തട്ടിക്കൊണ്ടുപോകൽ പ്രതികളുടെ രേഖാചിത്രം: അഭി​മാനത്തോടെ ഷജിത്തും സ്മിതയും

കൊ​ല്ലം: ഓ​യൂ​രി​ലെ ആ​റ്​ വ​യ​സ്സു​കാ​രി​യെ ത​ട്ടി​​ക്കൊ​ണ്ടു​പോ​യ കേ​സി​ൽ പ്ര​തി​ക​ൾ പി​ടി​യി​ലാ​കു​മ്പോ​ൾ അ​ഭി​മാ​ന​ത്തോ​ടെ കൊ​ല്ലം അ​ഞ്ചാ​ലും​മൂ​ട്​ നീ​രാ​വി​ൽ ​കൊ​ച്ചു​പ​റ​മ്പി​ൽ ദ​മ്പ​തി​ക​ളാ​യ ഷ​ജി​ത്തും സ്മി​ത എം. ​ബാ​ബു​വും. കേ​സി​ൽ പ്ര​തി​ക​ളു​ടെ രേ​ഖാ​ചി​ത്ര​ങ്ങ​ൾ വ​ര​ച്ച​ത്​ ഇ​രു​വ​രു​മാ​ണ്. കൊ​ല്ലം എ.​സി.​പി എ. ​പ്ര​ദീ​പ്​ കു​മാ​ർ വി​ളി​ച്ചാ​ണ്​ ഇ​രു​വ​രും ദൗ​ത്യം ഏ​റ്റെ​ടു​ത്ത​ത്. ആ​ദ്യം പാ​രി​പ്പ​ള്ളി​യി​ലെ ക​ട​യി​ൽ സാ​ധ​നം വാ​ങ്ങാ​നെ​ത്തി​യ പ്ര​തി​ക​ളു​ടെ ചി​ത്രം ദൃ​ക്സാ​ക്ഷി​ക​ളു​ടെ വി​വ​ര​ത്തി​ൽ വ​ര​ച്ചി​രു​ന്നു.

തു​ട​ർ​ന്ന്​ തി​രി​കെ​യെ​ത്തി​യ​ശേ​ഷം കുട്ടി കൊ​ല്ലം വി​ക്​​ടോ​റി​യ ആ​ശു​പ​ത്രി​യി​ൽ വെ​ച്ച്​ ന​ൽ​കി​യ വി​വ​ര​ം അ​നു​സ​രി​ച്ച്​​ പു​തി​യ മൂ​ന്ന്​ ചി​ത്ര​ങ്ങ​ൾ വ​ര​ച്ച​ത് പ്ര​തി​ക​ളി​ലേ​ക്ക്​ എ​ത്തു​ന്ന​തി​ൽ വ​ലി​യ സ​ഹാ​യ​മാ​ണ്​ പൊ​ലീ​സി​ന്​ ന​ൽ​കി​യ​ത്. പ്ര​ധാ​ന ​പ്ര​തി പ​ത്മ​കു​മാ​റി​ന്‍റെ യ​ഥാ​ർ​ഥ രൂ​പ​ത്തോ​ട്​ അ​ടു​ത്ത്​ നി​ൽ​ക്കു​ന്ന​താ​ണ്​ രേ​ഖാ​ചി​ത്രം. ത​ങ്ങ​ൾ വ​ര​ച്ച ചി​ത്ര​ങ്ങ​ൾ കേ​സി​ൽ നി​ർ​ണാ​യ​ക​മാ​യ​തി​ന്‍റെ സ​ന്തോ​ഷം ഷ​ജി​ത്​ പ​ങ്കു​വെ​ച്ചു. സി-​ഡാ​റ്റി​ലെ ആ​ർ​ട്ടി​സ്റ്റാ​ണ്​ ഷ​ജി​ത്ത്. ചി​ത്ര​ക​ലാ അ​ധ്യാ​പി​ക​യാ​ണ്​ സ്മി​ത.