മാസപ്പടിക്കേസ്:​ എസ്.എഫ്‌.ഐ.ഒ തുടർനീക്കങ്ങൾ കരുതലോടെ; വീ​ണയുടെ അ​റ​സ്റ്റി​ന്​ ഉ​ട​ൻ സാ​ധ്യ​ത​യി​ല്ല

തി​രു​വ​ന​ന്ത​പു​രം: സി.​എം.​ആ​ർ.​എ​ല്‍ മാ​സ​​പ്പ​ടി​ക്കേ​സി​ൽ കു​റ്റ​പ​ത്രം സ​മ​ർ​പ്പി​ച്ചെ​ങ്കി​ലും തു​ട​ർ​ന​ട​പ​ടി​ക​ളി​ൽ ക​രു​ത​ലോ​ടെ നീ​ങ്ങാ​നു​റ​ച്ച്​ എ​സ്.​എ​ഫ്‌.​ഐ.​ഒ (സീ​രി​യ​സ് ഫ്രോ​ഡ് ഇ​ന്‍വെ​സ്റ്റി​ഗേ​ഷ​ന്‍ ഓ​ഫി​സ്). വീ​ണ വി​ജ​യ​നും സി.​എം.​ആ​ർ.​എ​ൽ എം.​ഡി ശ​ശി​ധ​ര​ൻ കാ​ർ​ത്ത​യു​മ​ട​ക്കം പ്ര​തി​ചേ​ർ​ക്ക​പ്പെ​ട്ട​വ​രു​ടെ അ​റ​സ്റ്റി​ന്​ ഉ​ട​ൻ സാ​ധ്യ​ത​യി​ല്ലെ​ന്നാ​ണ് ഉ​ദ്യോ​ഗ​സ്ഥ വൃ​ത്ത​ങ്ങ​ൾ ന​ൽ​കു​ന്ന സൂ​ച​ന. അ​ന്വേ​ഷ​ണം പൂ​ര്‍ത്തി​യാ​യി കു​റ്റ​പ​ത്രം കോ​ട​തി​യി​ല്‍ സ​മ​ര്‍പ്പി​ച്ച​തി​നാ​ല്‍ അ​റ​സ്റ്റി​ന്​ വ്യ​വ​സ്ഥ​യി​ല്ലെ​ന്നും ചൂ​ണ്ടി​ക്കാ​ണി​ക്ക​പ്പെ​ടു​ന്നു.

വീ​ണ ഉ​ൾ​പ്പെ​ടെ​യു​ള്ള​വ​ർ​ക്കെ​തി​രാ​യ 166 പേ​ജ്​ കു​റ്റ​പ​ത്ര​മാ​ണ്​ കോ​ട​തി​യി​ല്‍ സ​മ​ര്‍പ്പി​ച്ച​ത്. കു​റ്റ​പ​ത്രം പ്ര​ഥ​മ​ദൃ​ഷ്ട്യാ നി​ല​നി​ല്‍ക്കു​ന്ന​താ​ണോ​യെ​ന്ന്​ വി​ചാ​ര​ണ കോ​ട​തി പ​രി​​ശോ​ധി​ച്ച ശേ​ഷ​മാ​കും പ്ര​തി​ക​ൾ​ക്ക്​ സ​മ​ൻ​സ്​ അ​യ​ക്കു​ന്ന​ത​ട​ക്ക​മു​ള്ള ന​ട​പ​ടി​ക​ളു​ണ്ടാ​കു​ക. അ​തേ​സ​മ​യം കു​റ്റ​പ​ത്രം റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട്​ പ്ര​തി​ക​ളാ​യി ഉ​ൾ​​​പ്പെ​ടു​ത്തി​യ​വ​ർ കോ​ട​തി​​യെ സ​മീ​പി​ക്കാ​നു​ള്ള സാ​ധ്യ​ത​യു​മു​ണ്ട്.

സേ​വ​ന​മി​ല്ലാ​തെ പ​ണം കൈ​പ്പ​റ്റി​യെ​ന്ന ക​ണ്ടെ​ത്ത​ലി​ലാ​ണ് വീ​ണ​ക്കും സി.​എം.​ആ​ർ.​എ​ൽ എം.​ഡി ശ​ശി​ധ​ര​ൻ ക​ർ​ത്ത​ക്കും എ​ക്സാ​ലോ​ജി​ക്കി​നും സി.​എം.​ആ​ർ.​എ​ല്ലി​നും സ​ഹോ​ദ​ര സ്ഥാ​പ​ന​ങ്ങ​ൾ​ക്കു​മെ​തി​രെ ക​മ്പ​നി​കാ​ര്യ​ച​ട്ടം 447 വ​കു​പ്പ് ചു​മ​ത്തി​യ​ത്. ആ​റു​മാ​സം മു​ത​ൽ 10 വ​ർ​ഷം​വ​രെ ത​ട​വു​ശി​ക്ഷ കി​ട്ടാ​വു​ന്ന വ​കു​പ്പാ​ണി​ത്. വെ​ട്ടി​പ്പ് ന​ട​ത്തി​യ തു​ക​യോ അ​തി​ന്‍റെ മൂ​ന്നി​ര​ട്ടി​യോ പി​ഴ​യാ​യും ചു​മ​ത്താം.

