പെൺകുട്ടിക്കുനേരെ ലൈംഗികാതിക്രമം; യുവാവ് അറസ്റ്റിൽ

കോഴിക്കോട്: ആറാം ക്ലാസുകാരിയെ അശ്ലീല ചിത്രങ്ങൾ കാണിച്ച് ലൈംഗികാതിക്രമത്തിന് ശ്രമിച്ച ചാത്തമംഗലം എൻ.ഐ.ടി കാമ്പസിലെ പുല്ലാവൂർ മടപ്പള്ളി മേലെക്കുന്നത്ത് എം.പി. ഹരീഷിനെ(40)നടക്കാവ് പൊലീസ് ഇൻസ്പെക്ടർ എം.ജെ. ജീജൊ അറസ്റ്റുചെയ്തു.

പെൺകുട്ടി ട്യൂഷൻ കഴിഞ്ഞ് മടങ്ങവെ പ്രദേശത്തെ വിവാഹിതരായ രണ്ടുപേരുടെ ഫോട്ടോ കാണിച്ചാൽ തിരിച്ചറിയാൻ പറ്റുമോ എന്നു പെൺകുട്ടിയോട് ചോദിച്ചു. സമ്മതം മൂളിയ പെൺകുട്ടിയെ അശ്ലീല ചിത്രങ്ങൾ കാണിച്ചുകൊടുക്കുകയായിരുന്നു. ഓടാൻ ശ്രമിച്ച പെൺകുട്ടിയെ തടഞ്ഞുനിർത്തി അശ്ലീലം പറയുകയും ലൈംഗികാതിക്രമത്തിന് ശ്രമിക്കുകയും ചെയ്തു.

പെൺകുട്ടി വിവരം വീട്ടുകാരെ അറിയിച്ചു. അടുത്തദിവസം മാതൃപിതാവും പെൺകുട്ടിയെ പിന്തുടർന്നു. യൂനിഫോം മാറി സാദാ വസ്ത്രമണിഞ്ഞ പെൺകുട്ടിയെ കണ്ടപ്പോൾ യുവാവ് സമാനരീതിയിൽതന്നെ പെരുമാറാൻ തുടങ്ങി. യുവാവിനെ പിടികൂടാൻ മാതൃപിതാവും നാട്ടുകാരും ശ്രമിച്ചെങ്കിലും കടന്നുകളഞ്ഞു. സി.സി ടി.വി പരിശോധിച്ചതിൽനിന്ന് ഇയാളെക്കുറിച്ച് മനസ്സിലാക്കുകയായിരുന്നു. ശനിയാഴ്ച വൈകീട്ടോടെ പിടികൂടി അറസ്റ്റ് രേഖ​െപ്പടുത്തി. സബ് ഇൻസ്പെക്ടർ ബിനു മോഹന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയതത്.