രണ്ടാം കോവിഡ്​ വാക്​സിൻ: ഹൈകോടതി ഉത്തരവിനെതിരെ കേന്ദ്രം അപ്പീൽ നൽകും

കൊച്ചി: രണ്ടാം ഡോസ്​ കോവിഷീൽഡ്​ വാക്​സിൻ നാലാഴ്ച കഴിഞ്ഞ് ലഭ്യമാകും വിധം കോവിൻ പോർട്ടലിൽ മാറ്റം വരുത്തണമെന്ന ​ൈഹകോടതി സിംഗിൾ ബെഞ്ച്​ ഉത്തരവിനെതിരെ കേന്ദ്രസർക്കാർ ഡിവിഷൻ ബെഞ്ചിൽ അപ്പീൽ നൽകും. ചൊവ്വാഴ്​ച കേന്ദ്ര ആരോഗ്യ മന്ത്രാലയം സെക്രട്ടറിയടക്കമുള്ളവരുമായി അസിസ്​റ്റൻറ്​ സോളിസിറ്റർ ജനറൽ ചർച്ച നടത്തിയാണ്​ തീരുമാ​നിച്ചത്​. അപ്പീലുമായി ബന്ധപ്പെട്ട മറ്റുകാര്യങ്ങൾ തുടർ യോഗങ്ങളിൽ തീരുമാനിക്കും. സുപ്രീംകോടതിയെ നേരിട്ട്​ സമീപിക്കാമെങ്കിലും ഈ ഘട്ടത്തിൽ അത്​ വേണ്ടതില്ലെന്ന്​ തീരുമാനിച്ചു.

നിലവിൽ 84 ദിവസം കഴിഞ്ഞ് മാത്രം രണ്ടാം ഡോസ് എടുക്കാൻ അനുമതി നൽകുന്നത് നയപരമായ തീരുമാനമാ​ണെന്നാണ്​ സർക്കാർ വാദം. വിദേശത്ത്​ പോകുന്നവർക്ക്​ ഈ ഇടവേളയിൽ ഇളവ്​ അനുവദിക്കുന്നത്​ വിവേചനപരമാണെന്ന്​ ചൂണ്ടിക്കാട്ടിയാണ്​ സിംഗിൾ ബെഞ്ചി​െൻറ ഉത്തരവ്​. എന്നാൽ, ഇളവനുവദിച്ചത്​ അനിവാര്യ സാഹചര്യങ്ങളിൽ മാത്രമാണ്​.

ഇതും നയപരമായ തീരുമാനമാണ്​. വിവേചനപരമെന്ന്​ ചൂണ്ടിക്കാട്ടി പുറപ്പെടുവിച്ച ഉത്തരവിലും വിവേചനമുണ്ടെന്ന്​ കേന്ദ്രം വിലയിരുത്തി. സൗജന്യ ​വാക്​സിൻ എടുക്കാൻ മുതിരുന്നവർക്ക്​ നാലാഴ്​ചക്കുശേഷം വാക്​സിൻ നൽകുന്ന കാര്യത്തിൽ ഈ ഉത്തരവ്​ ബാധകമാക്കാത്തതും വിവേചനപരമാണ്​. കോടതി ഉത്തരവ്​ പ്രകാരം ഇടവേളയുടെ കാര്യത്തിൽ പോർട്ടലിൽ മാറ്റം വരുത്തു​േമ്പാൾ ഇത്​ പ്രായോഗികബുദ്ധിമുട്ടുണ്ടാക്കും. മാത്രമല്ല, ദേശീയതലത്തിൽ ഇത്തരത്തിൽ മാറ്റം കൊണ്ടുവരുന്നത്​ കേന്ദ്രസർക്കാറി​െൻറ വാക്സിൻ നയംതന്നെ തിരുത്തുന്ന വിധത്തിലായി മാറും. ഈ സാഹചര്യത്തിൽ സിംഗിൾ ബെഞ്ച്​ ഉത്തരവ്​ റദ്ദാക്കണമെന്നാവശ്യപ്പെട്ട്​ അപ്പീലുമായി ഡിവിഷൻ ബെഞ്ചിനെ സമീപിക്കാനാണ്​ കേന്ദ്രസർക്കാർ തീരുമാനം.