വേ​ഗ​പാ​ത​യി​ൽ പൊ​ലി​യു​ന്ന സ്വ​പ്ന​ങ്ങ​ൾ

കൊ​യി​ലാ​ണ്ടി: പു​തി​യ റെ​യി​ൽ പാ​ള​മൊ​രു​ക്കേ​ണ്ട​ത് അ​നേ​കാ​യി​രം പേ​രു​ടെ ജീ​വി​ത​സ​മ്പാ​ദ്യ​ങ്ങ​ൾ ച​വി​ട്ടി​യ​ര​ച്ചു കൊ​ണ്ടാ​ണോ? സിൽവർ ലൈൻ വ​രു​മ്പോ​ൾ വീ​ടും സ്ഥ​ല​വും ന​ഷ്ട​മാ​കു​ന്ന​വ​രു​ടേ​താ​ണ് ചോ​ദ്യം. നാ​ലു വ​ർ​ഷ​മാ​യി, ഭാ​ഗം​ല​ഭി​ച്ച ആ​റു സെൻറ് സ്ഥ​ല​ത്ത് വീ​ടു​നി​ർ​മാ​ണം തു​ട​ങ്ങി​യി​ട്ട്. വാ​യ്പ​യെ​ടു​ത്തും ക​ടം വാ​ങ്ങി​യു​മൊ​ക്കെ എ​ങ്ങ​നെ​യെ​ങ്കി​ലും വീ​ടു​പ​ണി പൂ​ർ​ത്തി​യാ​ക്കി ക​യ​റി​ക്കി​ട​ക്കാ​ൻ ആ​ഗ്ര​ഹി​ച്ച് മു​ന്നോ​ട്ടു​പോ​കു​മ്പോ​ഴാ​ണ് ഇ​ടി​ത്തീ​പോ​ലെ വേഗറെ​യി​ൽ വാ​ർ​ത്ത ക​ട​ന്നു​വ​ന്ന​തെ​ന്ന് കാ​ട്ടി​ല​പീ​ടി​ക തോ​ട്ടോ​ളി അ​ർ​ഷ പ​റ​ഞ്ഞു.

ബൈ​ക്ക് മെ​ക്കാ​നി​ക്കാ​ണ് ഭ​ർ​ത്താ​വ് ഷാ​ലു. 15 ല​ക്ഷ​ത്തോ​ളം വീ​ട് നി​ർ​മാ​ണ​ത്തി​നു ചെ​ല​വാ​യി. ഇ​നി​യും പ​ണി അ​വ​ശേ​ഷി​ക്കു​ന്നു. സെൻറി​ന് ചു​രു​ങ്ങി​യ​ത് ആ​റു ല​ക്ഷം ല​ഭി​ക്കു​ന്ന സ്ഥ​ല​മാ​ണ്. സ​ർ​ക്കാ​ർ ന​ഷ്ട​പ​രി​ഹാ​രം ഇ​തി​​ന്‍റെ പ​കു​തി പോ​ലും വ​രി​ല്ല. എ​ന്തി​നാ​ണ് വ​ലി​യൊ​രു ഭാ​ഗ​ത്തെ ദു​രി​ത​ത്തി​ലാ​ക്കി ഇ​ങ്ങ​നെ​യൊ​രു റെ​യി​ൽ പാ​ത​യെ​ന്നാ​ണ് അ​ർ​ഷ​യു​ടെ ചോ​ദ്യം.

