സി​ദ്ധാ​ർ​ഥ​ന്‍റെ മ​ര​ണ​ത്തിലെ സി.ബി.ഐ അന്വേഷണം; തീരുമാനം മറ്റ്​ വഴികളില്ലാതെ

തി​രു​വ​ന​ന്ത​പു​രം: സി​ദ്ധാ​ർ​ഥ​ന്‍റെ മ​ര​ണ​ത്തി​ൽ അ​ന്വേ​ഷ​ണം സി.​ബി.​ഐ​ക്ക്​ വി​ടാ​നു​ള്ള സം​സ്ഥാ​ന സ​ർ​ക്കാ​ർ തീ​രു​മാ​നം തെ​ര​ഞ്ഞെ​ടു​പ്പ്​ മു​ന്നി​ൽ​ക​ണ്ട്. പ്ര​ശ്നം ഒ​തു​ക്കാ​ൻ പ്ര​തി​ക​ളാ​യ എ​സ്.​എ​ഫ്.​ഐ​ക്കാ​രെ കൈ​വി​ടു​ക​യ​ല്ലാ​തെ മ​റ്റ്​ വ​ഴി​ക​ളൊ​ന്നും സ​ർ​ക്കാ​റി​ന്​ മു​ന്നി​ലു​ണ്ടാ​യി​രു​ന്നി​ല്ല. കോ​ള​ജ്​ ഹോ​സ്റ്റ​ലി​ൽ​ കൊ​ടും​ക്രൂ​ര​ത​ക്കി​ര​യാ​യി മ​രി​ച്ച മ​ക​ന്​ നീ​തി തേ​ടി​യ പി​താ​വി​ന്‍റെ പോ​രാ​ട്ട​ത്തി​ന്​ ക​ക്ഷി​രാ​ഷ്ട്രീ​യ ഭേ​ദ​മി​ല്ലാ​ത്ത പി​ന്തു​ണ​യാ​ണ്​ ല​ഭി​ച്ച​ത്. പ്ര​തി​പ​ക്ഷം വി​ഷ​യം ഏ​റ്റെ​ടു​ക്കു​ക​യും​ ചെ​യ്ത​തോ​ടെ സ​ർ​ക്കാ​ർ മു​ൾ​മു​ന​യി​ലാ​യി.

ടി.​പി. ച​ന്ദ്ര​ശേ​ഖ​ര​ൻ കേ​സി​ൽ ര​ണ്ട്​ സി.​പി.​എം നേ​താ​ക്ക​ളെ ഹൈ​കോ​ട​തി ശി​ക്ഷി​ച്ച​ത്​ ചൂ​ണ്ടി​ക്കാ​ട്ടി അ​ക്ര​മ രാ​ഷ്ട്രീ​യം കോ​ൺ​ഗ്ര​സ്​ തെ​ര​ഞ്ഞെ​ടു​പ്പ്​ വി​ഷ​യ​മാ​ക്കു​​ക​യാ​ണ്. അ​തി​നൊ​പ്പം സി​ദ്ധാ​ർ​ഥ​ന്‍റെ മ​ര​ണം ഉ​യ​ർ​ത്തി കാ​മ്പ​സു​ക​ളി​ൽ എ​സ്.​എ​ഫ്.​ഐ ഭീ​ക​ര​വാ​ഴ്ച​യെ​ന്ന പ്ര​ചാ​ര​ണ​വും ചേ​രു​​മ്പോ​ൾ സി.​പി.​എ​മ്മി​ന്‍റെ​യും സ​ർ​ക്കാ​റി​ന്‍റെ​യും പ്ര​തി​രോ​ധം ദു​ർ​ബ​ല​മാ​ണ്. ഈ ​പ്ര​തി​സ​ന്ധി​യി​ൽ​നി​ന്ന്​ ക​ര​ക​യ​റാ​നാ​ണ്​ സി​ദ്ധാ​ർ​ഥ​ന്‍റെ മ​ര​ണ​ത്തി​ൽ ഇ​തു​വ​രെ ഒ​രു പ്ര​തി​ക​ര​ണ​വും ന​ട​ത്താ​തി​രു​ന്ന മു​ഖ്യ​മ​ന്ത്രി സി.​ബി.​ഐ അ​​ന്വേ​ഷ​ണ​മെ​ന്ന ആ​വ​ശ്യ​ത്തി​ന്​ വ​ഴ​ങ്ങാ​ൻ ത​യാ​റാ​യ​ത്.

