എസ്‌.ആർ ശക്തിധരന്‍റെ മകൻ ഷിലിൻ ശക്തി അന്തരിച്ചു

തിരുവനന്തപുരം: ദേശാഭിമാനി മുൻ അസോസിയറ്റ് എഡിറ്ററും സി.പി.എം തിരുവനന്തപുരം ജില്ല കമ്മിറ്റി മുൻ അംഗവുമായ എസ്.ആർ ശക്തിധരന്‍റെയും ​ഗീതയുടെയും മകൻ ശാന്തിന​ഗർ ശക്തി​ഗീതത്തിൽ (ഹൗസ് നമ്പർ–5) ഷിലിൻ ശക്തി (46) അന്തരിച്ചു. ജർമനിയിലെ ബർലിനിൽ ഹൃദയാഘാതത്തെ തുടർന്നായിരുന്നു അന്ത്യം.

ജർമനിയിൽ ഫിലിപ്സ് മെഡിസിൻ സിസ്റ്റത്തിൽ ഐ.ടി പ്രഫഷണലായിരുന്നു. ഭാര്യ: നസീമ (മീനാക്ഷി). മകൾ: അനന്യ. സഹോദരി: ഷിനോ ശക്തി (അധ്യാപിക, വി.എച്ച്.എസ്‌.സി കോതമം​ഗലം). സഹോദരീ ഭർത്താവ്: വിജു (മർച്ചന്‍റ് നേവി).

ഷിലിൻ ശക്തിയുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു.