കോൺഗ്രസ്​ ബന്ധം: യെച്ചൂരിയുടെ നിലപാട്​ അധികാരത്തിന്​ വേ​ണ്ടിയെന്ന്​ ഷംസീർ

തൃശൂർ: കോൺഗ്രസുമായി ബന്ധം വേണമെന്ന്​ ജനറൽ സെക്രട്ടറി സീതാറാം യെച്ചൂരിയുടെ നിലപാട്​ അധികാരത്തിന്​ വേണ്ടിയുള്ളതാണെന്ന്​ സംശയിച്ചാൽ തെറ്റില്ലെന്ന്​ എ.എൻ ഷംസീർ എം.എൽ.എ. സി.പി.എം സംസ്ഥാന സമ്മേളനത്തി​​​​​​െൻറ ഭാഗമായി നടന്ന പൊതുചർച്ചയിലാണ്​ യെച്ചൂരിയെ കടുത്ത ഭാഷയിൽ ഷംസീർ വിമർശിച്ചത്​. കോൺഗ്രസുമായി കൂട്ടുകൂടുന്നത്​ മണ്ടത്തരമാണ്​. ഉദ്​ഘാടന പ്രസംഗത്തിൽ യെച്ചൂരി സാർവദേശീയ കാര്യങ്ങൾ പരാമർശിച്ചില്ലെന്നും ഷംസീർ കുറ്റപ്പെടുത്തി. 

മന്ത്രിമാർ പരാജയമെന്ന്​

സംസ്ഥാനത്തെ ഇടത്​ മന്ത്രിസഭയിലെ മന്ത്രിമാർ പരാജയമെന്ന്​ സി.പി.എം സംസ്ഥാന സമ്മേളനത്തിലെ പൊതുചർച്ചയിൽ പ്രതിനിധികൾ. ജി.എസ്​.ടിയെ പിന്തുണച്ച ഐസക്കിന്റെ നിലപാട് അനുചിതമായി. ജി.എസ്​.ടിയുടെ ആപത്തുകൾ ഐസക് തിരിച്ചറിഞ്ഞില്ലെന്നും പൊതുചർച്ചയിൽ വിമർശനമുയർന്നു. 

ആരോഗ്യവകുപ്പ് നാഥൻ ഇല്ല കളരിയായി മാറി. കടന്നപ്പള്ളിയുടെ ഏക ജോലി ഉദ്ഘടനങ്ങൾ മാത്രമാണ്​. ശശീന്ദ്രനും തോമസ് ചാണ്ടിയും പരാജയമായി മാറി.കെ എസ് ആർ ടി സിയുടെ തകർച്ച ഗൗരവത്തിൽ കാണണമെന്ന്​ ചർച്ചയിൽ ആവശ്യമുയർന്നു. മന്ത്രിമാരുടെ ഓഫീസുകളുടെ പ്രവർത്തനം പലപ്പോഴും കാര്യക്ഷമമല്ല.  കാര്യപ്രാപ്തിയില്ലാത്ത മന്ത്രിമാരെ ഒഴിവാക്കണം. ചില മന്ത്രിമാർക്ക് വി.ആർ.എസ് കൊടുക്കണമെന്നും ആവശ്യമുയർന്നു. മന്ത്രിസഭ പുന:സംഘടനയെ കുറിച്ച്​ ചർച്ച വേണമെന്നും പ്രതിനിധികൾ ആവശ്യപ്പെട്ടു. പൊതുചർച്ചയിൽ ഇന്ന്​ 14 പേർ പ​െങ്കടുത്തു. വൈകീട്ട്​ സംസ്ഥാന സെക്രട്ടറി ചർച്ചക്ക്​ മറുപടി പറയും. അതേ സമയം, സി.പി.എം സംസ്ഥാന സമ്മേളനത്തിൽ അവതരിപ്പിച്ച റിപ്പോർട്ട്​ ചോർന്ന സംഭവം അന്വേഷിക്കുമെന്ന്​ സംസ്ഥാന സെക്രട്ടറി കോടിയേരി ബാലകൃഷ്​ണൻ പറഞ്ഞു.