വേദനയും യാതനയും മറികടന്ന്​ ശബീബി​​െൻറ കണ്ണീർ കടൽ

മലപ്പുറം: കണ്ണീരിൻ ആഴക്കടലിൽ നിന്നും ഞാൻ തേങ്ങിടുന്നു..കരുണ ചൊരിയണ​​െൻറ നാഥാ...അരക്ക്​ താഴെ തളർന്ന പടിഞ്ഞാറ്റുംമുറിയിലെ മുഹമ്മദ്​ ശബീബി​​െൻറ ജീവിതാനുഭവങ്ങൾ കോർത്തിണക്കിയ വാക്കുകളാണിത്​. കണ്ണീർ കടൽ എന്ന ​േപരിൽ ഈ മാസം 16നാണ്​ ഗാനം പുറത്തിറക്കിയത്​. 

ജന്മനാ വൈകല്യം സംഭവിച്ച ശബീബ് കുട്ടിക്കാലവും യൗവ്വനവും യുവത്വവും പ്രയാസങ്ങൾക്കിടയിൽ ആർജവത്തോടെ നേരിട്ടത്​ ദൃശ്യമികവോടെ ഗാനത്തിൽ ചിത്രീകരിക്കുന്നു.  മാസങ്ങൾക്ക്​ മുമ്പ്​ പാട്ടുകൾ തയാറാക്കിയെങ്കിലും പുറത്തിറക്കാൻ സാമ്പത്തികശേഷി ഇല്ലായിരുന്നു. സ്വന്തമായി രചനയും ആലാപനവും സംഗീതവും നിർവഹിച്ച ഗാനം പുറത്തിറക്കാൻ മുട്ടാത്ത വാതിലുകളില്ല. 

അവസാനം സുഹൃത്തായ നൗഷാദ്​ സി.ഡി വേൾഡ്​ കൈത്താങ്ങായി മുന്നി​െലത്തി.​ അതോടെ ശബീബി​​െൻറ സ്വപ്​ന സാക്ഷാത്​കാരത്തിന്​ വേഗതയാർന്നു. ഗാനം റെക്കോർഡ്​ ചെയ്യാനും ഷൂട്ട്​ ചെയ്യാനും സുഹൃത്തുക്ക​െളത്തി. എഡിറ്റിങ്​, സൗണ്ട്​ മിക്​സിങ്​ എന്നിവക്ക്​ പണം ചെലവഴിച്ചു. ദിവസങ്ങൾക്കുള്ളിൽ ഗാനം പൂർത്തിയാക്കി ശ്രോതാക്കളുടെ പ്രശംസ പിടിച്ചുപറ്റി. 

ഊന്നുവടിയുടെ സഹായത്തോടെ നിൽക്കുകയും നടക്കുകയും ചെയ്യുന്ന ഇദ്ദേഹം മലപ്പുറം സിവിൽ സ്​റ്റേഷനിലെ ജില്ല ലോട്ടറി ഓഫിസിൽ താത്​കാലിക ജീവനക്കാരനാണ്​. കുറുമാഞ്ചേരി മുഹമ്മദ്​ അലി-മുംതാസ്​ എന്നിവരുടെ മകനായ ഈ 30കാരൻ ആദ്യമായാണ്​ ഗാനം പുറത്തിറക്കുന്നത്​. യൂട്യൂബിൽ ഗാനം അപ്​ലോഡ്​ ചെയ്​തതോടെ അഭിനന്ദന പ്രവാഹമാണ്​. സുഹൈലയാണ്​ ഭാര്യ. നാലുവയസ്സുള്ള മകനുണ്ട്​.