മാധ്യമപ്രവർത്തകനെ മർദിച്ച ഏഴംഗസംഘം പിടിയിൽ

തൊടുപുഴ: മാധ്യമ പ്രവർത്തകനെ മർദിച്ച കേസിൽ ഏഴു പ്രതികൾ പിടിയിൽ. ശാസ്താംപാറ പുലിപ്പറമ്പില്‍ ബിപിന്‍ (27), നെയ്യശേരി കീഴേപുരയ്ക്കല്‍ അര്‍ജുന്‍ അജി (21), ഏഴല്ലൂര്‍ പെരുമ്പാറയില്‍ ഷെമ​ൻറ്​ (19), ശാസ്താംപാറ കൂറ്റോലിക്കല്‍ ശ്യാം (21) നെയ്യശേരി കാനത്തിൽ ആരോമല്‍ (21), കാരിക്കോട് കാരകുന്നേല്‍ ഷിനില്‍ (23) ഏഴല്ലൂര്‍ പെരുമ്പാറയില്‍ ഫ്ലമെൻറ്​ (18) എന്നിവരാണ് പിടിയിലായത്​. ഒളിവിലിരുന്ന പ്രതികളെ സൈബര്‍ സെല്ലി​െൻറ സഹായത്തോടെയാണ് കരിമണ്ണൂർ പൊലീസ്​ പിടികൂടിയത്​.

കഴിഞ്ഞ 31ന്​ രാത്രി 10നാണ്​ സംഭവം.​ ബൈക്കില്‍ വീട്ടിലേക്ക് പോകുകയായിരുന്ന ജനയുഗം ജില്ല ലേഖകന്‍ ജോമോന്‍ വി. സേവ്യറിനെ തടഞ്ഞുനിര്‍ത്തി ആക്രമിച്ച സംഭവത്തിലാണ്​ പ്രതികൾ പിടിയിലായത്​. തലക്ക്​ ഗുരുതരമായി പരിക്കേറ്റ ജോമോൻ മുതലക്കോടം ഹോളിഫാമിലി ആശുപത്രിയില്‍ ചികിത്സയിലാണ്​.

വണ്ണപ്പുറം അമ്പലപ്പടിയില്‍നിന്നുമാണ് പ്രതികളെ പിടികൂടിയതെന്ന്​ കരിമണ്ണൂര്‍ പൊലീസ്​ പറഞ്ഞു. പ്രതികള്‍ വണ്ണപ്പുറത്ത് ഒളിവില്‍ താമസിക്കുകയായിരുന്നു. പൊലീസാണെന്ന്​ മനസ്സിലായ പ്രതികളില്‍ രണ്ടുപേര്‍ ഓടിരക്ഷ​െപ്പടാൻ ശ്രമിച്ചതോടെ ബലമായി കീഴ്‌പ്പെടുത്തുകയായിരുന്നു. സി.പി.ഒ ജോബിന്‍ കുര്യന്‍, എ.എസ്.ഐ ബിജു, അജിന്‍സ്, സി.പി.ഒ വിജയാനന്ദ് എന്നിവർ നേതൃത്വം നൽകി.