സിൽവർ ലൈൻ: റെയിൽവേയുടെ അഭിഭാഷകന്റെ വാദം ശുദ്ധ അസംബന്ധമെന്ന് കെ. സുധാകരൻ
text_fieldsകൊച്ചി: സിൽവർ ലൈനിന് കേന്ദ്രസർക്കാറിന്റെ അനുമതിയുണ്ടെന്ന് ഹൈകോടതിയിൽ വാദിച്ച റെയിൽവേയുടെ അഭിഭാഷകനെതിരെ കേസ് കൊടുക്കുമെന്ന് കെ.പി.സി.സി പ്രസിഡൻറ് കെ. സുധാകരൻ. ശുദ്ധ അസംബന്ധമാണ് അദ്ദേഹം കോടതിയിൽ പറഞ്ഞത്. ബി.ജെ.പിയുമായുള്ള സംസ്ഥാന സർക്കാറിന്റെ ഒത്തുതീർപ്പിന്റെ ഭാഗമായാണ് ഈ വാദമെന്ന് സുധാകരൻ പറഞ്ഞു.
കെ-റെയിലിന്റെ പാരിസ്ഥിതിക ആഘാതം ജനങ്ങളെ ബോധ്യപ്പെടുത്താൻ പ്രശസ്ത ശാസ്ത്രജ്ഞരെ കോൺഗ്രസ് രംഗത്തിറക്കും. കെ-റെയിലിനെതിരായ നിയമപോരാട്ടത്തിന് പാർട്ടി പിന്തുണ നൽകും. ഉമ്മൻ ചാണ്ടി സർക്കാർ പദ്ധതി വേണ്ടെന്നുവെച്ചത് അതിനെക്കുറിച്ച് പഠിച്ചശേഷമാണ്. പല്ലുപറിക്കുമെന്ന ജയരാജന്റെ പ്രസ്താവനക്ക് മറുപടി പറയുന്നില്ല. അത് യൂത്ത് കോൺഗ്രസ് പ്രവർത്തകർ പറഞ്ഞാൽ മതിയാകുമെന്നും സുധാകരൻ പ്രതികരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.