സെക്രട്ടറിയേറ്റിലെ ഓണാവധി റദ്ദാക്കി: മത്സ്യതൊഴിലാളികൾക്ക്  ആദരം

തിരുവനന്തപുരം: സംസ്ഥാനത്തെ പ്രളയക്കെടുതി മുൻനിർത്തി സെക്രട്ടറിയേറ്റിലെ  ജീവനക്കാരുടെ ഓണാവധി റദ്ദാക്കി. ജീവനക്കാർക്ക്  തിരുവോണത്തിനു മാത്രമാണ്​ അവധി അനുവദിക്കുകയെന്നും അധികൃതർ അറിയിച്ചു.
ഗവ. സെക്രട്ടേറിയറ്റ് സ്റ്റാഫ് സഹകരണ സംഘം മുഖമന്ത്രിയുടെ ദുരിതാശ്വാസ നിധിയിലേക്ക് ഒരു കോടി രൂപ സംഭാവന നൽകിയിരുന്നു.

അതേസമയം, പ്രളയത്തിൽ കുടുങ്ങിയ ആളുകളെ രക്ഷ​​പ്പെടുത്തിയ മത്സ്യതൊഴിലാളികളെ സംസ്ഥാന സർക്കാർ ആദരിക്കും. ആഗസ്​റ്റ്​ 29 ന് തിരുവനന്തപുരം നിശാഗന്ധിയിലാണ്​ അനുമോദന പരിപാടി നടക്കുകയെന്നും അധികൃതർ അറിയിച്ചു.