ഈ ​ചോ​ദ്യം​ത​ന്നെ​യാ​ണ് മേ​ലേ​ട​ത്ത് ഉ​ഷ​യു​ടെ​തും. കു​റ​ഞ്ഞ ആ​ളു​ക​ളു​ടെ സു​ഖ​വും നേ​ട്ട​വും ല​ക്ഷ്യ​മി​ട്ട് മ​ഹാ​ഭൂ​രി​പ​ക്ഷ​ത്തി​​ന്‍റെ പ്ര​യാ​സ​ങ്ങ​ൾ ക​ണ്ടി​ല്ലെ​ന്നു ന​ടി​ക്കു​ക​യാ​ണെ​ന്ന് ഉ​ഷ​യു​ടെ ഭ​ർ​ത്താ​വ് രാ​മ​കൃ​ഷ്ണ​ൻ പ​റ​ഞ്ഞു. കൂ​ലി​പ്പ​ണി​യി​ലൂ​ടെ സ്വ​രൂ​പി​ച്ച പ​ണം​കൊ​ണ്ട് നി​ർ​മി​ച്ച ഇ​വ​രു​ടെ വീ​ട് മ​ക​ന് പ​ട്ടാ​ള​ത്തി​ൽ ജോ​ലി ല​ഭി​ച്ച​പ്പോ​ൾ പു​തു​ക്കി​പ്പ​ണി​ത​താ​ണ്. കെ-​റെ​യി​ൽ വാ​ർ​ത്ത വ​ന്ന​തോ​ടെ രാ​മ​കൃ​ഷ്ണ​ന് ഉ​റ​ക്കം ന​ഷ്ട​മാ​യി. നെ​ഞ്ചു​വേ​ദ​ന പി​ടി​പെ​ട്ടു. ഏ​താ​ണ്ട് എ​ല്ലാ​വ​രും ഇ​തേ അ​വ​സ്ഥ​യി​ലാ​ണ്. പി​റ​ന്ന സ്ഥ​ല​ത്തു​നി​ന്ന് പി​ഴു​തെ​റി​യ​പ്പെ​ടു​ന്ന​തി​​ന്‍റെ വേ​ദ​ന. സ​മ്പാ​ദ്യ​ങ്ങ​ൾ ന​ഷ്ട​മാ​കു​ന്ന​തി​​ന്‍റെ ആ​കു​ല​ത​ക​ൾ, വ​ല്ലാ​ത്തൊ​രു മ​ര​വി​പ്പാ​ണ് ഈ ​മേ​ഖ​ല​യി​ൽ.

ന​സീ​ർ ന്യൂ ​ജെ​ല്ല 20 വ​ർ​ഷം നീ​ളു​ന്ന വാ​യ്പ​യെ​ടു​ത്താ​ണ് വീ​ടു​വെ​ച്ച​ത്. 10 വ​ർ​ഷ​ത്തെ അ​ട​വു ബാ​ക്കി. സാ​മ്പ​ത്തി​ക​മാ​യും സാ​മൂ​ഹി​ക​മാ​യും പാ​രി​സ്ഥി​തി​ക​മാ​യും കോ​ട്ട​ങ്ങ​ൾ വ​രു​ത്തു​ന്ന പ​ദ്ധ​തി​ക്ക് സ്ഥ​ലം വി​ട്ടു​കൊ​ടു​ക്കി​ല്ലെ​ന്ന് ഇ​ദ്ദേ​ഹം പ​റ​ഞ്ഞു. കെ-​റെ​യി​ൽ ജ​ന​കീ​യ സ​മി​തി​യു​ടെ പ്ര​ധാ​ന പ്ര​വ​ർ​ത്ത​ക​നാ​ണ് ന​സീ​ർ. ജ​ന​ങ്ങ​ളു​ടെ ജീ​വി​ത​വു​മാ​യി ബ​ന്ധ​പ്പെ​ട്ട് പ​രി​ഹാ​രം കാ​ണേ​ണ്ട നി​ര​വ​ധി അ​ടി​സ്ഥാ​ന​പ്ര​ശ്ന​ങ്ങ​ൾ നി​ല​നി​ൽ​ക്കു​മ്പോ​ഴാ​ണ് കെ-​റെ​യി​ൽ എ​ന്ന സ്വ​പ്ന​പ​ദ്ധ​തി​യു​മാ​യി സ​ർ​ക്കാ​ർ മു​ന്നോ​ട്ടു പോ​കു​ന്ന​ത്.

