അർജുന് ആറടി മണ്ണൊരുക്കുന്നത് വീടിനരികിൽ

കോ​ഴി​ക്കോ​ട്: വീ​ട്ടു​കാ​ർ​ക്കൊ​പ്പം ജീ​വി​ക്കാ​ൻ ആ​ഗ്ര​ഹി​ക്കു​ക​യും അ​തി​നാ​യി സ​മ​യം ക​ണ്ടെ​ത്തു​ക​യും ചെ​യ്ത അ​ർ​ജു​ന്റെ അ​ന്ത്യ​വി​ശ്ര​മ​വും വീ​ട്ടു​മു​റ്റ​ത്തു​ത​ന്നെ. ജോ​ലി​ക്കാ​യി വീ​ടു​വി​ട്ടു​പോ​യാ​ൽ, വീ​ട്ടി​ലെ ഓ​രോ അം​ഗ​ത്തെ​യും പ​ല​ത​വ​ണ വി​ളി​ക്കു​ക​യും വി​വ​ര​ങ്ങ​ൾ ആ​രാ​യു​ക​യും ചെ​യ്യു​ന്ന പ്ര​കൃ​ത​ക്കാ​ര​നാ​യ അ​ർ​ജു​ന് വീ​ടു​വി​ട്ടൊ​രു ലോ​കം ഉ​ണ്ടാ​യി​രു​ന്നി​ല്ല.

വി​വ​ര​ങ്ങ​ൾ ചോ​ദി​ച്ച​റി​ഞ്ഞാ​ൽ മാ​​ത്രം പോ​രാ, വീ​ട്ടു​കാ​രു​മാ​യി പ​ല​ത​വ​ണ വി​ഡി​യോ കാ​ൾ ചെ​യ്യു​ന്ന​തും അ​ർ​ജു​ന്റെ ശീ​ല​മാ​യി​രു​ന്നു. അ​ച്ഛ​ന്റെ​യും അ​മ്മ​യു​ടെ​യും ഭാ​ര്യ​യു​ടെ​യും ര​ണ്ട​ര വ​യ​സ്സു​കാ​ര​ൻ അ​യാ​ന്റെ​യും ശ​ബ്ദം കേ​ട്ടി​ല്ലെ​ങ്കി​ൽ താ​ൻ അ​സ്വ​സ്ഥ​നാ​കു​മെ​ന്ന് അ​ർ​ജു​ൻ​ത​ന്നെ പ​ല​ത​വ​ണ പ​റ​ഞ്ഞി​ട്ടു​ണ്ട്. അ​തു​കൊ​ണ്ടു​ത​ന്നെ അ​ർ​ജു​ന്റെ ഫോ​ണി​ന് വീ​ട്ടു​കാ​രും ഏ​റെ പ്രാ​ധാ​ന്യം കൊ​ടു​ത്തി​രു​ന്നു. വീ​ട്ടു​കാ​രെ മാ​റി​മാ​റി വി​ളി​ക്കു​ന്ന​തി​നാ​ൽ വീ​ട്ടി​ലെ ഓ​രോ നി​മി​ഷ​ത്തി​ലും അ​ർ​ജു​നും പ​ങ്കാ​ളി​യാ​കു​ന്ന​താ​യി കു​ടും​ബാം​ഗ​ങ്ങ​ൾ​ക്ക് തോ​ന്നി.

ആ ​ചി​ന്ത​ക്ക് ഭം​ഗം വ​രാ​തി​രി​ക്കാ​ൻ, വീ​ട്ടു​കാ​രു​ടെ ഓ​രോ ഹൃ​ദ​യ​മി​ടി​പ്പും അ​ടു​ത്തി​രു​ന്ന​റി​യാ​ൻ​വേ​ണ്ടി വീ​ടി​നു​ചേ​ർ​ന്നു​ത​ന്നെ​യാ​ണ് ആ​റ​ടി മ​ണ്ണി​ൽ വി​​ശ്ര​മ​മൊ​രു​ക്കു​ന്ന​ത്.

മ​ക​ൻ അ​യാ​ന്റെ പൂ​പു​ഞ്ചി​രി കാ​ണാ​നും ശ്ര​ദ്ധ​കി​ട്ടാ​നും അ​വ​ൻ ഏ​റ്റ​വും ഇ​ഷ്ട​പ്പെ​ട്ട ക​ളി​പ്പാ​ട്ട​മാ​യ ലോ​റി അ​ർ​ജു​ൻ വീ​ട്ടി​ൽ​നി​ന്ന് എ​ടു​ത്തു​കൊ​ണ്ടു​പോ​വു​ക​യാ​യി​രു​ന്നു. വി​ഡി​യോ കാ​ൾ ചെ​യ്യു​മ്പോ​ൾ അ​യാ​ൻ പ​ല ഭാ​ഗ​ത്തേ​ക്കും ശ്ര​ദ്ധ​മാ​റ്റു​മ്പോ​ൾ അ​ർ​ജു​ൻ ലോ​റി​യെ​ടു​ത്തു കാ​ണി​ക്കും. പി​ന്നീ​ട് എ​ത്ര​സ​മ​യം വേ​ണ​മെ​ങ്കി​ലും അ​യാ​ൻ പി​താ​വു​മാ​യി ഫോ​ണി​ൽ സം​സാ​രി​ച്ചി​രി​ക്കു​മാ​യി​രു​ന്നു.

വീ​ട്ടി​ലേ​ക്കു​ള്ള അ​വ​സാ​ന​യാ​ത്ര​യി​ലും അ​ർ​ജു​ൻ പു​തി​യ ക​ളി​പ്പാ​ട്ട​ങ്ങ​ൾ വാ​ങ്ങി​വെ​ച്ചി​രു​ന്നു. സ​ഹോ​ദ​രി​മാ​ർ​ക്കും സ​ഹോ​ദ​ര​നും അ​ച്ഛ​നും അ​മ്മ​ക്കും എ​ല്ലാ​വ​ർ​ക്കും കൂ​ടി താ​മ​സി​ക്കാ​ൻ ഒ​രു വ​ലി​യ വീ​ടെ​ന്ന മോ​ഹം അ​ർ​ജു​ന്റെ ആ​ഗ്ര​ഹ​മാ​യി​രു​ന്നു. തു​ണി​ക്ക​ട​യി​ൽ ജോ​ലി​ചെ​യ്തും പെ​യി​ന്റി​ങ് തൊ​ഴി​ലെ​ടു​ത്തും പി​ക്-അ​പ്‍ വാ​നി​ൽ ലോ​റി ഡ്രൈ​വ​റാ​യും ബ​സി​ൽ ജോ​ലി​ചെ​യ്തു​​മെ​ല്ലാം ആ ​മോ​ഹം പൂ​വ​ണി​യി​ച്ചു.

ബാ​ങ്കി​ൽ​നി​ന്ന് വാ​യ്പ​യെ​ടു​ത്താ​ണ് അ​ർ​ജു​ൻ വീ​ട് നി​ർ​മി​ച്ച​ത്. ആ ​വീ​ടി​നോ​ട് ചേ​ർ​ന്ന് സം​സ്ക​രി​ക്കു​മ്പോ​ൾ വീ​ട്ടു​കാ​രു​ടെ ക​ളി​യും ചി​രി​യും വേ​ദ​ന​യു​മെ​ല്ലാം അ​ടു​ത്തി​രു​ന്ന് അ​ർ​ജു​ന് കേ​ൾ​ക്കാ​നാ​കു​മെ​ന്ന വി​ശ്വാ​സ​ത്തി​ലാ​ണ് കു​ടും​ബം.