ചെറുതോണി ഡാമിലെ സുരക്ഷ വീഴ്ച: അന്വേഷണം ക്രൈംബ്രാഞ്ചിന്

ഇടുക്കി: അണക്കെട്ടിലെ ഷട്ടർ റോപ്പിൽ ദ്രാവകം ഒഴിച്ച സംഭവത്തിലെ സുരക്ഷ വീഴ്ച ക്രൈംബ്രാഞ്ച് അന്വേഷിക്കും. ജൂലൈ 22ന് നടന്ന സംഭവത്തിൽ കേസെടുത്ത് ഇടുക്കി സി.ഐ ആയിരുന്നു അന്വേഷിച്ചിരുന്നത്.

പ്രതി ഒറ്റപ്പാലം സ്വദേശി വിദേശത്താണ്. പ്രതിക്കായി ഇതുവരെ ലുക്കൗട്ട് നോട്ടീസ് പോലും പുറപ്പെടുവിച്ചിരുന്നില്ല.

പ്രതി ഡാമിൽ അതിക്രമിച്ച് കയറുകയായിരുന്നു. സംഭവത്തെ തുടർന്ന് ഇടുക്കി, ചെറുതോണി ഡാമുകളിൽ സുരക്ഷ വർധിപ്പിച്ചിട്ടുണ്ട്.