തന്നെ വർ​ഗീയമായി ചാപ്പ കുത്താൻ നീക്കം നടന്നുവെന്ന് ഷാഫി പറമ്പിൽ

കണ്ണൂർ: തന്നെ വർ​ഗീയമായി ചാപ്പ കുത്താൻ നീക്കം നടന്നുവെന്ന് വടകരയിലെ യു.ഡി.എഫ് സ്ഥാനാർഥിയായിരുന്ന ഷാഫി പറമ്പിൽ. വടകരയിൽ ചില കാര്യങ്ങൾ പുറത്തുവരാനുണ്ട്. വ്യാജ സ്ക്രീൻഷോട്ടിനെതിരെ ഇതുവരെ പൊലീസ് നടപടിയായില്ലെന്നും ഷാഫി പറമ്പിൽ പറഞ്ഞു.

തെരഞ്ഞെടുപ്പിന്റെ ഓരോ ഘട്ടത്തിലും തന്നെ ടാർ​ഗറ്റ് ചെയ്തു. വ്യാജ പ്രചാരണമൊക്കം ജനങ്ങൾ ചെറുത്തു തോൽപിച്ചെന്നും അദ്ദേഹം വ്യക്തമാക്കി. ബി.ജെ.പി പ്രഭാരിയെ എന്തിനാണ് മുഖ്യമന്ത്രി കണ്ടതെന്നും ഷാഫി ചോദിച്ചു. ബി.ജെ.പി നേതാക്കളെ പരസ്യമായും രഹസ്യമായും സംസ്ഥാനത്തെ കോൺഗ്രസ് നേതാക്കൾ കണ്ടിട്ടില്ലെന്നും ഷാഫി പറമ്പിൽ പറഞ്ഞു.