ദുരന്തത്തിന്‍റെ ഞെട്ടലിൽ ഷംസുദ്ദീനും കുടുംബവും

കോ​ഴി​ക്കോ​ട്: ‘‘ഒ​ന്ന് തി​രി​ഞ്ഞു​നോ​ക്കാ​മാ​യി​രു​ന്നു അ​വ​ർ​ക്കൊ​ക്കെ. എ​ന്തു​പ​റ്റി എ​ന്ന​ന്വേ​ഷി​ക്കി​ല്ലേ? മ​രി​ച്ചു​പോ​യോ എ​ന്നെ​ങ്കി​ലും. ഉ​പ്പ​യും സ​ഹോ​ദ​ര​ന്റെ മ​ക​നും മ​രി​ച്ചു. സ​ഹോ​ദ​ര​ൻ നാ​സ​റി​നെ ഇ​തു​വ​രെ ക​ണ്ടെ​ത്തി​യി​ട്ടി​ല്ല. ഉ​പ്പ​യു​ടെ മൃ​ത​ശ​രീ​രം ഇ​ന്ന​ലെ രാ​ത്രി​യോ​ടെ​യാ കി​ട്ടി​യ​ത്. നാ​സ​റി​ന്റെ ഭാ​ര്യ​യു​ടെ പി​താ​വും മ​രി​ച്ചു. അ​വ​ന്റെ ഭാ​ര്യ​യു​ടെ അ​നു​ജ​ത്തി​യു​ടെ മ​ക​നും പോ​യി.

എ​ല്ലാം എ​ന്റെ​യും സ​ഹോ​ദ​ര​ന്റെ​യും വീ​ട്ടി​ലു​ണ്ടാ​യി​രു​ന്ന​വ​ർ. ഒ​രു​മി​ച്ച് ഭ​ക്ഷ​ണം ക​ഴി​ച്ചാ ഞ​ങ്ങ​ൾ കി​ട​ന്ന​ത്. പി​റ്റേ​ന്ന് തീ​തി​ന്നു​ന്ന വേ​ദ​ന​യോ​ടെ​യാ​ണ് ഞ​ങ്ങ​ളെ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ എ​ത്തി​ച്ച​ത്. ഇ​ന്ന​ലെ രാ​ത്രി​യാ​ണ് ഡി​സ്ചാ​ർ​ജ് ആ​യ​ത്. ഉ​ടു​തു​ണി​ക്ക് മ​റു​തു​ണി​യി​ല്ലാ​തെ​യാ ഞ​ങ്ങ​ൾ ഇ​വി​ടെ എ​ത്തി​യ​ത്.

ഞ​ങ്ങ​ൾ​ക്ക് ഇ​ന്ന​ത് വേ​ണ​മെ​ന്ന് ആ​വ​ശ്യ​പ്പെ​ടാ​നു​ള്ള മാ​ന​സി​കാ​വ​സ്ഥ​യൊ​ന്നു​മ​ല്ല. ഈ ​വീ​ട്ടി​ലു​ള്ള​വ​രു​ടെ വ​സ്ത്ര​മൊ​ക്ക​യാ ഇ​പ്പോ​ൾ ഉ​പ​യോ​ഗി​ക്കു​ന്ന​ത്’’ -മ​ര​ണ​മു​ഖ​ത്തു​നി​ന്ന് ര​ക്ഷ​പ്പെ​ട്ട മു​ണ്ട​ക്കൈ പ​ടി​ക്ക​പ​റ​മ്പി​ൽ ഷം​സു​ദ്ദീ​ന്റെ ഒ​റ്റ​പ്പെ​ട​ലു​ക​ളും ദു​രി​ത​ങ്ങ​ളും കേ​ട്ടി​രി​ക്ക​ണ​മെ​ങ്കി​ൽ അ​ത്ര​മാ​ത്രം മ​ന​ക്ക​ട്ടി വേ​ണം.

