. പു​ഴ​യു​ടെ ഇ​രു​വ​ശ​ങ്ങ​ളി​ലൂ​ടെ​യു​മാ​ണ് തി​ര​ച്ചി​ൽ സം​ഘ​ങ്ങ​ൾ നീ​ങ്ങി​യ​ത്. സം​ഘാം​ഗ​ങ്ങ​ൾ കൈ​കോ​ർ​ത്തു​പി​ടി​ച്ചാ​ണ് ഓ​ള​ങ്ങ​ൾ ഭേ​ദി​ച്ച് മ​റു​ക​ര​യി​ലെ​ത്തി​യ​ത്. പ​ക​ൽ മ​ഴ മാ​റി​നി​ന്ന് വെ​യി​ൽ പ​ര​ന്ന​ത് ദൗ​ത്യ​സം​ഘ​ത്തി​ന്റെ തി​ര​ച്ചി​ലി​ന് സൗ​ക​ര്യ​മാ​യി.

അ​തി​ദു​ർ​ഘ​ടം വ​ന​പാ​ത

ഇ​രു​ട്ടു​കു​ത്തി​യും വാ​ണി​യ​മ്പു​ഴ​യും ത​ല​പ്പാ​ലി​യും ക​ട​ന്ന് ദു​ഷ്ക​ര​വ​ഴി​ക​ൾ താ​ണ്ടി​യാ​യി​രു​ന്നു വ​ന​യാ​ത്ര. വ​ഴി​നീ​ളെ കു​ണ്ടും കു​ഴി​ക​ളും പാ​റ​ക്ക​ല്ലു​ക​ളും. കൈ​വ​ഴി​ക​ളു​ടെ കു​ത്തൊ​ഴു​ക്ക്. മ​ല​വെ​ള്ള​പ്പാ​ച്ചി​ലി​ൽ ചാ​ലി​യാ​ർ പ​ല വ​ഴി​ക​ളാ​യി തി​രി​ഞ്ഞി​രി​ക്കു​ന്നു. പു​ഴ​മ​ധ്യേ പു​തി​യ മാ​ടു​ക​ൾ പ്ര​ത്യ​ക്ഷ​പ്പെ​ട്ടി​രി​ക്കു​ന്നു. പു​ഴ നി​റ​യെ ഒ​ഴു​കി​യെ​ത്തി​യ മ​ര​ങ്ങ​ൾ. തൊ​ലി​യ​ട​ർ​ന്ന് ചു​വ​പ്പു നി​റ​മാ​യ മ​ര​ങ്ങ​ൾ ചീ​യു​ന്ന​തി​ന്റെ ഗ​ന്ധം. പ​ലേ​ട​ത്തും വ​ള​ർ​ത്തു​മൃ​ഗ​ങ്ങ​ളു​ടെ​യും മീ​ൻ ച​ത്തു​പൊ​ങ്ങി​യ​തി​ന്റേ​യും മ​ണ​വും. ഇ​രു​ട്ട് മൂ​ടി​യ കാ​ട്ടു​വ​ഴി​ക​ളി​ലൂ​ടെ, ചോ​ല​ക​ൾ മു​റി​ച്ചു​ക​ട​ന്നും പാ​റ​ക്കെ​ട്ടു​ക​ൾ താ​ണ്ടി​യു​മാ​യി​രു​ന്നു ദൗ​ത്യ​സം​ഘ​ത്തി​ന്റെ പ്ര​യാ​ണം. പ​ല​രും പാ​റ​ക്ക​ല്ലു​ക​ളി​ൽ വ​ഴു​തി തെ​ന്നി​വീ​ണു. കാ​ലി​ന് ചെ​റി​യ മു​റി​വേ​റ്റ​വ​രു​മു​ണ്ട്.