വി​വി​ധ ഭാ​ഗ​ങ്ങ​ളി​ൽ​നി​ന്ന് ഉ​യ​രു​ന്ന എ​തി​ർ​പ്പു​ക​ളും വി​ദ​ഗ്ധ അ​ഭി​പ്രാ​യ​ങ്ങ​ളു​മൊ​ന്നും പ​രി​ഗ​ണി​ക്കാ​തെ​യാ​ണ് മു​ന്നോ​ട്ടു​പോ​ക്ക്. മെ​ച്ച​പ്പെ​ട്ട യാ​ത്രാ​സൗ​ക​ര്യം ഒ​രു​ക്കു​ക എ​ന്ന പേ​രി​ൽ ന​ട​ക്കു​ന്ന പ്ര​ക്രി​യ​യി​ൽ ജ​നി​ച്ച വീ​ട്ടി​ൽ​നി​ന്നും ജീ​വി​തം ക​രു​പ്പി​ടി​പ്പി​ച്ചെ​ടു​ത്ത നാ​ട്ടി​ൽ​നി​ന്നും പി​ഴു​തെ​റി​യ​പ്പെ​ടു​ന്ന​വ​രു​ടെ വേ​ദ​ന​ക​ൾ ഭ​ര​ണ​കൂ​ടം കാ​ണാ​തെ പോ​കു​ന്നു. കോ​ര​പ്പു​ഴ മു​ത​ൽ പൂ​ക്കാ​ടു​വ​രെ മൂ​ന്ന​ര കി​ലോ​മീ​റ്റ​റി​നു​ള്ളി​ൽ 162 വീ​ടു​ക​ളാ​ണ് ന​ഷ്ട​പ്പെ​ടു​ക. സാ​ധാ​ര​ണ​ക്കാ​ർ, കൂ​ലി​ത്തൊ​ഴി​ലാ​ളി​ക​ൾ, പ്ര​വാ​സി​ക​ൾ ഉ​ൾ​പ്പ​ടെ​യു​ള്ള​വ​ർ ഇ​തി​ൽ​പെ​ടും.

25 മീ​റ്റ​ർ വീ​തി ക​ണ​ക്കാ​ക്കി​യാ​ണി​ത്. ഇ​തു വ​ർ​ധി​ക്കു​മ്പോ​ൾ കു​ടി​യൊ​ഴി​യേ​ണ്ടി വ​രു​ന്ന​വ​രു​ടെ എ​ണ്ണം വീ​ണ്ടും കൂ​ടും. എ​ല്ലു നു​റു​ങ്ങി പ​ണി​യെ​ടു​ത്തും അ​റേ​ബ്യ​ൻ മ​രു​ഭൂ​മി​യി​ൽ ക​ഷ്ട​പ്പെ​ട്ടും ഉ​ണ്ടാ​ക്കി​യ സ​മ്പാ​ദ്യ​ങ്ങ​ൾ​ക്കു​മേ​ലാ​ണ് വി​ക​സ​ന പ​ദ്ധ​തി​യു​ടെ പേ​രി​ലു​ള്ള ക​ട​ന്നു​ക​യ​റ്റം. മി​ക​ച്ച വി​ല ന​ൽ​കു​മെ​ന്നാ​ണ് വാ​ഗ്ദാ​നം. ഒ​രു​പാ​ടു പേ​ർ കു​ടി​യൊ​ഴി​യേ​ണ്ടി വ​രു​മ്പോ​ൾ ഭൂ​മി​ക്ക് വി​ല കൂ​ടും. അ​പ്പോ​ൾ, ന​ഷ്ട​പ​രി​ഹാ​ര​ത്തു​ക​ക്ക് മി​ക​ച്ച ഭൂ​മി​ക​ൾ കി​ട്ടാ​തെ വ​രും. മാ​ത്ര​മ​ല്ല ഒ​രു പ​രി​ച​യ​വു​മി​ല്ലാ​ത്ത, തി​ക​ച്ചും വ്യ​ത്യ​സ്ത​ങ്ങ​ളാ​യ ചു​റ്റു​പാ​ടു​ക​ളി​ലേ​ക്ക് ജീ​വി​തം പ​റി​ച്ചു​ന​ടേ​ണ്ട​തി​​ന്‍റെ മാ​ന​സി​ക ആ​ഘാ​ത​വും നേ​രി​ടേ​ണ്ടി വ​രും.

