കുറ്റവാളിയുടെ മതം തിരയുന്ന പ്രവണത അപകടകരം -ഷാഫി പറമ്പിൽ

ആലപ്പുഴ: സംഘ്​പരിവാർ കേരളത്തിലുണ്ടാക്കുന്ന വിഷലിപ്​ത അജണ്ട വിളമ്പിനൽകാൻ സി.പി.എം നിൽക്കരുതെന്നും പേരിലെ മതം നോക്കി അഭിപ്രായം പറയുന്ന പാർട്ടി സെക്രട്ടറിയാണ്​ സി.പി.എമ്മി​േൻറതെന്നും യൂത്ത്​ കോൺഗ്രസ്​ സംസ്ഥാന പ്രസിഡൻറ്​ ഷാഫി പറമ്പിൽ എം.എൽ.എ. വിഭാഗീയതയുണ്ടാക്കി നേട്ടമുണ്ടാക്കാനാണ്​ ആർ.എസ്.എസും ബി.ജെ.പിയും ശ്രമിക്കുന്നത്​. ഇതിനെ യൂത്ത്​ കോൺഗ്രസ് ജനകീയമായി പ്രതിരോധിക്കും.

കുറ്റവാളിയ​ുടെ മതം തിരയുന്ന പുതിയ രീതി അവസാനിപ്പിക്കേണ്ടത്​ കേരളത്തി​െൻറ മഹനീയമായ മതേതര പാരമ്പര്യത്തി​െൻറ നിലനിൽപ്പിന്​ ആവശ്യമാണെന്നും ഷാഫി വാർത്തസമ്മേളനത്തിൽ പറഞ്ഞു. ബിഷപ് അടക്കം ആരിൽനിന്നായാലും മറ്റ്​ മതങ്ങളെ മുറിപ്പെടുത്തുന്ന സമീപനം അംഗീകരിക്കാനാകില്ല. ഇരുവിഭാഗങ്ങൾ തമ്മിലടിക്കുമ്പോൾ തങ്ങൾക്ക് രാഷ്​ട്രീയനേട്ടം എന്ന ദുഷ്​ടലാക്കാണ്​ ഭരണനേതൃത്വം സ്വീകരിച്ചത്​.

സംസ്ഥാനത്ത് കോൺഗ്രസ്​ പുനഃസംഘടിപ്പിക്കുമ്പോൾ യുവജനങ്ങൾക്ക് വേണ്ട പ്രാതിനിധ്യം ഉറപ്പാക്കണം. ഇക്കാര്യം കെ.പി.സി.സിയോടും ഹൈകമാൻഡ് ചുമതലപ്പെടുത്തുന്നവരോടും ഉന്നയിച്ചിട്ടുണ്ട്​. ജില്ല നേതൃത്വത്തിൽ ഉൾപ്പെടെ യുവജന സാന്നിധ്യം ഉറപ്പാക്കും. സമരവും സേവനവും ഒന്നിച്ചുകൊണ്ടുപോകുകയാണ് യൂത്ത് കോൺഗ്രസ്. യുവജനസംഘടന എന്ന നിലയിലുള്ള ഡി.വൈ.എഫ്.ഐയുടെ സ്വത്വം നഷ്​ടപ്പെ​ട്ടെന്നും ഭരണവിലാസം സംഘടനയായി അവർ അധഃപതിച്ചെന്നും അദ്ദേഹം കുറ്റപ്പെടുത്തി.