എ​സ്.​എ​ഫ്.​ഐ.​ഒ​യു​ടെ അ​ന്വേ​ഷ​ണ റി​പ്പോ​ർ​ട്ടി​ൽ പ്രോ​സി​ക്യൂ​ഷ​ൻ ന​ട​പ​ടി​ക​ൾ​ക്ക് കേ​ന്ദ്ര ക​മ്പ​നി​കാ​ര്യ മ​ന്ത്രാ​ല​യം അ​നു​മ​തി ന​ൽ​കി​യ​ത്​ രാ​ഷ്ട്രീ​യ പ്രേ​രി​ത​മാ​ണെ​ന്നാ​ണ്​ സി.​പി.​എം നി​ല​പാ​ട്. ഇ​തി​നെ രാ​ഷ്ട്രീ​യ​മാ​യും നി​യ​മ​പ​ര​മാ​യും നേ​രി​ടാ​ൻ സി.​പി.​എം ഒ​രു​ങ്ങു​ക​യാ​ണ്. വി​ഷ​യ​ത്തി​ൽ മു​ഖ്യ​മ​ന്ത്രി​യു​ടെ രാ​ജി ആ​വ​ശ്യ​പ്പെ​ട്ട്​ പ്ര​തി​പ​ക്ഷം രം​ഗ​ത്തു​​​​ണ്ടെ​ങ്കി​ലും ശ​ക്ത​മാ​യി പ്ര​തി​രോ​ധി​ച്ച്​ മു​ന്നോ​ട്ടു​പോ​ക​ണ​മെ​ന്ന തീ​രു​മാ​ന​ത്തി​ലാ​ണ്​ സി.​പി.​എം.

മ​ക​ളു​ടെ പേ​രി​ൽ കു​റ്റ​പ​ത്രം സ​മ​ർ​പ്പി​ച്ച​തു​വ​ഴി മു​ഖ്യ​മ​​ന്ത്രി​യെ ക​ട​ന്നാ​ക്ര​മി​ക്കു​ക​യും അ​തി​ലൂ​ടെ ​പാ​ർ​ട്ടി​​യെ​യും സ​ർ​ക്കാ​റി​നെ​യും കു​ഴ​പ്പ​ത്തി​ലാ​ക്കാ​നു​ള്ള ശ്ര​മ​ങ്ങ​ളെ എ​ല്ലാ​ത​ല​ത്തി​ലും നേ​രി​ട​ണ​മെ​ന്ന പൊ​തു​വി​കാ​ര​മാ​ണ്​ സി.​പി.​എം നേ​തൃ​ത്വ​ത്തി​ലു​ള്ള​ത്. കു​റ്റ​പ​ത്രം സ​മ​ർ​പ്പി​ച്ച​ത്​ നേ​ര​ത്തേ​യു​ള്ള ആ​സൂ​ത്രി​ത നീ​ക്ക​ങ്ങ​ളു​ടെ തു​ട​ർ​ച്ച​യാ​ണെ​ന്ന്​ ക​രു​തു​ന്ന ​നേ​തൃ​ത്വം, പാ​ർ​ട്ടി​ക്കും സ​ർ​ക്കാ​റി​നും കൂ​ടു​ത​ൽ പ​രി​ക്കേ​ൽ​ക്കാ​തെ മു​ന്നോ​ട്ടു​പോ​കാ​നു​ള്ള ത​ന്ത്ര​ങ്ങ​ൾ ആ​വി​ഷ്ക​രി​ക്കു​ന്ന തി​ര​ക്കി​ലാ​ണ്.

കുറ്റപത്രം നൽകി; ഇനി സമൻസ്

തി​രു​വ​ന​ന്ത​പു​രം: മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ മ​ക​ള്‍ വീ​ണ വി​ജ​യ​ന​ട​ക്കം ഉ​ള്‍പ്പെ​ട്ട മാ​സ​പ്പ​ടി​ക്കേ​സി​ലെ കു​റ്റ​പ​ത്രം കൊ​ച്ചി​യി​ലെ വി​ചാ​ര​ണ കോ​ട​തി​യി​ല്‍ സ​മ​ര്‍പ്പി​ച്ചു. കു​റ്റ​പ​ത്രം കോ​ട​തി​യി​ല്‍ സ​മ​ര്‍പ്പി​ച്ച സാ​ഹ​ച​ര്യ​ത്തി​ൽ പ്ര​തി​ക​ൾ​ക്ക്​ സ​മ​ന്‍സ് അ​യ​ക്കു​ന്ന​ത​ട​ക്ക​മു​ള്ള ന​ട​പ​ടി​ക​ളാ​ണ്​ ഇ​നി​യു​ള്ള​ത്.

വീ​ണ വി​ജ​യ​ന​ട​ക്കം 20 പേ​രു​ടെ മൊ​ഴി നേ​ര​ത്തെ രേ​ഖ​പ്പെ​ടു​ത്തി​യ സാ​ഹ​ച​ര്യ​ത്തി​ലാ​ണ് സ​മ​ന്‍സ് അ​ട​ക്ക​മു​ള്ള ന​ട​പ​ടി​ക​ളി​ലേ​ക്ക്​ ക​ട​ക്കു​ക. കു​റ്റ​കൃ​ത്യം ന​ട​ന്ന സ്ഥ​ലം കൊ​ച്ചി​യാ​യ സാ​ഹ​ച​ര്യ​ത്തി​ലാ​ണ് സാ​മ്പ​ത്തി​ക കു​റ്റ​കൃ​ത്യ​ങ്ങ​ള്‍ക്കു​ള്ള കോ​ട​തി​യി​ല്‍ കു​റ്റ​പ​ത്രം സ​മ​ര്‍പ്പി​ച്ച​ത്.