വെ​ള്ളി​യാ​ഴ്ച ചേ​ർ​ന്ന സം​സ്ഥാ​ന സെ​ക്ര​ട്ടേ​റി​യ​റ്റ്​ യോ​ഗം ഇ​ക്കാ​ര്യ​ത്തി​ൽ ധാ​ര​ണ​യി​ലെ​ത്തി​യി​രു​ന്നു. തു​ട​ർ​ന്നാ​ണ്​ കു​ടും​ബ​ത്തി​ന്​ ശ​നി​യാ​ഴ്​​ച രാ​വി​ലെ മു​ഖ്യ​മ​ന്ത്രി​യു​മാ​യു​ള്ള കൂ​ടി​ക്കാ​ഴ്ച​ക്ക്​ അ​വ​സ​ര​മൊ​രു​ക്കി​യ​ത്. സി.​ബി.​ഐ​ക്ക്​ വി​ടാ​മെ​ന്ന്​ കു​ടും​ബ​ത്തി​ന്​ ഉ​റ​പ്പു​ന​ൽ​കി​യ മു​ഖ്യ​മ​ന്ത്രി, അ​വ​ർ വീ​ട്ടി​ൽ തി​രി​ച്ചെ​ത്തു​​​മ്പോ​ഴേ​ക്ക്​ ഉ​ത്ത​ര​വി​ൽ ഒ​പ്പു​വെ​ക്കു​ക​യും ചെ​യ്തു. പൊ​ലീ​സ്​ അ​ന്വേ​ഷ​ണ​ത്തി​ൽ അ​തൃ​പ്തി പ​ല​കു​റി പ​ര​സ്യ​മാ​യി പ​റ​ഞ്ഞ സി​ദ്ധാ​ർ​ഥ​ന്‍റെ പി​താ​വ്​ ജ​യ​പ്ര​കാ​ശ്​ സി.​ബി.​ഐ അ​ന്വേ​ഷ​ണ​ത്തി​നാ​യി നി​രാ​ഹാ​ര​മി​രി​ക്കു​മെ​ന്നും പ്ര​ഖ്യാ​പി​ച്ചി​രു​ന്നു.

സി.​ബി.​ഐ അ​ന്വേ​ഷ​ണം ആ​വ​ശ്യ​പ്പെ​ട്ട്​ സെ​ക്ര​ട്ടേ​റി​യ​റ്റി​ന്​ മു​ന്നി​ൽ നി​രാ​ഹാ​ര​മി​രു​ന്ന യൂ​ത്ത്​ കോ​ൺ​ഗ്ര​സ്​ പ്ര​സി​ഡ​ന്‍റ്​ രാ​ഹു​ൽ മാ​ങ്കൂ​ട്ട​ത്തി​ലി​ന്‍റെ നി​രാ​ഹാ​രം ആ​റാം​ദി​ന​ത്തി​ലേ​ക്ക്​ ക​ട​ന്ന​തോ​ടെ സ​മ​രം ശ​ക്ത​മാ​ക്കാ​നു​ള്ള ഒ​രു​ക്ക​ത്തി​ലാ​യി​രു​ന്നു പ്ര​തി​പ​ക്ഷം. മാ​ത്ര​മ​ല്ല, കു​ടും​ബം കോ​ട​തി​യെ സ​മീ​പി​ച്ചാ​ൽ സി.​ബി.​ഐ അ​ന്വേ​ഷ​ണ​ത്തി​നു​ള്ള ഉ​ത്ത​ര​വ്​ ല​ഭി​ക്കാ​നു​ള്ള സാ​ധ്യ​ത സം​ബ​ന്ധി​ച്ച മു​ന്ന​റി​യി​പ്പും സി.​പി.​എ​മ്മി​ന്​ ല​ഭി​ച്ചു. കേ​സി​ൽ നി​ല​വി​ൽ​ പ്ര​തി​ചേ​ർ​ക്ക​പ്പെ​ട്ട​ത്​ എ​സ്.​എ​ഫ്.​ഐ​ക്കാ​ർ ഉ​ൾ​പ്പെ​ടെ 20 വി​ദ്യാ​ർ​ഥി​ക​ളാ​ണ്.