'ട്രെൻഡിനൊപ്പം ചാമ്പിക്കോ'; ഭീഷ്മ സ്റ്റൈൽ വിഡിയോയുമായി ശിവൻകുട്ടിയും

ഭീഷ്മപർവം സിനിമയിലെ മമ്മുട്ടിയുടെ ഫോട്ടോഷൂട്ട് വിഡിയോയാണ് ഇപ്പോൾ തരംഗമാവുന്നത്. മാസ് ബി.ജി.എമ്മിലുള്ള മമ്മുട്ടിയുടെ ഫോട്ടോഷൂട്ട് നിരവധി പേരാണ് അനുകരിക്കുന്നത്. കഴിഞ്ഞ ദിവസം സി.പി.എം നേതാവ് പി.ജയരാജൻ ഭീഷ്മപർവം വിഡിയോയുമായി രംഗത്തെത്തിയിരുന്നു. ഇപ്പോൾ വിദ്യാഭ്യാസമന്ത്രി വി.ശിവൻകുട്ടിയും സമാനമായ വിഡിയോ പുറത്തിറക്കിയിരിക്കുകയാണ്.

ട്രെൻഡിനൊപ്പം ചാമ്പിക്കോ എന്ന കുറിപ്പോടെയാണ് വിദ്യാഭ്യാസമന്ത്രി ഫേസ്ബുക്കിലൂടെ വിഡിയോ പങ്കുവെച്ചത്. ഗതാഗതമന്ത്രി ആന്റണി രാജുവും തിരുവനന്തപുരം മേയർ ആര്യരാജേന്ദ്രനും വിഡിയോയിലുണ്ട്.