ദേ​ശീ​യ​പാ​ത വി​ക​സ​ന ഭാ​ഗ​മാ​യി സ്ഥ​ലം ന​ഷ്ട​പ്പെ​ട്ട​വ​ർ​ക്ക് അ​ർ​ഹ​മാ​യ ന​ഷ്ട​പ​രി​ഹാ​രം ല​ഭി​ച്ചി​ല്ലെ​ന്ന ആ​രോ​പ​ണ​വും നി​ല​നി​ൽ​ക്കു​ന്നു. ദേ​ശീ​യ​പാ​ത വി​ക​സ​ന​ത്തി​നൊ​പ്പം കെ- ​റെ​യി​ൽ കൂ​ടി വ​രു​മ്പോ​ൾ വ​ൻ​തോ​തി​ൽ ഭൂ​മി​യാ​ണ് ഉ​പ​യോ​ഗി​ക്കേ​ണ്ടി​വ​രു​ക. അ​പ്പോ​ൾ ഭൂ​മാ​ഫി​യ രം​ഗം കൈ​യ​ട​ക്കും. ഭൂ​വി​ല നി​യ​ന്ത്ര​ണം ഇ​വ​രു​ടെ കൈ​ക​ളി​ൽ വ​രു​മ്പോ​ൾ, ന​ഷ്ട​പ​രി​ഹാ​ര തു​ക​ക്ക് ഭൂ​മി കി​ട്ടാ​തെ​ വ​രും.

കെ-​റെ​യി​ലി​ന് അ​ക്വ​യ​ർ ചെ​യ്യു​ന്ന സ്ഥ​ല​ത്തി​ന് അ​ടു​ത്തു​ള്ള സ്ഥ​ല​ങ്ങ​ൾ​ക്കും ഉ​പ​യോ​ഗ നി​യ​ന്ത്ര​ണ​ങ്ങ​ൾ ഉ​ണ്ടാ​യേ​ക്കും. ച​തു​പ്പു​നി​ല​ങ്ങ​ൾ ന​ഷ്ട​പ്പെ​ടു​മ്പോ​ൾ അ​ത് കു​ടി​വെ​ള്ള സ്രോ​ത​സ്സു​ക​ളെ കാ​ര്യ​മാ​യി ബാ​ധി​ക്കും. മാ​ത്ര​മ​ല്ല മ​ഴ​ക്കാ​ല​ത്ത് വെ​ള്ള​പ്പൊ​ക്ക​വും സം​ഭ​വി​ക്കാം. അ​തു​കൊ​ണ്ടു​ത​ന്നെ, ശ​ക്ത​മാ​യ എ​തി​ർ​പ്പാ​ണ് പ​ദ്ധ​തി​ക്കെ​തി​രെ​യു​ള്ള​ത്. വി​വി​ധ മേ​ഖ​ല​ക​ളി​ലെ പ്ര​ശ​സ്ത​ർ, ബു​ദ്ധി​ജീ​വി​ക​ൾ, വ്യ​ത്യ​സ്ത രാ​ഷ്ട്രീ​യ​വീ​ക്ഷ​ണ​മു​ള്ള​വ​ർ എ​ന്നി​വ​രൊ​ക്കെ സ​മ​ര​ത്തി​ന് ഐ​ക്യ​ദാ​ർ​ഢ്യ​വു​മാ​യി രം​ഗ​ത്തു​ണ്ട്.

