സിദ്ധാർഥന്‍റെ മരണം: പ്രത്യേക അന്വേഷണത്തിനുള്ള ഗവർണറുടെ തീരുമാനം നാളെ ഉണ്ടായേക്കും

തിരുവനന്തപുരം: വെറ്ററിനറി സർവകലാശാല വിദ്യാർഥി സിദ്ധാർഥന്‍റെ മരണത്തിൽ പ്രത്യേക അന്വേഷണത്തിനുള്ള ഗവർണറുടെ തീരുമാനം വ്യാഴാഴ്ച ഉണ്ടായേക്കും. വിരമിച്ച ഹൈകോടതി ജഡ്ജിയെ അന്വേഷണത്തിന്​ ചുമതലപ്പെടുത്താനാണ്​ നീക്കം. പൊലീസ്​ ഉദ്യോഗസ്ഥനെ കൂടി ​അന്വേഷണത്തിൽ ഉൾ​പ്പെടുത്തും.

ജുഡീഷ്യൽ അന്വേഷണ കമീഷനെ നിയോഗിക്കുന്നതിന്‍റെ ഭാഗമായി ഗവർണർ ഹൈകോടതി ചീഫ്​ ജസ്റ്റിസിന്​ കത്തയച്ചിരുന്നു. വിരമിച്ച ജഡ്ജിമാരുടെ വിശദാംശങ്ങളും തേടി. ഇവയടക്കം പരിശോധിച്ചശേഷമാവും രാജ്​ഭവൻ തീരുമാനം. വിദ്യാർഥിയുടെ മരണത്തിനിടയാക്കിയ സാഹചര്യം അന്വേഷിക്കുന്നതിനു പുറമേ, കാമ്പസുകളിൽ ഭാവിയിൽ ഇത്തരം സംഭവങ്ങൾ ഉണ്ടാകാതിരിക്കാനുള്ള ശിപാർശകളും അന്വേഷണ ഭാഗമാക്കാനാണ്​ ഉദ്ദേശിക്കുന്നത്​. സിദ്ധാർഥന്‍റെ മരണത്തിൽ സി.ബി.ഐ അന്വേഷണം പ്രഖ്യാപി​ച്ചെങ്കിലും ജുഡീഷ്യൽ അന്വേഷണം അനിവാര്യമാണെന്ന നിലപാടിലാണ്​ ഗവർണർ