ആ​ശു​പ​ത്രി വി​ട്ട് കു​ടും​ബം ചെ​റു​വ​റ്റ​യി​ലെ ബ​ന്ധു​വീ​ട്ടി​ൽ ക​ഴി​യു​മ്പോ​ഴും മ​ന​സ്സ് വ​യ​നാ​ട്ടി​ലെ ത​ക​ർ​ന്ന മ​ണ്ണി​ൽ സ​ഹോ​ദ​ര​നു വേ​ണ്ടി​യു​ള്ള തി​ര​ച്ചി​ലി​ലാ​ണ്. ക​ൺ​മു​ന്നി​ൽ ന​ട​ന്ന അ​പ​ക​ട​ത്തെ​ത്തു​ട​ർ​ന്ന് വീ​ട്ടി​ലെ പ​ല​ർ​ക്കും സം​സാ​രി​ക്കാ​ൻ പോ​ലു​മാ​കു​ന്നി​ല്ല. രോ​ഗി​യാ​യി​രു​ന്ന നാ​സ​റി​നോ​ട് പി​റ്റേ​ന്ന് ആ​ശു​പ​ത്രി​യി​ൽ പോ​കാ​നു​ള്ള ത​യാ​റെ​ടു​പ്പി​നെ​ക്കു​റി​ച്ച് പ​റ​ഞ്ഞാ​ണ്​ പ​ത്ത​ടി അ​ക​ല​മു​ള്ള ത​ന്റെ വീ​ട്ടി​ലേ​ക്ക് കി​ട​ക്കാ​ൻ പോ​ന്ന​തെ​ന്ന് ഷം​സു​ദ്ദീ​ൻ പ​റ​ഞ്ഞു.

ഉ​റ​ക്ക​ത്തി​ൽ ശ​ബ്​​ദം കേ​ട്ടാ​ണ് ഞെ​ട്ടി ഉ​ണ​ർ​ന്ന​ത്. ഷം​സു​ദ്ദീ​ൻ ഭാ​ര്യ​യെ​യും മ​രു​മ​ക​ളെ​യും പേ​ര​ക്കു​ട്ടി​യെ​യും പു​റ​ത്തെ​ത്തി​ച്ച് ഓ​ടി ര​ക്ഷ​പ്പെ​ടാ​ൻ പ​റ​ഞ്ഞു. അ​പ്പോ​ഴേ​ക്കും വീ​ടി​ന​ക​ത്ത് അ​ര​​ക്കൊ​പ്പം ച​ളി​വെ​ള്ളം ക​യ​റി. മ​ക​നു​ള്ള​തി​നാ​ൽ വീ​ണ്ടും വീ​ടി​ന​ക​ത്തു ക​യ​റ​വെ കൂ​റ്റ​ൻ മ​ര​ങ്ങ​ൾ വീ​ടി​നു മു​ക​ളി​ൽ പ​തി​ഞ്ഞു. ഷം​സു​ദ്ദീ​നും മ​ക​നും ച​ളി​യി​ല​മ​ർ​ന്നു. അ​പ​ക​ട​സ​മ​യ​ത്ത് ര​ക്ഷ​ക്ക് വി​ളി​ച്ച് കേ​ണ​പേ​ക്ഷി​ച്ചി​രു​ന്നു. ഇ​തി​ന​കം ര​ണ്ടു പൊ​ട്ട​ലു​ക​ൾ കൂ​ടി ന​ട​ന്ന​താ​യി ഷം​സു​ദ്ദീ​ൻ പ​റ​ഞ്ഞു.

