ഷുഹൈബ്​ വധം: ആകാശിന്​ ഒരാളെ കൊല്ലാനാവുമെന്ന്​ വിശ്വസിക്കുന്നില്ല -പിതാവ്​

കണ്ണൂർ: ഷുഹൈബി​െ​ൻറ കൊലപാതകം നടന്ന ദിവസം ആകാശ്​ വീടിനടുത്ത പുളിമ്പിലാക്കൽ മുച്ചിലോട്ട്​ ഭഗവതി ക്ഷേത്ര ഉത്സവത്തിൽ പ​െങ്കടുക്കുകയായിരുന്നുവെന്ന്​ പിതാവ്​ രവി ‘മാധ്യമ’ത്തോട്​ പറഞ്ഞു.

അന്ന്​ രാത്രി അവിടെ നടന്ന ഭക്ഷണവിതരണത്തിലും ആകാശ്​ പങ്കാളിയായിരുന്നു. ഉത്സവം കഴിഞ്ഞ്​ രാത്രി ഒരുമണിക്കു മുമ്പായി വീട്ടിലെത്തുകയുംചെയ്​തു. ഫേസ്​ബുക്കിൽ പോസ്​റ്റിടാനും പ്രകടനങ്ങളിൽ മുദ്രാവാക്യം വിളിക്കാനും ആവേശം കാട്ടുന്ന ആകാശിന്​ ആയുധമെടുത്ത്​ ഒരാളെ കൊല്ലാനാവുമെന്ന്​ വിശ്വസിക്കുന്നില്ല.

ഷുഹൈബ്​ വധവുമായി ബന്ധപ്പെട്ട്​ പൊലീസ്​ അന്വേഷിക്കുന്നതായി മനസ്സിലായതോടെ പാർട്ടി ഏരിയ ഭാരവാഹികളുമായി ബന്ധപ്പെട്ടിരുന്നു. പൊലീസ്​ അന്വേഷണത്തിൽ ആകാശ്​ ഉണ്ടെന്നാണ്​ അറിയാൻ കഴിഞ്ഞത്,​ പിന്നെ നമ്മളെന്താ രവിയേട്ടാ ചെയ്യേണ്ടതെന്നായിരുന്നു അവർ ചോദിച്ചത്​.

ഇതോടെയാണ്​ ആകാശും സുഹൃത്ത്​ രജിൻരാജും കൂടി പുലർച്ചെ പൊലീസ്​ സ്​റ്റേഷനിലേക്ക്​ പോയത്​. സ്​റ്റേഷനിലേക്ക്​ പോകുംവഴി ഇവരെ അറസ്​റ്റ്​ചെയ്​തു എന്നാണ്​ പിന്നീട്​ പറഞ്ഞുകേട്ടത്​. അത്​ ശരിയാണോന്ന്​ അറിയില്ലെന്നും പിതാവ്​ രവി ​ പറഞ്ഞു.