ആലുവയിലും പിഞ്ചുകുട്ടികൾ പീഡനത്തിനിരയായി

ആലുവ: ബിനാനിപുരത്ത് മൂന്നും ഏഴു വയസുള്ള പെണ്‍കുട്ടികള്‍ ലൈംഗിക പീഡനത്തിന് ഇരയായതായി പരാതി. വീട്ടുകാരുടെ പരാതിയില്‍ അയല്‍വാസിയായ ഉണ്ണി തോമസിനെ(52) ബിനാനിപുരം പോലീസ് അറസ്റ്റ് ചെയ്തിട്ടുണ്ട്. ഇയാളെ പോലീസ് ചോദ്യം ചെയ്ത് വരികയാണ്.

അറസ്റ്റ് ചെയ്യപ്പെട്ടയാള്‍ പെണ്‍കുട്ടികളുടെ വീടുകളുമായി അടുത്ത ബന്ധമുള്ളയാളാണെന്നും ഇത് മുതലെടുത്താണ് ഇയാള്‍ അവരെ പീഡനത്തിന് ഇരയാക്കിയതെന്നുമാണ് പോലീസ് പറയുന്നത്. സംസ്ഥാനത്ത് ഒരാഴ്ചയ്ക്കിടെ റിപ്പോര്‍ട്ട് ചെയ്യുന്ന നാലാമത്തെ പീഡന കേസാണ് ആലുവയിലേത്.