വീട്ടമ്മയെ പീഡിപ്പിച്ച കേസ്​: ജോബ്​ മാത്യുവി​െൻറ ജാമ്യാപേക്ഷ മാറ്റി

പത്തനംതിട്ട: കുമ്പസാര രഹസ്യം മറയാക്കി വീട്ടമ്മയെ പീഡിപ്പിച്ച കേസിൽ അറസ്​റ്റിലായ ഒാർത്തഡോക്​സ്​ വൈദികൻ  ജോബ് മാത്യുവിന്റെ ജാമ്യാപേക്ഷ പരിഗണിക്കുന്നത് തിരുവല്ല ഒന്നാം ക്ലാസ് മജിസ്ട്രേറ്റ് കോടതി മാറ്റി. ജാമ്യാപേക്ഷ തിങ്കളാഴ്ചയിലേക്കാണ്​ മാറ്റിയത്. കേസിൽ ക്രൈംബ്രാഞ്ചിനോട് റിപ്പോർട്ട് സമർപ്പിക്കാനും ആവശ്യപ്പെട്ടിട്ടുണ്ട്​. 

ഓർത്തഡോക്സ്​ വൈദികർക്കെതിരായ ബലാത്സംഗക്കേസിൽ പ്രതികളായ മറ്റ്​ വൈദികർ ഉടൻ കീഴടങ്ങണമെന്ന് അന്വേഷണ സംഘം ആവശ്യപ്പെട്ടിട്ടുണ്ട്​. ഇന്ന് കീഴടങ്ങിയില്ലെങ്കിൽ അറസ്റ്റ് ചെയ്യുമെന്നാണ്​ ക്രൈംബ്രാഞ്ച് നൽകുന്ന സൂചന. വൈദികരെ ഒളിവിൽ താമസിപ്പിക്കുന്നവർക്കെതിരെയും കേസ് എടുക്കുമെന്ന്​ ഉദ്യോഗസ്​ഥർ അറിയിച്ചു .