വിദ്യാർഥിനിയെ എട്ടുപേർ പീഡിപ്പിച്ചെന്ന പരാതി: അന്വേഷണം ഉൗർജിതം

കോഴിക്കോട്​: സ്​കൂൾ വിദ്യാർഥിനിയെ എട്ടുപേർ പീഡിപ്പിച്ചെന്ന പരാതിയിൽ പൊലീസ്​ അന്വേഷണം ഉൗർജിതം. നഗരത്തിലെ സ്വകാര്യ സ്​കൂളിലെ ഒമ്പതാം ക്ലാസ്​ വിദ്യാർഥിനിയാണ്​ പീഡനത്തിനിരയായത്​.

സുഹൃത്ത്​ പീഡിപ്പിച്ചെന്നാണ്​ കുട്ടി​ ആദ്യം വെളിപ്പെടുത്തിയത്​. തുടർന്ന്​ ചൈൽഡ്​ വെൽഫെയർ കമ്മിറ്റി അധികൃതർ വിശദ മൊ​ഴിയെടുത്തപ്പോഴാണ്​ വിദ്യാർഥി ഉൾപ്പെ​െട എട്ടുപേർ വിവിധ സമയങ്ങളിലായി പീഡി​പ്പിച്ചതായി വ്യക്​തമാക്കിയത്​.

വിദ്യാർഥിനിയുടെ താൽപര്യം മുൻനിർത്തി ​ൈചൽഡ്​ വെൽഫെയർ കമ്മിറ്റി കുട്ടിയെ സർക്കാർ സംരക്ഷണ കേന്ദ്രത്തിലേക്ക്​ മാറ്റി. നല്ലളം, ബേപ്പൂർ, മാറാട്​, ചേവായൂർ, പന്തിരാങ്കാവ്​ എന്നിവിടങ്ങളിലുള്ളവർ പീഡി​പ്പിച്ചെന്നാണ്​ കുട്ടിയുടെ മൊഴി. പീഡിപ്പിച്ചവർ കുട്ടിയെ ബീച്ച്​, പാർക്ക്​, സിനിമ ഹാൾ എന്നിവിടങ്ങളിൽ വിവിധ സമയങ്ങളിൽ കൊണ്ടുപോയതായും വിവരം ലഭിച്ചിട്ടുണ്ട്​.

ചേവായൂർ പൊലീസാണ്​ സംഭവത്തിൽ പോക്​സോ വകുപ്പുകൾ പ്രകാരം കേസ്​​ രജിസ്​റ്റർ ​െചയ്​തത്​. കുട്ടിയുടെ മൊഴി വിശദമായി പരിശോധിച്ച്​ തെളിവുകൾ ശേഖരിച്ചുവരുകയാണെന്ന്​ സി.​െഎ ടി.വി. പ്രദീഷ്​ പറഞ്ഞു.