റേഷൻ വാങ്ങാത്തവർക്ക് കാരണം കാണിക്കൽ നോട്ടീസ്​

തൃ​ശൂ​ർ: ക​ഴി​ഞ്ഞ മൂ​ന്നു​മാ​സം സം​സ്​​ഥാ​ന​ത്ത്​ എ​ട്ടു​ല​ക്ഷ​ത്തി​ൽ അ​ധി​കം കാ​ർ​ഡ് ഉ​ട​മ​ക​ൾ റേ​ഷ​ൻ വ ാ​ങ്ങി​യി​ല്ല. ഭ​ക്ഷ്യ ഭ​ദ്ര​താ നി​യ​മ​ത്തി​​​െൻറ ഗു​ണ​ഭോ​ക്താ​ക്ക​ളാ​യ അ​ന്ത്യോ​ദ​യ, മു​ൻ​ഗ​ണ​ന കാ​ർ​ഡു ​ക​ളി​ൽ 1,04,810 പേ​രാ​ണ് ഈ​മാ​സ​ങ്ങ​ളി​ൽ സ​ബ്​​സി​ഡി അ​രി​യും ഗോ​ത​മ്പും അ​ട​ക്കം വാ​ങ്ങാ​തി​രു​ന്ന​ത്. മു​ൻ ​ഗ​ണ​ന വി​ഭാ​ഗ​ത്തി​ൽ 91,000 പേ​രും അ​ന്ത്യോ​ദ​യ വി​ഭാ​ഗ​ത്തി​ൽ 12,000 പേ​രും അ​ട​ക്ക​മാ​ണി​ത്. മു​ൻ​ഗ​ണ​നേ​ത​ര, സ്​​റ്റേ​റ്റ് സ​ബ്സി​ഡി വി​ഭാ​ഗ​ത്തി​ൽ​പെ​ട്ട 4,98,783 പേ​ര​ട​ക്കം ഒ​ക്​​ടോ​ബ​ർ, ന​വം​ബ​ർ മാ​സ​ങ്ങ​ളി​ലാ​യി 6,03,590 കാ​ർ​ഡ് ഉ​ട​മ​ക​ളാ​ണ് റേ​ഷ​ൻ വാ​ങ്ങാ​തി​രു​ന്ന​ത്.

ഡി​സം​ബ​റി​ലെ ക​ണ​ക്ക് കൂ​ടി ല​ഭ്യ​മാ​കു​ന്ന​തോ​ടെ റേ​ഷ​ൻ വാ​ങ്ങാ​ത്ത​വ​രു​ടെ എ​ണ്ണം എ​ട്ട് ല​ക്ഷ​ത്തി​ൽ അ​ധി​ക​മാ​വും. അ​ന്ത്യോ​ദ​യ വി​ഭാ​ഗ​ത്തി​ൽ ഇ​ടു​ക്കി, വ​യ​നാ​ട് ജി​ല്ല​ക​ളി​ലെ ആ​ദി​വാ​സി​ക​ളാ​ണ് റേ​ഷ​ൻ വാ​ങ്ങാ​ത്ത​വ​രി​ൽ കൂ​ടു​ത​ൽ. ഇ​ടു​ക്കി ദേ​വി​കു​ളം താ​ലൂ​ക്കി​ൽ മാ​ത്രം ആ​യി​ര​ത്തി​ൽ അ​ധി​കം അ​ന്ത്യോ​ദ​യ വി​ഭാ​ഗ​ത്തി​ൽ​പെ​ട്ട​വ​ർ റേ​ഷ​ൻ വാ​ങ്ങി​യി​ട്ടി​ല്ല. വ​യ​നാ​ട് ജി​ല്ല​യി​ൽ 636 അ​ന്ത്യോ​ദ​യ കാ​ർ​ഡു​കാ​രാ​ണ് റേ​ഷ​ൻ വാ​ങ്ങാ​ത്ത​ത്. നി​ര​ന്ത​രം റേ​ഷ​ൻ​വാ​ങ്ങാ​ത്ത​വ​രു​ടെ എ​ണ്ണം അ​ടി​ക്ക​ടി വ​ർ​ധി​ക്കു​ന്ന​തി​നാ​ൽ കാ​ര​ണം അ​ന്വേ​ഷി​ച്ച് റി​പ്പോ​ർ​ട്ട് ന​ൽ​കാ​ൻ പൊ​തു​വി​ത​ര​ണ വ​കു​പ്പ് താ​ലൂ​ക്ക് സ​പ്ലൈ ഓ​ഫി​സ​ർ​മാ​ർ​ക്ക് ഉ​ത്ത​ര​വ് ന​ൽ​കി​യി​രി​ക്കു​ക​യാ​ണ്. റേ​ഷ​ൻ വാ​ങ്ങാ​ത്ത കാ​ർ​ഡ് ഉ​ട​മ​ക​ളു​ടെ താ​ലൂ​ക്ക്ത​ല പ​ട്ടി​ക ഇ-​പോ​സ്​ വ​ഴി എ​ടു​ത്ത് വ​കു​പ്പ് ന​ൽ​കി​യി​ട്ടു​ണ്ട്. ഈ​മാ​സം 25ന​കം റി​പ്പോ​ർ​ട്ട് ന​ൽ​ക​ണം.

