സ്വാശ്രയ ഫീസ്​: മുഖ്യമന്ത്രിയുടെ പ്രൈവറ്റ്​ സെക്രട്ടറി​ ഇട​പെ​െട്ടന്ന്​ പ്രതിപക്ഷം

തിരുവനന്തപുരം: സ്വാശ്രയ ഫീസ് വർധനയുമായി ബന്ധപ്പെട്ട വിഷയത്തില്‍ മുഖ്യമന്ത്രിയുടെ പ്രൈവറ്റ്​ സെക്രട്ടറി​ മാനേജുമെന്‍റുകള്‍ക്ക് വേണ്ടി ഇടപെട്ടുവെന്ന്​ വി.ഡി സതീശന്‍ എം.എല്‍.എ.  ആരോഗ്യമന്ത്രിയെ നോക്കുകുത്തിയാക്കി മുഖ്യമന്ത്രിയുടെ പി.എസ്​ ഫീസ്​ വിഷയത്തിൽ മാനേജ്​മ​​െൻറുകൾക്ക്​ വേണ്ടി ഇടപെടുകയായിരുന്നുവെന്ന്​ സതീശന്‍ നിയമസഭയില്‍ ആരോപണം ഉന്നയിച്ചു. സ്വാശ്രയ പ്രവേശനം വഷളാക്കിയത് മുഖ്യമന്ത്രിയുടെ ഒാഫീസാണെന്നും പ്രതിപക്ഷം ആരോപിച്ചു. 

സ്വാശ്രയ മെഡിക്കല്‍ ഫീസുമായി ബന്ധപ്പെട്ട് സര്‍ക്കാറി​​​െൻറ പിടിപ്പുകേട് കുട്ടികളെ ആശങ്കയിലാക്കി. 5 ലക്ഷം ഫീസ് 11 ലക്ഷമായി വർധിപ്പിക്കാന്‍ സുപ്രീം കോടതി ഉത്തരവിട്ടത് സര്‍ക്കാറി​​​െൻറ പിടിപ്പുകേടാണ്​. നിലവില്‍ അഞ്ച് കൊല്ലം വിദ്യാർഥികള്‍ക്ക് പഠിക്കണമെങ്കില്‍ 55 ലക്ഷം രൂപ ഫീസ് കൊടുക്കേണ്ട സ്ഥിതിയാണെന്നും പ്രതിപക്ഷം പറഞ്ഞു. വിഷയത്തില്‍ വി.ഡി സതീശന്‍ എം.എല്‍.എ അടിയന്തര പ്രമേയത്തിന് നോട്ടീസ് നല്‍കി.

എന്നാല്‍ സ്വാശ്രയ ഫീസ് വർധനയുമായി ബന്ധപ്പെട്ട വിഷയത്തില്‍ സര്‍ക്കാറിന്​ പിഴവുണ്ടായിട്ടില്ലെന്ന്​ ആരോഗ്യ മന്ത്രി കെ.ക ശൈലജ പറഞ്ഞു. കുറഞ്ഞ ഫീസില്‍ പഠിക്കാനുള്ള സാഹചര്യം ഉണ്ടാക്കണമെന്നായിരുന്നു സര്‍ക്കാര്‍ ലക്ഷ്യമെന്നും സര്‍ക്കാരുമായി കരാറൊപ്പിടാത്ത മാനേജ്‌മ​​െൻറുകള്‍ സുപ്രീം കോടതിയെ സമീപിച്ചാണ് പുതിയ ഫീസ് നിരക്ക് നേടിയതെന്നും കെ.കെ ശൈലജ വ്യക്​തമാക്കി.

എന്നാൽ ഫീസ്​ വർധിപ്പിച്ചത്​ സർകാറി​​​െൻറ കെടുകാര്യസ്​ഥതയും ദുരഭിമാനവും മൂലമാണെന്ന്​ ആരോപിച്ച്​ പ്രതിപക്ഷം സഭയു​െട നടുത്തളത്തിലിറങ്ങി. പ്രതിപക്ഷ ബഹള​െത്ത തുടർന്ന്​ സഭ ഇന്നത്തേക്ക്​ പിരിഞ്ഞു.