അ​ഭ​യ​ കേ​സ്: ഫാ​. ജോ​സ് പു​തൃ​ക്ക​യി​ലിനെ പ്രതിപ്പട്ടികയിൽ നിന്നൊഴിവാക്കി

തി​രു​വ​ന​ന്ത​പു​രം: കോളിളക്കം സൃഷ്ടിച്ച സി​സ്​​റ്റ​ർ അ​ഭ​യ​ കേസി​ലെ രണ്ടാം പ്രതി ഫാ​ദ​ർ ജോ​സ് പു​തൃ​ക്ക​യി​ലിനെ പ്രതിപ്പട്ടികയിൽ നിന്ന് കോടതി ഒഴിവാക്കി. ഇതുസംബന്ധിച്ച ജോ​സ് പു​തൃ​ക്ക​യി​ലിന്‍റെ വിടുതൽ ഹരജി തി​രു​വ​ന​ന്ത​പു​രം സി.​ബി.​ഐ കോ​ട​തി​ അംഗീകരിച്ചു. അഭയ കൊല്ലപ്പെട്ട ദിവസം ജോ​സ് പു​തൃ​ക്ക​യി​ൽ കോട്ടയം പയസ് ടെന്‍റ് കോൺവെന്‍റിൽ വന്നതിന് തെളിവില്ലെന്ന് ചൂണ്ടിക്കാട്ടിയാണ് കോടതി നടപടി. 

അതേസമയം, കേസിലെ ഒന്നാം പ്രതി ഫാ​ദ​ർ തോ​മ​സ് എം. ​കോ​ട്ടൂ​ർ, മൂന്നാം പ്രതി സി​സ്​​റ്റ​ർ സെ​ഫി എന്നിവർക്കെതിരായ വിചാരണ തുടരാമെന്നും സി.​ബി.​ഐ കോ​ട​തി​ ഉത്തരവിട്ടു. ഇരുവരും സമർപ്പിച്ച വിടുതൽ ഹരജികൾ കോടതി തള്ളി. 

ത​ങ്ങ​ൾ​ക്കെ​തി​രാ​യ കേ​സ് സി.​ബി.​ഐ കെ​ട്ടി​ച്ച​മ​ച്ച​താ​ണെ​ന്നും സാ​ക്ഷി​ക​ളു​ടെ മൊ​ഴി സി.​ബി.​ഐ ഭീ​ഷ​ണി​പ്പെ​ടു​ത്തി എ​ഴു​തി ത​യാ​റാ​ക്കി​യ​താ​ണെ​ന്നു​മാ​ണ് പ്ര​തി​ക​ളു​ടെ വാ​ദം. എ​ന്നാ​ൽ, രാ​ത്രി​കാ​ല​ങ്ങ​ളി​ൽ ഇ​രു​വി​കാ​രി​മാ​രും കോ​ൺ​വ​​​െൻറി​ലെ മ​തി​ൽ ചാ​ടി​ക്ക​ട​ന്ന് സി​സ്​​റ്റ​ർ സെ​ഫി​യെ കാ​ണാ​ൻ എ​ത്തി​യി​രു​ന്ന​താ​യി സാ​ക്ഷി മൊ​ഴി​ക​ളു​ണ്ടെ​ന്നും സെ​ഫി​യും വി​കാ​രി​മാ​രു​മാ​യു​ള്ള അ​വി​ഹി​ത ബ​ന്ധം സി​സ്​​റ്റ​ർ അ​ഭ​യ കാ​ണാ​ൻ ഇ​ട​യാ​യ​താ​ണ് കൊ​ല​പാ​ത​ക​ത്തി​ന് പി​ന്നി​ലെ​ന്നു​മാ​ണ് സി.​ബി.​ഐ വാ​ദം.

1992 മാ​ർ​ച്ച് 27നാ​ണ് കോ​ട്ട​യം പ​യ​സ് ടെ​ൻ​ത് കോ​ൺ​വെന്‍റി​ലെ കി​ണ​റ്റി​ൽ ദു​രൂ​ഹ സാ​ഹ​ച​ര്യ​ത്തി​ൽ സി​സ്​​റ്റ​ർ അ​ഭ​യ​യെ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. ലോ​ക്ക​ൽ പൊ​ലീ​സ് 17 ദി​വ​സ​വും ക്രൈം​ബ്രാ​ഞ്ച് ഒ​മ്പ​ത് മാ​സ​വും അ​ന്വേ​ഷി​ച്ച് അ​ഭ​യ ആ​ത്മ​ഹ​ത്യ ചെ​യ്ത​താ​ണെ​ന്ന് റി​പ്പോ​ർ​ട്ട് ന​ൽ​കി. 

എ​ന്നാ​ൽ,​ സം​സ്ഥാ​ന സ​ർ​ക്കാ​റി​​ന്‍റെ ശി​പാ​ർ​ശ​ പ്ര​കാ​രം 1993 മാ​ർ​ച്ച് 29ന് ​കേ​സ് സി.​ബി.​ഐ ഏ​റ്റെ​ടു​ത്തു. മൂ​ന്നു​ത​വ​ണ അ​ന്വേ​ഷ​ണം അ​വ​സാ​നി​പ്പി​ക്കാ​ൻ സി.​ബി.​ഐ,​ കോ​ട​തി​യു​ടെ അ​നു​മ​തി തേ​ടി​യി​രു​ന്നു. എ​ന്നാ​ൽ, മൂ​ന്നു പ്രാ​വ​ശ്യ​വും റി​പ്പോ​ർ​ട്ട് ത​ള്ളി​യ കോ​ട​തി കേ​സി​ൽ തു​ട​ര​ന്വേ​ഷ​ണം ന​ട​ത്താ​ൻ സി.​ബി.​ഐ​യോ​ട് നി​ർ​ദേ​ശി​ക്കു​ക​യാ​യി​രു​ന്നു.