വിദ്യാർഥിനികൾക്ക്​ പീഡനം; കായികാധ്യാപകൻ കസ്​റ്റഡിയിൽ

കണ്ണൂർ: പയ്യാവൂരിനടുത്ത്​ ചന്ദനക്കാംപാറയിൽ വിദ്യാർഥിനികളെ പീഡിപ്പിച്ചെന്ന പരാതിയിൽ​ കായികാധ്യാപകൻ കസ്​റ് റഡിയിൽ. പ്രദേശത്തെ എയ്​ഡഡ്​ ഹയർസെക്കൻഡറി സ്​കൂളിലെ എട്ട്​ വിദ്യാർഥിനികളുടെ പരാതിയുടെ അടിസ്ഥാനത്തിലാണ്​ നടപ ടി​.

ചൈൽഡ്​ ലൈനി​​െൻറ നേതൃത്വത്തിൽ രണ്ടാഴ്​ച മുമ്പ്​ സ്കൂളിലെ 200ഓളം വിദ്യാർഥികളെ കൗൺസിലിങിന്​ വിധേയമാക്കിയിരുന്നു. ഇതിനിടെയാണ്​ അധ്യാപക​​െൻറ ഭാഗത്തു നിന്ന്​ പീഡനമുണ്ടായതായി എട്ട്​ വിദ്യാർഥിനികൾ വെളിപ്പെടുത്തിയത്​. ഇതേതുടർന്ന്​ അധ്യാപകനെ സ്​കൂളിൽ നിന്ന്​ സസ്​പെൻഡ്​ ചെയ്​തിരുന്നു.

എന്നാൽ അധ്യാപകനെതിരെയുള്ള പരാതി പൊലീസിന്​ കൈമാറാൻ സ്​കൂൾ മാനേജ്​മ​െൻറ്​ തയാറായിരുന്നില്ല. ഇതേതുടർന്ന്​​ നാട്ടുകാരുടെ ഭാഗത്തു നിന്ന്​ പ്രതിഷേധം ഉയർന്നിരുന്നു. തുടർന്നാണ്​ ചൈൽഡ്​ ലൈൻ അധികൃതർ പരാതി വെള്ളിയാഴ്​ച കണ്ണൂർ എസ്​.പിക്ക്​ കൈമാറിയത്​. എസ്.പിയുടെ നിർദേശപ്രകാരമാണ്​ കായികാധ്യാപകനെ പൊലീസ്​ കസ്​റ്റഡിയിലെടുത്തത്​.