ഉരുൾപ്പൊട്ടലിൽ കുടുംബാംഗങ്ങളെ നഷ്ടമായ ശ്രുതിക്ക് വാഹനാപകടത്തിൽ പരിക്ക്; പ്രതിശ്രുത വരൻ ഗുരുതരനിലയിൽ

കൽപ്പറ്റ: വയനാട് മുണ്ടക്കൈ ഉരുൾപ്പൊട്ടൽ ദുരന്തത്തിൽ കുടുംബാംഗങ്ങളെ നഷ്ടമായ ശ്രുതിക്കും പ്രതിശ്രുത വരനും വാഹനാപകടത്തിൽ പരിക്ക്. പ്ര​തി​ശ്രു​ത വ​ര​ന്‍ ജ​ന്‍സ​ണും അപകടത്തിൽ പരിക്കേറ്റിട്ടുണ്ട്. ഇതിൽ ജൻസന്റെ നില ഗുരുതരമാണ്. ദേ​ശീ​യ​പാ​ത​യി​ല്‍ സ്വ​കാ​ര്യ ബ​സും വാ​നും കൂ​ട്ടി​യി​ടി​ച്ചാണ് അപകടമുണ്ടായത്.

ചൊ​വ്വാ​ഴ്ച വൈ​കീ​ട്ട് 3.30ഓ​ടെ​യാ​ണ് അ​പ​ക​ടം. കോ​ഴി​ക്കോ​ട്-​സു​ല്‍ത്താ​ന്‍ ബ​ത്തേ​രി റൂ​ട്ടി​ൽ സ​ർ​വി​സ് ന​ട​ത്തു​ന്ന ബ​ട്ട​ര്‍​​െ​ഫ്ല ബ​സും ഒമ്നി വാ​നും ത​മ്മി​ലാ​ണ് കൂ​ട്ടി​യി​ടി​ച്ച​ത്. അ​ങ്കി​ത്, ലാ​വ​ണ്യ, മാ​ധ​വി, ര​ത്മ, അ​നൂ​പ്, അ​നി​ല്‍ കു​മാ​ര്‍, കു​മാ​ര്‍, ആ​ര്യ എ​ന്നിവരാണ് പ​രി​ക്കേ​റ്റ​ മറ്റുള്ളവർ.

ഒമ്‌​നി വാ​ന്‍ വെ​ട്ടി പൊ​ളി​ച്ചാ​ണ് പ​രിക്കേ​റ്റ​വ​രെ പു​റ​ത്തെ​ടു​ത്ത​ത്. ജെ​ന്‍സ​ണ്‍ ഒ​ഴി​കെ​യു​ള്ള​വ​രു​ടെ പ​രി​ക്ക് സാ​ര​മു​ള്ള​ത​ല്ല.

ജെ​ന്‍സ​നെ മേ​പ്പാ​ടി​യി​ലെ സ്വ​കാ​ര്യ മെ​ഡി​ക്ക​ല്‍ കോ​ള​ജി​ലേ​ക്ക് മാ​റ്റി. മ​റ്റു​ള്ള​വ​ര്‍ ക​ല്‍പ​റ്റ​യി​ലെ സ്വ​കാ​ര്യ ആ​ശു​പ്ര​തി​യി​ല്‍ ചി​കി​ത്സ​യി​ലാ​ണ്. ചൂ​ര​ല്‍മ​ല ഉ​രു​ള്‍പൊ​ട്ട​ലി​ല്‍ മാ​താ​പി​താ​ക്ക​ളും അ​നു​ജ​ത്തി​യും അ​ട​ക്കം ഒ​മ്പ​ത് കു​ടും​ബാം​ഗ​ങ്ങ​ളെ​യാ​ണ് ശ്രു​തി​ക്ക് ന​ഷ്ട​പ്പെ​ട്ട​ത്. ക​ല്‍പ​റ്റ​യി​ലെ വാ​ട​ക വീ​ട്ടി​ല്‍ ബ​ന്ധു​വി​നൊ​പ്പം ക​ഴി​യു​ക​യാ​ണ് ശ്രു​തി.