സെര്‍വര്‍ തകരാര്‍; റവന്യൂ വകുപ്പിന്‍റെ സേവനങ്ങൾ നിലച്ചു

തി​രു​വ​ന​ന്ത​പു​രം: സെ​ര്‍വ​ര്‍ ത​ക​രാ​ര്‍ നി​മി​ത്തം ഭൂ​നി​കു​തി അ​ട​ക്ക​ൽ ഉ​ള്‍പ്പെ​ടെ റ​വ​ന്യൂ വ​കു​പ്പി​ന്‍റെ സേ​വ​ന​ങ്ങ​ൾ അ​വ​താ​ള​ത്തി​ൽ. ആ​ധാ​ര​ങ്ങ​ളു​ടെ ര​ജി​സ്ട്രേ​ഷ​ന്‍ ന​ട​ത്തേ​ണ്ട​വ​രും, ഭൂ​മി ഈ​ടു​വെ​ച്ച് ബാ​ങ്കു​ക​ളി​ല്‍നി​ന്നും വാ​യ്പ എ​ടു​ക്കേ​ണ്ട​വ​രും, ഉ​ള്‍പ്പെ​ടെ അ​ടി​യ​ന്ത​ര ആ​വ​ശ്യ​ങ്ങ​ള്‍ക്കാ​യി ഭൂ​നി​കു​തി അ​ട​ച്ച ര​സീ​ത് കി​ട്ടേ​ണ്ട​വ​ർ ഇ​തു​മൂ​ലം ദു​രി​ത​ത്തി​ലാ​യി. റ​വ​ന്യൂ​വ​കു​പ്പി​ന്‍റെ ഓ​ണ്‍ലൈ​ന്‍ സേ​വ​ന​ങ്ങ​ള്‍ ത​കി​ടം മ​റി​ഞ്ഞി​ട്ട് ആ​ഴ്ച​ക​ളാ​യി​ട്ടും ഇ​തു​വ​രെ പ​രി​ഹ​രി​ക്കാ​നാ​യി​ല്ല. ഭൂ​നി​കു​തി അ​ട​ച്ച ര​സീ​തി​നാ​യി അ​ക്ഷ​യ സെ​ന്‍റ​റു​ക​ളും ജ​ന​സേ​വ​ന​കേ​ന്ദ്ര​ങ്ങ​ളും വി​ല്ലേ​ജ്​ ഓ​ഫി​സു​ക​ളും ക​യ​റി​യി​റ​ങ്ങി ന​ട്ടം​തി​രി​ഞ്ഞി​രി​ക്കു​ക​യാ​ണ് ഭൂ​വു​ട​മ​ക​ള്‍.

വി​ല്ലേ​ജ്​ ഓ​ഫി​സു​ക​ളി​ലെ​ത്തി ഭൂ​നി​കു​തി അ​ട​ക്കാ​ന്‍ ആ​വ​ശ്യ​പ്പെ​ടു​മ്പോ​ള്‍ വി​ല്ലേ​ജ് അ​ധി​കൃ​ത​ര്‍ അ​ക്ഷ​യ സെ​ന്‍റ​റി​ലേ​ക്ക്​ പ​റ​ഞ്ഞു​വി​ടു​ക​യാ​ണ്. ഭൂ​നി​കു​തി അ​ട​ക്ക​ണ​മെ​ങ്കി​ൽ ദി​വ​സ​ങ്ങ​ൾ നെ​ട്ടോ​ട്ട​മോ​ട​ണം. 10 രൂ​പ​യു​ടെ നി​കു​തി അ​ട​ച്ചു ന​ല്‍കു​മ്പോ​ള്‍ അ​ക്ഷ​യ സെ​ന്‍റ​റു​ക​ളും ജ​ന​സേ​വ​ന​കേ​ന്ദ്ര​ങ്ങ​ളും 40 മു​ത​ല്‍ 60 രൂ​പ​വ​രെ​യാ​ണ് ഫീ​സ് ഈ​ടാ​ക്കു​ന്ന​ത്.

ക​രം അ​ട​ക്കാ​നാ​യി എ​ത്തു​ന്ന​വ​രോ​ട് വി​ല്ലേ​ജ്​ ഓ​ഫി​സി​ല്‍ ക​രം സ്വീ​ക​രി​ക്കു​ന്ന​ത് നി​ര്‍ത്ത​ലാ​ക്കി, പേ​പ്പ​ര്‍ ഇ​ല്ല, പ്രി​ന്‍റ​റി​ല്‍ മ​ഷി​യി​ല്ല തു​ട​ങ്ങി​യ തൊ​ടു​ന്യാ​യ​ങ്ങ​ളാ​ണ്​ ഉ​ദ്യോ​ഗ​സ്ഥ​ർ പ​റ​യു​ന്ന​ത്. സെ​ര്‍വ​ര്‍ ത​ക​രാ​ര്‍ കാ​ര​ണം വി​ല്ലേ​ജ്​ ഓ​ഫി​സു​ക​ളി​ല്‍ പോ​ക്കു​വ​ര​വ് ഉ​ള്‍പ്പെ​ടെ​യു​ള്ള​വ​യും ഏ​റ​ക്കു​റെ നി​ല​ച്ചി​രി​ക്കു​ക​യാ​ണ്.