ഭീ​തി നി​റ​ച്ച് ആ​ന​ച്ചൂ​ര്

ത​രി​പ്പ​പൊ​ട്ടി​യും പി.​സി.​കെ​യും പി​ന്നി​ട്ട് യാ​ത്ര കു​മ്പ​ള​പ്പാ​റ​യോ​ട​ടു​ത്തു. ഇ​ട​തൂ​ർ​ന്ന കാ​ടു​ക​ളി​ൽ വ​ഴി​ക​ൾ നേ​ർ​ത്ത​താ​യി. വ​ള്ളി​പ്പ​ട​ർ​പ്പു​ക​ളും അ​ടി​ക്കാ​ടു​ക​ളും കാ​ഴ്ച​യെ മ​റ​യ്ക്കു​ന്നു. ച​വി​ട്ടു​വ​ഴി​ക​ളി​ലൂ​ടെ അ​ൽ​പം ന​ട​ന്നു​നീ​ങ്ങി​യ​പ്പോ​ൾ ആ​ന​ച്ചൂ​ര് പ​ര​ക്കു​ന്നു. ആ​ന​ത്താ​ര​യാ​ണെ​ന്ന് വ​നം​വ​കു​പ്പ് വാ​ച്ച​ർ​മാ​ർ പ​റ​ഞ്ഞു. സം​ഘാം​ഗ​ങ്ങ​ൾ ഒ​രു​മി​ച്ച് നീ​ങ്ങ​ണ​മെ​ന്ന് നി​ർ​ദേ​ശം വ​ന്നു. പു​ഴ​യോ​ര​ത്തെ പാ​റ​ക്ക​ല്ലു​ക​ൾ നി​റ​ഞ്ഞ വ​ഴി​യി​ലേ​ക്ക് നീ​ങ്ങി. അ​ൽ​പം ക​ഴി​ഞ്ഞ​പ്പോ​ൾ ആ​ന​ച്ചൂ​ര് അ​ക​ന്നു​പോ​യി. വീ​ണ്ടും ചെ​ങ്കു​ത്താ​യ കാ​ട്ടു​വ​ഴി​ക​ളി​ലൂ​ടെ പ​ര​പ്പ​ൻ​പാ​റ ല​ക്ഷ്യ​മാ​ക്കി യാ​ത്ര.

ശ​രീ​ര​ഭാ​ഗ​ങ്ങ​ൾ വീ​ണ്ടെ​ടു​ത്ത് ദൗ​ത്യം

പ്ര​തീ​ക്ഷി​ച്ച​തു​പോ​ലെ ചാ​ലി​യാ​റി​ൽ, ദു​ര​ന്ത​ത്തി​ൽ മ​രി​ച്ച​വ​രു​ടെ ശ​രീ​ര​ഭാ​ഗ​ങ്ങ​ൾ ബാ​ക്കി കി​ട​ക്കു​ന്നു​ണ്ടാ​യി​രു​ന്നു. പു​ഴ​യു​ടെ ഇ​രു​വ​ശ​ങ്ങ​ളി​ലൂ​ടെ​യും നീ​ങ്ങി​യ ദൗ​ത്യ സം​ഘാം​ഗ​ങ്ങ​ൾ, തീ​രം അ​രി​ച്ചു​പെ​റു​ക്കി പ​രി​ശോ​ധി​ച്ചാ​ണ് മു​ന്നോ​ട്ടു​പോ​യ​ത്. വീ​ണു​കി​ട​ക്കു​ന്ന മ​ര​ങ്ങ​ൾ​ക്കി​ട​യി​ലും മ​ണ്ണി​ന​ടി​യി​ലും മൃ​ത​ദേ​ഹ ഭാ​ഗ​ങ്ങ​ൾ മ​റ​ഞ്ഞു​കി​ട​ന്നി​രു​ന്നു. ഒ​രി​ട​ത്തു​നി​ന്ന് കാ​ലി​ന്റെ ഭാ​ഗ​വും മ​റ്റി​ട​ങ്ങ​ളി​ൽ​നി​ന്ന് മ​റ്റു ശ​രീ​ര​ഭാ​ഗ​ങ്ങ​ളും ല​ഭി​ച്ചു. കി​ട്ടി​യ ശ​രീ​ര​ഭാ​ഗ​ങ്ങ​ൾ ക​വ​റി​ലാ​ക്കി മ​ര​ത്തി​ൽ തൂ​ക്കി​യി​ട്ട് അ​ട​യാ​ളം വെ​ച്ചാ​ണ് ദൗ​ത്യ​സം​ഘം മു​ക​ളി​ലേ​ക്ക് തി​ര​ച്ചി​ൽ തു​ട​ർ​ന്ന​ത്. പ​ര​പ്പ​ൻ​പാ​റ​യി​ൽ​നി​ന്ന് പെ​ൺ​കു​ട്ടി​യു​ടെ വ​യ​റി​ന് മു​ക​ളി​ലു​ള്ള ഭാ​ഗം ല​ഭി​ച്ചു. ത​ല​ക്ക് കാ​ര്യ​മാ​യ ക്ഷ​ത​മു​ണ്ടെ​ങ്കി​ലും തി​രി​ച്ച​റി​യാ​വു​ന്ന വി​ധ​മാ​ണ്. കി​ലോ​മീ​റ്റ​റു​ക​ളോ​ളം തു​ണി​യി​ൽ കെ​ട്ടി ചു​മ​ന്നാ​ണ് സം​ഘാം​ഗ​ങ്ങ​ൾ മൃ​ത​ദേ​ഹം ഇ​രു​ട്ടു​കു​ത്തി​യി​ലെ​ത്തി​ച്ച​ത്.

