നരഭോജി കടുവക്കായി ആറാം ദിവസവും തിരച്ചിൽ

സുൽത്താൻ ബത്തേരി: വയനാട്ടിൽ പുല്ലരിയാൻ പോയ യുവാവിനെ കൊന്നുതിന്ന കടുവക്കായി ആറാം ദിവസവും തിരച്ചിൽ. മൂന്നിടത്ത് കൂട് സ്ഥാപിച്ചിട്ടുണ്ട്. ഇതിന് പരിസരത്തുകൂടെ പോയ കടുവ പക്ഷേ കൂട്ടിൽ കയറിയില്ല.

സാഹചര്യങ്ങൾ അനുകൂലമായാൽ മയക്കുവെടി വെക്കാനാണ് തീരുമാനം. ഇതിനുള്ള സംഘം സജ്ജമാണ്. ഇവർക്കൊപ്പം കുങ്കിയാനകളുമുണ്ട്.

കടുവയെ ഇന്നലെയാണ് വനം വകുപ്പ് തിരിച്ചറിഞ്ഞത്. വനംവകുപ്പിന്റെ ഡാറ്റ ബേസിൽ ഉൾപ്പെട്ട 13 വയസ്സ് പ്രായമുള്ള WWL 45 എന്ന ആൺ കടുവയാണിത്. ബത്തേരി വാകേരിയിൽ കൂടല്ലൂർ മൂടക്കൊല്ലി സ്വദേശി മരോട്ടിതറപ്പിൽ പ്രജീഷാണ് കൊല്ലപ്പെട്ടത്. പുല്ലരിയാൻ പോയ പ്രജീഷിനെ കാണാതായതോടെ വീട്ടുകാർ അന്വേഷിച്ചപ്പോഴാണ് വയലിൽ പാതിതിന്ന നിലയിൽ മൃതദേഹം കണ്ടെത്തിയത്.

പ്ര​ദേ​ശ​ത്തെ പ​ല മേ​ഖ​ല​ക​ളി​ലും ക​ടു​വ​യെ ക​ഴി​ഞ്ഞ ദി​വ​സ​ങ്ങ​ളി​ൽ ക​ണ്ടു​വെ​ന്ന തെ​ളി​വു​ണ്ടെ​ങ്കി​ലും തി​ര​ച്ചി​ൽ ഫ​ല​പ്ര​ദ​മാ​കു​ന്നി​ല്ല. ഇന്നലെ വ​നം​വ​കു​പ്പ് 36 ക്യാമറകളുമായി 80 പേ​ര​ട​ങ്ങു​ന്ന പ്ര​ത്യേ​ക സം​ഘ​ങ്ങ​ളാ​യാണ് തി​ര​ച്ചി​ൽ ന​ട​ത്തിയത്. ദൗ​ത്യ​സം​ഘം വെ​ടി വെ​ക്കാ​ൻ പ​ഴു​ത് തേ​ടി ചി​ല ശ്ര​മ​ങ്ങ​ൾ ന​ട​ത്തി​യെ​ങ്കി​ലും വി​ജ​യി​ച്ചി​ല്ല.