അരിവാൾരോഗം കാർന്നു തിന്നുന്ന അട്ടപ്പാടി

ആ​ശു​പ​ത്രി കി​ട​ക്ക​യി​ൽ കി​ട​ന്ന് അ​വ​ൾ പ​റ​ഞ്ഞു... ‘അ​മ്മ ഇ​വി​​​​ടെ നി​ൽ​ക്ക​ണ്ട, എ​വി​ടെ​ങ്കി​ലും പ​ണി​ക്ക് പോ​യി​ക്കോ’..... പ​ക്ഷേ, ര​ണ്ടു​ദി​വ​സം ക​ഴി​ഞ്ഞ് കേ​ൾ​ക്കു​ന്ന​ത് മ​ക​ളു​ടെ മ​ര​ണ​വാ​ർ​ത്ത​യാ​ണ്-അ​മ്മ ശാ​ന്തി ക​ര​ഞ്ഞുകൊ​ണ്ട് പ​റ​ഞ്ഞു... ആ ​കു​ടും​ബ​ത്തി​ലെ പ്ര​തീ​ക്ഷ​യാ​യി​രു​ന്നു ക​ഴി​ഞ്ഞ​ദി​വ​സം അ​രി​വാ​ൾ രോ​ഗം​മൂ​ലം മ​രി​ച്ച അ​ട്ട​പ്പാ​ടി താ​ഴെ അ​ബ്ബ​ന്നൂ​ർ ഗോ​ത്ര ഊ​രി​ലെ സു​ജി​ത. അ​മ്മ​യും നാ​ലു സ​ഹോ​ദ​രി​മാ​രും അ​നു​ജ​നും അ​ട​ങ്ങു​ന്ന​താ​ണ് കു​ടും​ബം. അ​ഗ​ളി ജി.​വി.​എ​ച്ച്.​എ​സ് സ്കൂ​ളി​ലെ പ്ല​സ് വ​ൺ വി​ദ്യാ​ർ​ഥി​നി​യാ​യി​രു​ന്നു. രോ​ഗം കൂ​ടി​യ​തു​മൂ​ല​മു​ണ്ടാ​യ വി​ള​ർ​ച്ച​യും കാ​ലു​ക​ളു​ടെ സ്വാ​ധീ​ന​ക്കു​റ​വും ഇ​തി​നി​ടെ​യു​ണ്ടാ​യ അ​ച്ഛ​ന്റെ വി​യോ​ഗ​വും സു​ജി​ത​യെ ത​ള​ർ​ത്തി. ക​ടം വാ​ങ്ങി​യ പൈ​സ കൊ​ണ്ട് ആം​ബു​ല​ൻ​സ് വി​ളി​ച്ചാ​ണ് ബ​ന്ധു​ക്ക​ൾ തൃ​ശൂ​ർ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ​ത്തി​ച്ച​ത്. ചി​കി​ത്സ​ക്കി​ടെ സു​ജി​ത മ​രി​ച്ചു. ഒ​രു​പി​ടി ഇ​ല്ലാ​യ്മ​ക​ൾ​ക്കും ദു​രി​ത​ങ്ങ​ൾ​ക്കും ഇ​ട​യി​ലാ​ണ് അ​ട്ട​പ്പാ​ടി ഊ​രു​ക​ളി​ലെ 200 അ​രി​വാ​ൾ രോ​ഗി​ക​ളു​ടെ ജീ​വി​തം.