നി​ര​ന്ത​രം റേ​ഷ​ൻ വാ​ങ്ങാ​തെ വ​രു​ന്ന​തോ​ടെ സ​ബ്സി​ഡി​യാ​യി കേ​ന്ദ്രം ന​ൽ​കു​ന്ന വി​ഹി​തം കു​റ​ക്കാ​നു​ള്ള സാ​ധ്യ​ത വ​കു​പ്പ് മു​ന്നി​ൽ കാ​ണു​ന്നു​ണ്ട്. അ​ന്ത്യോ​ദ​യ, മു​ൻ​ഗ​ണ​ന പ​ട്ടി​ക​യി​ൽ ഉ​ൾ​പ്പെ​ട്ട അ​ന​ർ​ഹ​ർ റേ​ഷ​ൻ വാ​ങ്ങാ​തെ ഇ​ത​ര സേ​വ​ന​ങ്ങ​ൾ​ക്കാ​യി റേ​ഷ​ൻ കാ​ർ​ഡ് ഉ​പ​യോ​ഗി​ക്കു​ന്ന​താ​യും വി​വി​രം ല​ഭി​ച്ചി​ട്ടു​ണ്ട്. അ​ന​ർ​ഹ​ർ ഗു​ണ​ഭോ​ക്തൃ വി​ഹി​തം വാ​ങ്ങു​ന്ന​ത് കു​റ്റ​ക​ര​മാ​ണെ​ന്ന തി​രി​ച്ച​റി​വാ​ണ് റേ​ഷ​ൻ വാ​ങ്ങു​ന്ന​തി​ൽ നി​ന്നും ഇ​വ​രെ പി​ന്തി​രി​പ്പി​ക്കു​ന്ന​ത്. ഇ​ത്ത​രം അ​ന​ർ​ഹ​രെ ഒ​ഴി​വാ​ക്കു​ന്ന​തി​നും കൂ​ടി​യാ​ണ് കാ​ര​ണം കാ​ണി​ക്ക​ൽ നോ​ട്ടീ​സ്.

ഇ​ടു​ക്കി,വ​യ​നാ​ട് ജി​ല്ല​ക​ളി​ൽ അ​ട​ക്കം ആ​ദി​വാ​സി​ക​ൾ​ക്ക് ഉൗ​രി​ൽ നി​ന്നും റേ​ഷ​ൻ​വാ​ങ്ങാ​ൻ എ​ത്തു​ന്ന​തി​നു​ള്ള അ​സൗ​ക​ര്യം ശ്ര​ദ്ധ​യി​ൽ​പെ​ട്ടി​ട്ടു​ണ്ട്. ഇ​വ​ർ​ക്ക് തൃ​ശൂ​ർ ജി​ല്ല​യി​ൽ മ​ല​ക്ക​പ്പാ​റ​യി​ൽ ന​ട​പ്പാ​ക്കി​യ​തി​ന് സ​മാ​നം ഉൗ​രു​ക​ളി​ൽ റേ​ഷ​ൻ വാ​ഹ​ന​ങ്ങ​ളി​ൽ എ​ത്തി​ക്കു​ന്ന പ​ദ്ധ​തി ന​ട​പ്പാ​ക്കാ​നും ആ​ലോ​ചി​ക്കു​ന്നു​ണ്ട്.