സിൽവർ ലൈൻ: സ്ഥലമേറ്റെടുക്കാൻ കേന്ദ്ര വിജ്ഞാപനത്തിന്‍റെ ആവശ്യമില്ലെന്ന്​ റെയിൽവേ മന്ത്രാലയം

കൊ​ച്ചി: സി​ൽ​വ​ർ ലൈ​ൻ പ​ദ്ധ​തി​യു​ടെ (വേഗ റെയിൽ) സ്ഥ​ല​മേ​റ്റെ​ടു​ക്ക​ൽ ​ന​ട​പ​ടി​ക​ളെ ഹൈ​കോ​ട​തി​യി​ൽ പി​ന്തു​ണ​ച്ച്​ കേ​ന്ദ്ര​സ​ർ​ക്കാ​ർ. ഇ​ത് പ്ര​ത്യേ​ക റെ​യി​ൽ​വേ പ​ദ്ധ​തി​യാ​യി വി​ജ്ഞാ​പ​നം ചെ​യ്​​തി​ട്ടി​ല്ലാ​ത്ത​തി​നാ​ൽ സ്ഥ​ല​മേ​റ്റെ​ടു​ക്കാ​ൻ കേ​ന്ദ്ര വി​ജ്ഞാ​പ​ന​ത്തി​ന്‍റെ ആ​വ​ശ്യ​മി​ല്ലെ​ന്ന സം​സ്ഥാ​ന സ​ർ​ക്കാ​ർ നി​ല​പാ​ടി​നെ പി​ന്തു​ണ​ക്കു​ന്ന ന​ട​പ​ടി​യാ​ണ്​ റെ​യി​ൽ​വേ മ​ന്ത്രാ​ല​യ​ത്തി​ൽ​നി​ന്നു​ണ്ടാ​യ​ത്. ​കെ-​റെ​യി​ലും സ​മാ​ന​വാ​ദ​മാ​ണ്​ ഉ​ന്ന​യി​ച്ച​ത്.

കേ​ന്ദ്ര വി​ജ്ഞാ​പ​ന​മി​ല്ലാ​തെ ഭൂ​മി​യേ​റ്റെ​ടു​ക്ക​ൽ സാ​ധ്യ​മ​ല്ലെ​ന്ന​ട​ക്കം ചൂ​ണ്ടി​ക്കാ​ട്ടി കോ​ട്ട​യം സ്വ​ദേ​ശി​ക​ൾ ന​ൽ​കി​യ ഹ​ര​ജി​ക​ളി​ലാ​ണ്​ കേ​ന്ദ്ര, സം​സ്ഥാ​ന സ​ർ​ക്കാ​റു​ക​ളും കെ-​റെ​യി​ലും ഒ​രേ നി​ല​പാ​ടെ​ടു​ത്ത​ത്. ഹ​ര​ജി​ക​ൾ ജ​സ്റ്റി​സ്​ എ​ൻ. ന​ഗ​രേ​ഷ്​ വി​ധി പ​റ​യാ​ൻ മാ​റ്റി.

പ​ദ്ധ​തി​ക്ക്​ കേ​ന്ദ്ര​സ​ർ​ക്കാ​റി​ന്‍റെ വി​ജ്ഞാ​പ​നം ആ​വ​ശ്യ​മി​ല്ലെ​ന്ന്​ സം​സ്ഥാ​ന സ​ർ​ക്കാ​റി​നു​വേ​ണ്ടി അ​ഡ്വ​ക്ക​റ്റ്​ ജ​ന​റ​ൽ വ്യ​ക്ത​മാ​ക്കി. സം​സ്ഥാ​ന സ​ർ​ക്കാ​റി​ന്‍റെ പ​ദ്ധ​തി പ്ര​ത്യേ​ക ക​മ്പ​നി​യാ​യ കെ-​റെ​യി​ൽ മു​ഖേ​ന​യാ​ണ്​ ന​ട​പ്പാ​ക്കു​ന്ന​ത്. ക​മ്പ​നി​യി​ൽ 51 ശ​ത​മാ​നം പ​ങ്കാ​ളി​ത്തം സം​സ്ഥാ​ന സ​ർ​ക്കാ​റി​നും 49 ശ​ത​മാ​നം റെ​യി​ൽ​വേ​ക്കു​മാ​ണ്​. പ​ദ്ധ​തി​ക്ക്​ റെ​യി​ൽ​വേ ബോ​ർ​ഡ് നേ​ര​ത്തേ​ത​ന്നെ ത​ത്ത്വ​ത്തി​ൽ അം​ഗീ​കാ​രം ന​ൽ​കി​യ​താ​ണ്.

പ്ര​ത്യേ​ക റെ​യി​ൽ പ​ദ്ധ​തി അ​ല്ലാ​ത്ത​തി​നാ​ൽ സ്ഥ​ലം ഏ​റ്റെ​ടു​ക്കാ​ൻ കേ​ന്ദ്ര വി​ജ്ഞാ​പ​നം വേ​ണ്ടെ​ന്നും എ.​ജി ചൂ​ണ്ടി​ക്കാ​ട്ടി. ഈ ​വാ​ദം അം​ഗീ​ക​രി​ക്കു​ന്ന​താ​യി റെ​യി​ൽ​വേ മ​ന്ത്രാ​ല​യ​ത്തി​ന്‍റെ അ​ഭി​ഭാ​ഷ​ക​നും അ​റി​യി​ച്ചു. പ്ര​ത്യേ​ക റെ​യി​ൽ​വേ പ​ദ്ധ​തി​യാ​യി വി​ജ്ഞാ​പ​നം ചെ​യ്താ​ൽ മാ​ത്ര​മേ റെ​യി​ൽ​വേ നി​യ​മം ബാ​ധ​ക​മാ​കൂ​വെ​ന്നും സ്ഥ​ല​മെ​ടു​പ്പി​ന്​ കേ​ന്ദ്ര വി​ജ്ഞാ​പ​നം വേ​ണ്ട​ത്​ അ​പ്പോ​ൾ മാ​ത്ര​മാ​ണെ​ന്നും കെ​-​റെ​യി​ലി​ന്‍റെ അ​ഭി​ഭാ​ഷ​ക​ൻ വാ​ദി​ച്ചു.

റെ​യി​ൽ​വേ​യു​ടെ പ​ദ്ധ​തി​ക​ൾ​ക്കു​ം സം​സ്ഥാ​നമാണ്​ ഭൂ​മി ഏ​റ്റെ​ടു​ത്തു​ന​ൽ​കു​ന്ന​ത്. സി​ൽ​വ​ർ ലൈ​ൻ പ​ദ്ധ​തി​ക്ക്​ റെ​യി​ൽ​വേ ബോ​ർ​ഡ് ത​ത്ത്വ​ത്തി​ൽ അം​ഗീ​കാ​രം ന​ൽ​കി​യ​തി​നാ​ൽ ഭൂ​മി​യേ​റ്റെ​ടു​ക്ക​ൽ ഉ​ൾ​പ്പെ​ടെ ന​ട​ത്തേ​ണ്ട​ത്​ സം​സ്ഥാ​ന സ​ർ​ക്കാ​റാ​ണ്. പ​ദ്ധ​തി​ക്ക്​ അ​ന്തി​മാ​നു​മ​തി ന​ൽ​കി​യി​ട്ടി​ല്ലെ​ന്നും കെ-​റെ​യി​ൽ അ​റി​യി​ച്ചു.