ഗു​ളി​ക​യും പോ​ഷ​കാ​ഹാ​ര കി​റ്റും മു​ട​ങ്ങി

അ​രി​വാ​ൾ രോ​ഗി​ക​ൾ​ക്ക് ദി​വ​സ​വും ക​ഴി​ക്കേ​ണ്ട ഗു​ളി​ക വി​ത​ര​ണം ചെ​യ്തി​ട്ട് ര​ണ്ടാ​ഴ്ച പി​ന്നി​ട്ടു. പ്ര​തി​മാ​സ ക്ലി​നി​ക്കും മൊ​ബൈ​ൽ മെ​ഡി​ക്ക​ൽ യൂ​നി​റ്റ് വ​ഴി​യു​ള്ള മ​രു​ന്നും മു​ട​ങ്ങി. പോ​ഷ​കാ​ഹാ​ര കി​റ്റും ല​ഭി​ക്കു​ന്നി​ല്ല. ഊ​രു​ക​ളി​ലെ സ​മൂ​ഹ അ​ടു​ക്ക​ള അ​ട​ച്ചു​പൂ​ട്ടി​യ​തോ​ടെ ഭ​ക്ഷ​ണ​വും കി​ട്ടാ​ത്ത അ​വ​സ്ഥ. രോ​ഗ​നി​ർ​ണ​യ​ത്തി​നാ​യി ആ​രം​ഭി​ച്ച പ​ദ്ധ​തി​യും ഫ​ണ്ടി​ല്ലാ​തെ നി​ല​ച്ചി​രി​ക്കു​ക​യാ​ണ്. ഉ​പ​ക​ര​ണ​മു​ണ്ടെ​ങ്കി​ലും പ​രി​ശോ​ധ​ന​കി​റ്റി​ല്ലാ​ത്ത​തി​നാ​ൽ ഇ​തും നോ​ക്കു​കു​ത്തി. രോ​ഗ വ്യാ​പ​നം ത​ട​യാ​നു​ള്ള ര​ക്ത​പ​രി​ശോ​ധ​ന​യും കാ​ര്യ​ക്ഷ​മ​മ​ല്ല. അ​തേ​സ​മ​യം, സാ​മ്പ​ത്തി​ക ഞെ​രു​ക്ക​ത്തി​നി​ട​യി​ലും അ​രി​വാ​ൾ രോ​ഗി​ക​ൾ​ക്ക് ന​ൽ​കു​ന്ന ധ​ന​സ​ഹാ​യം ന​ൽ​കി​യി​ട്ടു​ണ്ടെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം.

ക്യാ​മ്പു​ക​ളു​ണ്ട്, പ​രി​ശോ​ധ​ന​യി​ല്ല

എ​ല്ലാ ബു​ധ​നാ​ഴ്ച​യും മൊ​ബൈ​ൽ മെ​ഡി​ക്ക​ൽ യൂ​നി​റ്റ് അ​രി​വാ​ൾ​രോ​ഗ ക്യാ​മ്പ് സം​ഘ​ടി​പ്പി​ക്കാ​റു​ണ്ടെ​ങ്കി​ലും പ​രി​ശോ​ധ​ന ന​ട​ത്താ​റി​ല്ല. നാ​ലു​മാ​സം​മു​മ്പ് അ​ട്ട​പ്പാ​ടി​യി​ൽ 591 പേ​രെ പ്രാ​ഥ​മി​ക​മാ​യി പ​രി​ശോ​ധി​ച്ച​പ്പോ​ൾ 106 പേ​ർ​ക്ക് രോ​ഗം സ്ഥി​രീ​ക​രി​ച്ചി​രു​ന്നു. എ​ന്നാ​ൽ, ഇ​വ​രു​ടെ തു​ട​ർ​പ​രി​ശോ​ധ​ന ന​ട​ത്തി​യി​ട്ടി​ല്ല. അ​ട്ട​പ്പാ​ടി​യി​ൽ 2013ലാ​ണ് അ​വ​സാ​ന​മാ​യി അ​രി​വാ​ൾ​രോ​ഗ സ്ഥി​രീ​ക​ര​ണ പ​രി​ശോ​ധ​ന ന​ട​ത്തി​യ​ത്. ഈ ​ക​ണ​ക്കു​പ്ര​കാ​രം 150 പേ​ർ​ക്ക് മാ​ത്ര​മാ​ണ് അ​രി​വാ​ൾ രോ​ഗ​മു​ള്ള​ത്. 2013ൽ ​അ​ട്ട​പ്പാ​ടി​യി​ൽ ആ​ദി​വാ​സി സ​മൂ​ഹ​ത്തി​ലു​ള്ള​വ​ർ​ക്ക് പ​രി​ശോ​ധ​ന മാ​ത്ര​മാ​ണ് ന​ട​ത്തി​യ​ത്. അ​തും പൂ​ർ​ണ​മ​ല്ല.

