കരുവന്നൂരിൽ നടന്നത്​ നെറ്റ്​ഫ്ലിക്​സ്​ പരമ്പരകളെ വെല്ലുന്ന കൊള്ളയെന്ന്​ ഷാഫി പറമ്പിൽ

തിരുവനന്തപുരം: കരുവന്നൂരിൽ നടന്നത്​ നെറ്റ്​ഫ്ലിക്​സ്​ പരമ്പരകളെ വെല്ലുന്ന കൊള്ളയാണെന്ന്​ ഷാഫി പറമ്പിൽ എം.എൽ.എ. നിയമസഭയിൽ നടത്തിയ പ്രസംഗത്തിലാണ്​ കരുവന്നൂർ ബാങ്ക്​ തട്ടിപ്പിനെതിരെ ഷാഫി പറമ്പിൽ ആഞ്ഞടിച്ചത്​. തട്ടിപ്പിന്​ പിന്നിൽ സി.പി.എമ്മാണെന്നും ഷാഫി ആരോപിച്ചു.

കേരളം കണ്ടതിൽവെച്ച്​ ഏറ്റവും വലിയ ബാങ്ക്​ കൊള്ളയാണ്​ കരുവന്നൂരിൽ നടന്നത്​. രണ്ടര ജില്ലയിൽ മാത്രം പ്രവർത്തിക്കേണ്ട ബാങ്ക്​ തിരുവനന്തപുരം മുതൽ വയനാട്​ വരെ വായ്​പ നൽകി. തട്ടിപ്പ്​ സി.പി.എം പൂഴ്​ത്തിയെന്നും ഷാഫി പറഞ്ഞു.

കേട്ടുകേൾവിയില്ലാത്ത തട്ടിപ്പാണ്​ നടന്നത്​. ലോക്​ഡൗൺ കാലത്ത്​ വീട്ടിലിരിക്കു​േമ്പാൾ ഓൺലൈൻ പ്ലാറ്റ്​ഫോമുകളിലെ സീരിസുകളാണ്​ പലരും കാണുന്നത്​. ഇതിൽ തന്നെ ഹെയ്​സ്റ്റ്​ സീരിസുകൾക്കാണ്​ കൂടുതൽ പ്രേക്ഷകരുള്ളത്​.

ഇത്തരം പരമ്പരകളെ പോലും നാണിപ്പിക്കുന്ന തട്ടിപ്പാണ്​ കരുവന്നൂരിൽ നടന്നതെന്നും ഷാഫി പറമ്പിൽ പറഞ്ഞു. ബാങ്ക്​ തട്ടിപ്പിൽ അടിയന്തര പ്രമേയത്തിന്​ നോട്ടീസ്​ നൽകിയായിരുന്നു ഷാഫിയുടെ പ്രസംഗം.