ജി​ല്ല​യി​ലെ പ്ര​ധാ​ന സ​മ​ര​കേ​ന്ദ്ര​ങ്ങ​ളി​ലൊ​ന്ന് കാ​ട്ടി​ല പീ​ടി​ക​യി​ലേ​താ​ണ്. ഇ​വി​ടെ സ​മ​രം 461 ദി​വ​സം പി​ന്നി​ട്ടു. 2020 ജൂ​ലൈ 24ന് ​പ്ര​ത്യ​ക്ഷ സ​മ​രം തു​ട​ങ്ങി. 2020 ഒ​ക്ടോ​ബ​ർ ര​ണ്ടി​ന് അ​നി​ശ്ചി​ത​കാ​ല സ​ത്യ​ഗ്ര​ഹ​വും തു​ട​ങ്ങി. വൈ​വി​ധ്യ​മാ​ർ​ന്ന സ​മ​ര​ങ്ങ​ളും ന​ട​ത്തി. പ്ര​ശാ​ന്ത് ഭൂ​ഷ​ൺ, ഡോ. ​രാ​ജേ​ന്ദ്ര​സി​ങ് റാ​ണ, കൂ​ടം​കു​ളം ഉ​ദ​യ​കു​മാ​ർ, ഉ​മ്മ​ൻ ചാ​ണ്ടി, ര​മേ​ശ് ചെ​ന്നി​ത്ത​ല, കെ. ​സു​രേ​ന്ദ്ര​ൻ, സാ​ദി​ഖ​ലി ശി​ഹാ​ബ് ത​ങ്ങ​ൾ, എം.​കെ. മു​നീ​ർ, കെ. ​മു​ര​ളീ​ധ​ര​ൻ, എം.​കെ. രാ​ഘ​വ​ൻ, കെ.​കെ. ര​മ, പി.​കെ. ഫി​റോ​സ്, മാ​ത്യു കു​ഴ​ൽ നാ​ട​ൻ, പി.​കെ. ഗോ​പി, സി.​ആ​ർ. നീ​ല​ക​ണ്ഠ​ൻ, ക​ല്പ​റ്റ നാ​രാ​യ​ണ​ൻ, കു​സു​മം ജോ​സ​ഫ്, ഇ​യ്യ​ച്ചേ​രി കു​ഞ്ഞി​കൃ​ഷ്ണ​ൻ തു​ട​ങ്ങി​യ​വ​ർ ഐ​ക്യ​ദാ​ർ​ഢ്യ​വു​മാ​യി എ​ത്തി​യ​ത് സ​മ​ര​ത്തി​ന് ആ​വേ​ശ​മാ​യി. എ​ങ്കി​ലും, സ്ഥ​ലം ന​ഷ്ട​പ്പെ​ടു​ന്ന​വ​ർ തി​ക​ഞ്ഞ ആ​ശ​ങ്ക​യി​ലാ​ണ്. പ​ല​രും മ​റ്റു സ​മ്പാ​ദ്യ​ങ്ങ​ൾ ഇ​ല്ലാ​ത്ത​വ​രാ​ണ്. കൈ​വ​ശ​മു​ള്ള​തി​ൽ​നി​ന്ന് അ​ല്പം സ്ഥ​ലം വി​റ്റ് പെ​ൺ​മ​ക്ക​ളു​ടെ വി​വാ​ഹം ന​ട​ത്താ​മെ​ന്ന ക​ണ​ക്കു​കൂ​ട്ട​ലു​ക​ളും തെ​റ്റി. സ​ർ​വേ​യി​ൽ ഉ​ൾ​പ്പെ​ട്ട ഭൂ​മി​ക്ക് വാ​യ്പ ല​ഭി​ക്കി​ല്ല.

വീ​ടു​വെ​ക്കാ​ൻ അ​നു​വാ​ദ​വും കി​ട്ടാ​താ​കും. നാ​ല​ര പ​തി​റ്റാ​ണ്ടോ​ളം ദേ​ശീ​യ​പാ​ത​ക്ക് ക​ല്ലി​ട്ട സ്ഥ​ലം ഉ​പ​യോ​ഗി​ക്കാ​ൻ ക​ഴി​യാ​ത്ത അ​വ​സ്ഥ​യു​ണ്ടാ​യ നാ​ടാ​ണി​ത്