പി​റ്റേ​ന്ന് അ​ഗ്നി​ര​ക്ഷ സേ​ന​യെ​ത്തി​യാ​ണ് ച​ളി​യി​ൽ​നി​ന്ന് പു​റ​ത്തെ​ടു​ത്ത​ത്. ഹെ​ലി​കോ​പ്ട​റി​ൽ ര​ക്ഷ​​പ്പെ​ടു​ത്തി ആ​ശു​പ​​ത്രി​യി​ലെ​ത്തി​ച്ചു. തൊ​ട്ട​ടു​ത്ത രു​ഗ്മി​ണി​യു​ടെ​യും സു​ദേ​വ​ന്റെ​യും വീ​ട്ടി​ൽ ഒ​രാ​ൾ​പോ​ലും ബാ​ക്കി​യാ​യി​ല്ല. ഏ​റ്റ​വും മു​ക​ളി​ലു​ള്ള വീ​ടാ​യ​തി​നാ​ൽ ഒ​രി​ക്ക​ലും ഒ​ന്നും സം​ഭ​വി​ക്കി​ല്ല എ​ന്നു ക​രു​തി​യ​താ​ണ്.

ക​ഴി​ഞ്ഞ വെ​ള്ള​പ്പൊ​ക്ക​ത്തി​ൽ 30 പേ​ർ​ക്ക് അ​ഭ​യം ന​ൽ​കി​യ വീ​ടാ​യി​രു​ന്നു ത​ന്റേ​തെ​ന്ന് ഷം​സു​ദ്ദീ​ൻ പ​റ​ഞ്ഞു. ആ ​വീ​ട്ടി​ൽ​നി​ന്നാ​ണ് ഇ​​ത്ര​യും​പേ​ർ പോ​യ​ത്. ര​ണ്ടാ​മ​ത്തെ പൊ​ട്ട​ലി​ന്റെ ശ​ബ്ദം 15 മി​നി​റ്റോ​ള​മു​ണ്ടാ​യി​രു​ന്നു​വെ​ന്നും എ​ല്ലാം പെ​ട്ടെ​ന്ന​ട​ങ്ങാ​ൻ ത​ണു​ത്തു​വി​റ​ച്ച് പ്രാ​ർ​ഥി​ക്കാ​നേ ക​ഴി​ഞ്ഞി​രു​ന്നു​ള്ളൂ​വെ​ന്നും ഷം​സു​ദ്ദീ​ൻ പ​റ​ഞ്ഞു.

മ​ന​സ്സു കൂ​ടു​ത​ൽ വേ​ദ​നി​ക്കാ​തി​രി​ക്കാ​ൻ സ​ഹോ​ദ​ര​ൻ നാ​സ​റി​ന്റെ മൃ​ത​ദേ​ഹം ക​ണ്ടു​കി​ട്ടി​യെ​ന്നാ​ണ്​ വീ​ട്ടു​കാ​രോ​ട് പ​റ​ഞ്ഞ​ത്. സ്വ​ന്തം കെ​ട്ടി​ട​ത്തി​ൽ ന​ല്ല​നി​ല​യി​ൽ ക​ച്ച​വ​ടം ന​ട​ത്തി​വ​ന്ന കു​ടും​ബ​ത്തി​ന് ഒ​ന്നു​മി​ല്ലാ​താ​കാ​ൻ ഇ​രു​ണ്ടു​വെ​ളു​ക്കേ​ണ്ട സ​മ​യ​മേ ആ​വ​ശ്യ​മു​ണ്ടാ​യു​ള്ളൂ​വെ​ന്ന് ഷം​സു​ദ്ദീ​ന്റെ ഭാ​ര്യ പ​റ​ഞ്ഞു. കു​ടും​ബ​ത്തി​ന്റെ ദൈ​ന്യ​ത​യ​റി​ഞ്ഞ് കു​റ്റി​ച്ചി​റ​യി​ലെ പൊ​തു​പ്ര​വ​ർ​ത്ത​ക​ൻ ഹാ​ഷിം ക​ടാ​ക്ക​ല​കം സ​ഹാ​യ​വു​മാ​യെ​ത്തി​യ​താ​ണ് വേ​ദ​ന​യി​ലും ഇ​വ​ർ​ക്ക് ആ​ശ്വാ​സ​മാ​യ​ത്.