രോ​ഗി​ക​ളി​ൽ വ​ൻ​വ​ർ​ധ​ന

അ​ട്ട​പ്പ​ാടി​യി​ൽ ന​ട​ന്ന അ​രി​വാ​ൾ രോ​ഗ പ​രി​ശോ​ധ​ന​യി​ൽ രോ​ഗി​ക​ളു​ടെ എ​ണ്ണ​ത്തി​ൽ വ​ൻ വ​ർ​ധ​ന. നാ​ലി​ൽ ഒ​രാ​ൾ​ക്ക് രോ​ഗം സ്ഥി​രീ​ക​രി​ച്ചു. 171 പേ​​രെ പ​രി​ശോ​ധി​ച്ച​തി​ൽ 40 പേ​ർ​ക്ക് രോ​ഗം ക​ണ്ടെ​ത്തി. പ​ട്ടി​ക​വ​ർ​ഗ വി​ക​സ​ന വ​കു​പ്പും ആ​രോ​ഗ്യ വ​കു​പ്പും ത​മ്മി​ലു​ള്ള ഏ​കോ​പ​ന​മി​ല്ലാ​യ്മ​യാ​ണ് രോ​ഗി​ക​ളു​ടെ ദു​രി​ത​ത്തി​ന് കാ​ര​ണം.

എ​ന്താ​ണ് അ​രി​വാ​ൾ​രോ​ഗം?

അ​രി​വാ​ൾ​രോ​ഗം അ​ഥ​വാ സി​ക്കി​സെ​ൽ അ​നീ​മി​യ ഒ​രു ജ​നി​ത​ക രോ​ഗ​മാ​ണ്. ത​ല​മു​റ​ക​ളി​ൽ​നി​ന്നും ത​ല​മു​റ​ക​ളി​ലേ​ക്ക് പ​ട​രും. ജ​നി​ത​ക​കാ​ര​ണ​ങ്ങ​ളാ​ൽ ശ​രീ​ര​ത്തി​ലെ ചു​വ​ന്ന ര​ക്ത​കോ​ശ​ങ്ങ​ൾ​ക്കു​ണ്ടാ​കു​ന്ന അ​സാ​ധാ​ര​ണ രൂ​പ​മാ​റ്റ​ത്താ​ൽ സം​ഭ​വി​ക്കു​ന്ന രോ​ഗം. നാ​ലു​മാ​സം പ്രാ​യ​മു​ള്ള കു​ഞ്ഞു​ങ്ങ​ൾ മു​ത​ൽ മു​തി​ർ​ന്ന​വ​രി​ൽ​വ​രെ രോ​ഗ​മു​ണ്ടാ​കാം.

2047ഓ​ടെ നി​ർ​മാ​ർ​ജ​നം ചെ​യ്യു​മെ​ന്ന് കേ​ന്ദ്രം

അ​രി​വാ​ൾ രോ​ഗം 2047ഓ​ടെ രാ​ജ്യ​ത്തു​നി​ന്ന് നി​ർ​മാ​ർ​ജ​നം ചെ​യ്യു​മെ​ന്ന കേ​ന്ദ്ര ബ​ജ​റ്റി​ലെ പ്ര​ഖ്യാ​പ​നം രോ​ഗ​ബാ​ധി​ത​ർ​ക്കും അ​വ​രു​ടെ ക്ഷേ​മ​ത്തി​നാ​യി പ്ര​വ​ർ​ത്തി​ക്കു​ന്ന​വ​ർ​ക്കും ആ​ശ്വാ​സം പ​ക​രു​ന്ന​താ​ണ്. രോ​ഗ നി​ർ​ണ​യ​ത്തി​ന് ആ​ദി​വാ​സി മേ​ഖ​ല​ക​ളി​ലെ 40 വ​യ​സ്സു​വ​രെ പ്രാ​യ​മു​ള്ള ഏ​ഴു​കോ​ടി ആ​ളു​ക​ളെ പ​രി​ശോ​ധി​ക്കു​മെ​ന്നാ​ണ് ധ​ന​മ​ന്ത്രി നി​ർ​മ​ല സീ​താ​രാ​മ​ൻ ഇ​ക്ക​ഴി​ഞ്ഞ കേ​ന്ദ്ര ബ​ജ​റ്റി​ൽ വ്യ​ക്ത​മാ​ക്കി​യ​ത്. രോ​ഗ​നി​ർ​ണ​യ​ത്തി​ന് വ്യാ​പ​ക പ​രി​ശോ​ധ​ന ന​ട​ത്തു​ന്ന​തി​നൊ​പ്പം ബോ​ധ​വ​ത്ക​ര​ണ പ​രി​പാ​ടി​ക​ളും ന​ട​ത്തു​മെ​ന്ന് ധ​ന​മ​ന്ത്രി വ്യ​ക്ത​മാ​ക്കി.