സിൽവർ ലൈൻ സർവേ: ഹരജി 15ന് പരിഗണിക്കും

കൊച്ചി: സിൽവർ ലൈൻ പദ്ധതി സർവേയുടെ ഭാഗമായി കെ-റെയിൽ എന്നെഴുതിയ കുറ്റികൾ സ്ഥാപിക്കുന്നതിനെതിരായ ഹരജികൾ ഹൈകോടതി ജൂലൈ 15ലേക്ക് മാറ്റി. കോട്ടയം സ്വദേശി മുരളീകൃഷ്ണൻ ഉൾപ്പെടെയുള്ളവരുടെ ഹരജികളിൽ കേന്ദ്രസർക്കാർ വിശദീകരണത്തിന് കൂടുതൽ സമയം തേടിയതോടെ ജസ്റ്റിസ് ദേവൻ രാമചന്ദ്രന്റെ ബെഞ്ചാണ് ഹരജികൾ മാറ്റിയത്.

സിൽവർലൈൻ പദ്ധതി നടപ്പാക്കുന്ന കെ-റെയിൽ കമ്പനി കേന്ദ്ര-സംസ്ഥാന സർക്കാറുകളുടെ സംയുക്ത സംരംഭമായിരിക്കെ കേന്ദ്രസർക്കാറിന്റെ അനുമതിയില്ലാതെ എങ്ങനെയാണ് സർവേ നടത്തുന്നതെന്നാണ് ഹൈകോടതിയുടെ ചോദ്യം. ഇതിന് വിശദീകരണം നൽകാനാണ് കേന്ദ്ര സർക്കാർ സമയം തേടിയത്.