ഇതുവരെ പിടിച്ചത് 6597 കിലോ മത്സ്യം, 401 കിലോ കേടായ മാംസം
text_fieldsതിരുവനന്തപുരം: സംസ്ഥാനത്ത് 16 ദിവസങ്ങളിലായി ഭക്ഷ്യവസ്തുക്കൾ കൈകാര്യം ചെയ്യുന്ന 3297 ഇടങ്ങളിൽ പരിശോധന നടത്തിയതായി മന്ത്രി വീണ ജോർജിന്റെ നേതൃത്വത്തിൽ ചേർന്ന ഭക്ഷ്യസുരക്ഷാ വകുപ്പ് ഉദ്യോഗസ്ഥരുടെ ഉന്നതതല യോഗത്തിൽ വ്യക്തമാക്കി.
ലൈസന്സോ രജിസ്ട്രേഷനോ ഇല്ലാത്ത 283 കടകള്ക്കെതിരെ നടപടി സ്വീകരിച്ചു. 1075 സ്ഥാപനങ്ങള്ക്ക് നോട്ടീസ് നല്കി. 401 കിലോഗ്രാം വൃത്തിഹീനമായ മാംസം പിടിച്ചെടുത്ത് നശിപ്പിച്ചു. ജ്യൂസ് കടകളില് പ്രത്യേക പരിശോധന ശക്തമാക്കിയിട്ടുണ്ട്.
ആകെ 674 ജ്യൂസ് കടകളാണ് പരിശോധിച്ചത്. 96 കടകള്ക്ക് നോട്ടീസ് നല്കി. എട്ടു കടകള്ക്കെതിരെ നടപടി സ്വീകരിച്ചു. ഓപറേഷന് മത്സ്യയുടെ ഭാഗമായി ഇതുവരെ 6597 കിലോഗ്രാം പഴകിയതും രാസവസ്തുക്കള് കലര്ന്നതുമായ മത്സ്യം നശിപ്പിച്ചു. ഈ കാലയളവിൽ 4575 പരിശോധനകളാണ് നടത്തിയത്. ഓപറേഷന് ജാഗറിയുടെ ഭാഗമായി 707 സ്ഥാപനങ്ങള് പരിശോധിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.