ഉദ്യോഗസ്ഥരും പൊലീസും ശത്രുക്കളെപ്പോലെ പെരുമാറുന്നു; വ്യാപാര സ്ഥാപനങ്ങൾ എല്ലാ ദിവസവും തുറക്കാൻ അനുവദിക്കണം -എ.കെ.ജി.എസ്​.എം.എ

കൊച്ചി: കേരളത്തിലെ വ്യാപാര സ്ഥാപനങ്ങൾ എല്ലാ ദിവസവും തുറക്കാൻ അനുവദിക്കണമെന്ന് ഓൾ കേരള ഗോൾഡ് ആൻഡ്​ സിൽവർ മർച്ചന്‍റ്​സ്​ അസോസിയേഷൻ (എ.കെ.ജി.എസ്​.എം.എ) ആവശ്യപ്പെട്ടു. അശാസ്ത്രീയമായ അടച്ചിടൽ വ്യാപാരികളെ കടക്കെണിയിലേക്കും അരക്ഷിതാവസ്ഥയിലേക്കുമാണ് കൊണ്ടുപോകുന്നത്.

ഉദ്യോഗസ്ഥരും പൊലീസും ശത്രുക്കളെപ്പോലെ പെരുമാറുന്നു. ഏറ്റവും വലിയ വ്യാപാര സീസണായ പെരുന്നാളും ഓണവും കച്ചവടമേഖലയ്ക്കു ഗുണകരമാകുന്ന രീതിയിൽ എല്ലാ ദിവസവും തുറക്കാൻ അനുവദിക്കണമെന്ന് സംസ്ഥാന പ്രസിഡന്‍റ്​ ഡോ. ബി. ഗോവിന്ദൻ, ജനറൽ സെക്രട്ടറി കെ. സുരേന്ദ്രൻ, ട്രഷറർ അഡ്വ. എസ്. അബ്ദുൽ നാസർ എന്നിവർ ആവശ്യപ്പെട്ടു.