കശാപ്പ് നിരോധനം: എസ്.എഫ്.ഐ ബീഫ് ഫെസ്റ്റ് നടത്തി പ്രതിഷേധിച്ചു

തൃശൂർ: കന്നുകാലി കശാപ്പ് നിരോധിച്ചതിൽ പ്രതിഷേധിച്ച് എസ്.എഫ്.ഐയുടെ നേതൃത്വത്തിൽ ബീഫ് ഫെസ്റ്റ് നടത്തി. തൃശൂർ ഏരിയാ കമ്മിറ്റിയുടെ നേതൃത്വത്തിൽ നടുവിലാൽ പരിസരത്തായിരുന്നു പ്രതിഷേധം.  ബീഫ് കഴിച്ചും, എത്തിച്ചേർന്നവർക്ക് വിതരണം ചെയ്തും ഭക്ഷണ സ്വാതന്ത്ര്യത്തിൻമേലുള്ള കേന്ദ്രസർക്കാരി​െൻറ കടന്നുകയറ്റം ഫാസിസമാണെന്നും വ്യക്തി സ്വാതന്ത്ര്യം ഹനിക്കുന്നതുമാണെന്നും എസ്.എഫ്.ഐ ആരോപിച്ചു. ബീഫ് ഫെസ്റ്റ് ജില്ലാ സെക്രട്ടറി കെ.എസ്.റോസൽരാജ് ഉദ്ഘാടനം ചെയ്തു.