സി​ൽ​വ​ർ ലൈ​ൻ: 806 സസ്യവർഗങ്ങളെ കുടിയൊഴിക്കേണ്ടിവരും

തി​രു​വ​ന​ന്ത​പു​രം: സി​ൽ​വ​ർ ലൈ​നി​ന്‍റെ ഭാ​ഗ​മാ​യി 'കു​ടി​യൊ​ഴി​പ്പി'​ക്കേ​ണ്ടി​വ​രു​ന്ന​ത് 806 സ​സ്യ​വ​ർ​ഗ​ങ്ങ​ളെ​യെ​ന്ന്​ വി​ശ​ദ പ​ദ്ധ​തി​രേ​ഖ. കൃ​ഷ്ണ​പ്പൂ​വ്​ മു​ത​ൽ അ​മൂ​ല്യ ഔ​ഷ​ധ​ഗു​ണ​മു​ള്ള ക​ട​ലാ​ടി​വ​രെ പി​ഴു​തെ​റി​യേ​ണ്ടി​വ​രും. അ​ലൈ​ൻ​മെൻറി​ൽ വ​ന​മേ​ഖ​ല​ ഉ​ൾ​പ്പെ​ടു​ന്നി​ല്ലെ​ങ്കി​ലും 18 മു​ത​ൽ 25 മീ​റ്റ​ർ വ​രെ വീ​തി​യി​ൽ മ​ര​ങ്ങ​ൾ മു​റി​ക്കു​ന്ന​തും കു​റ്റി​ക്കാ​ടു​ക​ൾ വെട്ടുന്ന​തും ഭൂ​മി​യു​ടെ സ​ന്തു​ലി​താ​വ​സ്ഥ​യെ ബാ​ധി​ക്കും. അ​തി​നാ​ൽ ജ​ന​ങ്ങ​ൾ​ക്ക് കൃ​ത്യ​മാ​യ വി​വ​രം ന​ൽ​കി പി​ന്തു​ണ ഉ​റ​പ്പാ​ക്കി പ​ദ്ധ​തി ന​ട​പ്പാ​ക്ക​ണ​മെ​ന്നും ഡി.​പി.​ആ​ർ നി​ർ​ദേ​ശി​ക്കു​ന്നു.

സി​ൽ​വ​ർ ലൈ​ൻ ക​ട​ന്നു​പോ​കു​ന്ന ഭാ​ഗ​ങ്ങ​ളി​ൽ​നി​ന്ന് വെ​ട്ടി​മാ​റ്റു​ന്ന​വ​യി​ൽ 58 ശ​ത​മാ​ന​വും ഔ​ഷ​ധ​സ​സ്യ​ങ്ങ​ളാ​ണ്. ഏ​ഴെ​ണ്ണം വം​ശ​നാ​ശ ഭീ​ഷ​ണി​നേ​രി​ടു​ന്ന​വ​യാ​ണ്. മാ​ടാ​യി​പാ​റ, ഫ​റോ​ക്ക്, എ​ട​പ്പാ​ൾ ഭാ​ഗ​ങ്ങ​ളി​ലാ​ണ് ഇ​ത്ത​രം സ​സ്യ​ങ്ങ​ളുള്ള​ത്.

സ​സ്യ​ജാ​ല​ക​ങ്ങ​ളി​ൽ ഭൂ​രി​ഭാ​ഗ​വും പ​ച്ച​മ​രു​ന്നാ​ണ്- 466. 247 ഇ​നം ഔ​ഷ​ധ സ​സ്യ​ങ്ങ​ൾ ച​തു​പ്പു​ക​ൾ, നെ​ൽ​വ​യ​ലു​ക​ൾ, കു​ള​ങ്ങ​ൾ എ​ന്നി​വി​ട​ങ്ങ​ളി​ൽ വ​ള​രു​ന്ന​വ​യാ​ണ്. മ​ര​ങ്ങ​ൾ, ഔ​ഷ​ധ​സ​സ്യ​ങ്ങ​ൾ, കു​റ്റി​ച്ചെ​ടി​ക​ൾ എ​ന്നി​വ വെ​ട്ടി​മാ​റ്റു​ന്ന​ത് സ​സ്യ​ങ്ങ​ളു​ടെ ആ​വ​ര​ണ​ത്തെ​യും പ്രാ​ദേ​ശി​ക ഭൂ​പ്ര​കൃ​തി​യെ​യും പ്ര​തി​കൂ​ല​മാ​യി ബാ​ധി​ക്കു​മെ​ന്നും ഡി.​പി.​ആ​റി​ൽ വ്യ​ക്ത​മാ​ക്കു​ന്നു. കേ​ര​ള​ത്തി​ൽ മാ​ത്രം കാ​ണ​പ്പെ​ടു​ന്ന സ​സ്യ​വ​ർ​ഗ​ത്തി​ൽ​പ്പെ​ട്ട 10 ഇ​നം ചെ​ടി​ക​ളും തെ​ക്ക​ൻ​പ​ശ്ചി​മ​ഘ​ട്ട​ത്തി​ൽ മാ​ത്രം കാ​ണ​പ്പെ​ടു​ന്ന 14 ഇ​നം സ​സ്യ​ല​താ​ദി​ക​ളും നി​ർ​മാ​ണ​പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി ന​ഷ്ട​പ്പെ​ടും. നി​ർ​ദി​ഷ്ട റെ​യി​ൽ ഇ​ട​നാ​ഴി ക​ട​ന്നു​പോ​കു​ന്ന​തി​ൽ ഭൂ​രി​ഭാ​ഗ​വും കൃ​ഷി ചെ​യ്യു​ന്ന​തും ഉ​പേ​ക്ഷി​ക്ക​പ്പെ​ട്ട​തു​മാ​യ നെ​ൽ​വ​യ​ൽ പ്ര​ദേ​ശ​ങ്ങ​ളി​ലൂ​ടെ​യാ​ണ്.

ഇ​ത്​ പ്ര​ദേ​ശ​വാ​സി​ക​ളു​ടെ കു​ടി​വെ​ള്ള​ത്തെ​യും സ​സ്യ​ജ​ന്തു​ജാ​ല​ങ്ങ​ളു​ടെ നി​ല​നി​ൽ​പ്പി​നെ​യും ബാ​ധി​ക്കും. ഇ​തി​നു പു​റ​മെ, നി​ര​വ​ധി തെ​ങ്ങി​ൻ തോ​ട്ട​ങ്ങ​ളും പ്ലാ​വ്, മാ​വ്, ആ​ഞ്ഞി​ലി, തേ​ക്ക്, റ​ബ​ർ, ആ​ൽ, വേ​പ്പ് തു​ട​ങ്ങി​യ​വ​യും പ​ദ്ധ​തി​ക്കാ​യി ന​ശി​പ്പി​ക്കേ​ണ്ടി​വ​രും.