കു​മ്പ​ള​പ്പാ​റ​യി​ൽ മ​ണ്ണി​ൽ ആ​ണ്ട നി​ല​യി​ൽ കാ​ൽ ക​ണ്ടു. വ്യാ​പ​ക തി​ര​ച്ചി​ലി​നൊ​ടു​വി​ൽ ഉ​ച്ച​യോ​ടെ​യാ​ണ് സം​ഘം ജി​ല്ല അ​തി​ർ​ത്തി​യി​ലെ​ത്തി​ച്ചേ​ർ​ന്ന​ത്. അ​വി​ടെ​നി​ന്ന് 14 പേ​ര​ട​ങ്ങു​ന്ന ഒ​രു സം​ഘം വ​യ​നാ​ട് ഭാ​ഗ​ത്തേ​ക്ക് തി​ര​ച്ചി​ൽ തു​ട​ർ​ന്നു. ഇ​വ​ർ ചെ​ങ്കു​ത്താ​യ മ​ല​വാ​രം പി​ന്നി​ട്ട് കാ​ന്തം​പാ​റ വെ​ള്ള​ച്ചാ​ട്ടം​വ​രെ​യെ​ത്തി. ഇ​വി​ടെ വ​യ​നാ​ട്ടി​ലെ വ​ന​പാ​ല​ക​രു​മാ​യി ചേ​ർ​ന്നു. തി​ര​ച്ചി​ലി​ൽ ക​ണ്ടെ​ത്തി​യ ശ​രീ​ര ഭാ​ഗ​ങ്ങ​ളു​മാ​യി ഹെ​ലി​കോ​പ്റ്റ​റി​ൽ അ​വ​ർ മേ​പ്പാ​ടി ഭാ​ഗ​ത്തേ​ക്ക് എ​ത്തി. ദൗ​ത്യ​സം​ഘ​ത്തി​ലെ മ​റ്റു​ള്ള​വ​ർ വൈ​കീ​ട്ട് മൂ​ന്നോ​ടെ തി​രി​ച്ചി​റ​ങ്ങി​ത്തു​ട​ങ്ങി. പ​ല​യി​ട​ങ്ങ​ളി​ലാ​യി മ​ര​ത്തി​ൽ ക​വ​റി​ലാ​ക്കി കെ​ട്ടി സൂ​ക്ഷി​ച്ച ശ​രീ​ര​ഭാ​ഗ​ങ്ങ​ൾ ചു​മ​ന്നാ​യി​രു​ന്നു മ​ട​ക്കം. വൈ​കീ​ട്ട് മ​ഴ ചെ​യ്ത​ത് തി​രി​ച്ചി​റ​ക്കം ദു​ഷ്ക​ര​മാ​ക്കി. ഡി​ങ്കി ബോ​ട്ടി​ലും ച​ങ്ങാ​ട​ത്തി​ലു​മാ​ണ് മൃ​ത​ദേ​ഹ ഭാ​ഗ​ങ്ങ​ൾ മ​റു​ക​ര​യി​ലെ​ത്തി​ച്ച​ത്. ഒ​രു​ക്കി നി​ർ​ത്തി​യ ആം​ബു​ല​ൻ​സു​ക​ളി​ൽ ഇ​വ നി​ല​മ്പൂ​ർ ജി​ല്ല ആ​ശു​പ​ത്രി​യി​ലേ​ക്ക് മാ​റ്റി.

