ഉത്തരക്കടലാസുകൾ കടത്തിയതായി ശിവരഞ്​ജിത്ത്​ സമ്മതിച്ചു

തിരുവനന്തപുരം: സര്‍വകലാശാല പരീക്ഷയുടെ ഉത്തരക്കടലാസുകള്‍ കോളജില്‍നിന്ന് കടത്തിയതായി യൂനിവേഴ്​സിറ്റി കോളജ ിലെ വധശ്രമക്കേസിലെ മുഖ്യപ്രതി ശിവരഞ്ജിത് പൊലീസിനോട് സമ്മതിച്ചു. ഉത്തരക്കടലാസുകള്‍ കോളജിലെത്തിച്ച് ഇറക്കി​െ വച്ചപ്പോഴാണ് കടത്തിക്കൊണ്ടുപോയത്. ആ സ്ഥലവും പൊലീസിന്​ ശിവരഞ്​ജിത്ത്​ കാട്ടിക്കൊടുത്തു. കോപ്പിയടിക്കുകയായ ിരുന്നു ലക്ഷ്യമെന്നും മൊഴിയിൽ പറയുന്നു.

ഉത്തരക്കടലാസ് കടത്തിയ കേസില്‍ രണ്ടുദിവസത്തെ പൊലീസ്​ കസ്​റ്റഡിയിൽ വിട്ട ശിവരഞ്​ജിത്ത്​ ചോദ്യം ചെയ്യലിലാണ്​ ഇക്കാര്യം സമ്മതിച്ചത്​. ശനിയാഴ്​ച തെളിവെടുപ്പിന്​ ശിവരഞ്ജിത്തിനെ യൂനിവേഴ്​സിറ്റി കോളജിൽ എത്തിച്ചിരുന്നു. അപ്പോഴാണ് താന്‍ കുറ്റം ചെയ്തതായി ശിവരഞ്ജിത്ത്​ പൊലീസിനോട് സമ്മതിച്ചത്. ഉത്തരക്കടലാസുകള്‍ എവിടെനിന്നാണ് എടുത്തതെന്നും പൊലീസുകാര്‍ക്ക് കാട്ടിക്കൊടുത്തു. ശിവരഞ്ജിത്ത്​ പരീക്ഷയെഴുതിയ ഉത്തരക്കടലാസുകള്‍ ലഭിക്കാന്‍ പൊലീസ് തിങ്കളാഴ്ച കേരള യൂനിവേഴ്സിറ്റി അധികൃതര്‍ക്ക് കത്ത് നല്‍കും. ഉത്തരക്കടലാസുകൾ ​ൈകയെഴുത്ത് പരിശോധനക്കായി ഫോറൻസിക് ലാബിലേക്കയക്കുമെന്നും പൊലീസ് പറഞ്ഞു.
യൂനിവേഴ്സിറ്റി കോളജിലെ അക്രമസംഭവങ്ങളുമായി ബന്ധപ്പെട്ട് പൊലീസ് ശിവരഞ്ജിത്തി‍​െൻറ വീട്ടില്‍ നടത്തിയ പരിശോധനയില്‍ 16 കെട്ട് ഉത്തരക്കടലാസുകള്‍ കണ്ടെത്തിയിരുന്നു. ഇത് സർവകലാശാലയില്‍നിന്ന് യൂനിവേഴ്സിറ്റി കോളജിന് നൽകിയതാണെന്ന് പരീക്ഷ കൺട്രോളർ സാക്ഷ്യപ്പെടുത്തുകയും ചെയ്​തു. ഇതോടെയാണ് സർവകലാശാല പരീക്ഷയില്‍ വന്‍ ക്രമക്കേട് നടന്നെന്ന വിവരം പുറത്തുവന്നത്.

ഉത്തരക്കടലാസ്​ കടത്തിയ സംഭവത്തിൽ അന്വേഷണം ആവശ്യപ്പെട്ട്​ കേരള സർവകലാശാല പൊലീസിന്​ കത്ത്​ നൽകിയിരുന്നു. എന്നാൽ, ഇൗ വിഷയം ക്രൈംബ്രാഞ്ച്​ അന്വേഷിക്കുമെന്ന്​ ഡി.ജി.പി ലോക്​നാഥ്​ ബെഹ്​റ മാധ്യമപ്രവർത്തകരോട്​ പറഞ്ഞിരുന്നെങ്കിലും അത്​ നടപ്പായില്ല. ഇപ്പോൾ ക​േൻറാൺമ​െൻറ്​ സി.​െഎയുടെ നേതൃത്വത്തിലാണ്​ അന്വേഷണം നടത്തുന്നത്​. ഇയാളെ ഇന്ന്​ വീണ്ടും കോടതിയിൽ ഹാജരാക്കും. ശിവരഞ്​ജിത്ത്​ ഉൾപ്പെടെ ആറ്​ പ്രതികൾ യൂനിവേഴ്​സിറ്റി കോളജ്​ കത്തിക്കുത്ത്​ കേസിൽ ഇൗ മാസം 29 വരെ റിമാൻഡിലാണ്​.