തി​ര​ച്ചി​ൽ സം​ഘ​ത്തി​ൽ വ​നി​ത​ക​ളും

ദു​ഷ്ക​ര ദൗ​ത്യ​ത്തി​ൽ പ​ങ്കാ​ളി​യാ​യി വ​നി​ത​ക​ളും. വി​വി​ധ സ​ന്ന​ദ്ധ സം​ഘ​ട​ന​ക​ളി​ൽ അം​ഗ​ങ്ങ​ളാ​യ സ്ത്രീ​ക​ളാ​ണ് ദു​ർ​ഘ​ട​മാ​യ വ​ന​പാ​ത​യി​ലൂ​ടെ തി​ര​ച്ചി​ലി​ൽ പ​ങ്കാ​ളി​ക​ളാ​യ​ത്. പ​ഞ്ചാ​യ​ത്തും ക്ല​ബു​ക​ളും ദൗ​ത്യ​സം​ഘ​ത്തി​ന് ഭ​ക്ഷ​ണ​വും വെ​ള്ള​വും ഒ​രു​ക്കി​യി​രു​ന്നു. പൊ​ലീ​സും വ​ന​പാ​ല​ക​രും ത​ണ്ട​ർ​ബോ​ൾ​ട്ടും വ​ന​ത്തി​ൽ ദൗ​ത്യ​സം​ഘ​ത്തി​ന് സു​ര​ക്ഷാ ക​വ​ച​മൊ​രു​ക്കി.

അഴുകിയ ശരീരഭാഗങ്ങൾ നിലമ്പൂരിൽ സംസ്കരിക്കും

ചാ​ലി​യാ​റി​ൽ ക​ണ്ടെ​ത്തു​ന്ന അ​ഴു​കി​യ ശ​രീ​ര​ഭാ​ഗ​ങ്ങ​ൾ നി​ല​മ്പൂ​രി​ൽ മ​റ​വു​ചെ​യ്യാ​ൻ ഉ​ത്ത​ര​വ്. ഞാ​യ​റാ​ഴ്ച​യാ​ണ് ജി​ല്ല ഭ​ര​ണ​കൂ​ടം ഉ​ത്ത​ര​വി​റ​ക്കി​യ​ത്. ന​ഗ​ര​സ​ഭ​യു​ടെ അ​ധീ​ന​ത​യി​ലു​ള്ള അ​രു​വാ​ക്കോ​ട്ടെ പൊ​തു​സ്ഥ​ല​ത്താ​ണ് മ​റ​വ് ചെ​യ്യു​ക. ന​ഗ​ര​സ​ഭ അ​ടി​യ​ന്ത​ര കൗ​ൺ​സി​ൽ യോ​ഗം ചേ​ർ​ന്ന് തീ​രു​മാ​ന​മ​റി​യി​ച്ചി​രു​ന്നു. ഞാ​യ​റാ​ഴ്ച ക​ണ്ടെ​ടു​ത്ത ശ​രീ​ര​ഭാ​ഗ​ങ്ങ​ൾ മി​ക്ക​തും അ​ഴു​കി​യ​താ​ണ്. എ​ന്നാ​ലും ഇ​തി​ൽ അ​ഞ്ചെ​ണ്ണം ഒ​ഴി​കെ വ​യ​നാ​ട്ടി​ലേ​ക്ക് അ​യ​ച്ചി​ട്ടു​ണ്ട്. അ​ടു​ത്ത ദി​വ​സ​ങ്ങ​ളി​ൽ ക​ണ്ടെ​ടു​ക്കു​ന്ന​വ നി​ല​മ്പൂ​രി​ൽ സം​സ്ക​രി​ക്കും.