സാ​മൂ​ഹി​ക സു​ര​ക്ഷ പെൻഷൻ പട്ടിക ശുദ്ധീകരണം; ഉത്തരവിൽ തദ്ദേശവകുപ്പ്​ അടയിരുന്നത്​ നാല്​ കൊല്ലം

തി​രു​വ​ന​ന്ത​പു​രം: സാ​മൂ​ഹി​ക സു​ര​ക്ഷ പെ​ൻ​ഷ​ൻ കൈ​പ്പ​റ്റു​ന്ന​വ​രി​ലെ അ​ന​ർ​ഹ​രെ പു​റ​ത്താ​ക്കി പ​ട്ടി​ക ശു​ദ്ധീ​ക​രി​ക്കാ​ൻ ധ​ന​വ​കു​പ്പ്​ ന​ൽ​കി​യ ഉ​ത്ത​വ​രി​ന്മേ​ൽ ത​ദ്ദേ​ശ​വ​കു​പ്പ്​ അ​ട​യി​രു​ന്ന​ത്​ നാ​ല്​ കൊ​ല്ലം. 2020 മു​ത​ൽ 2024 വ​രെ പ​ല​ഘ​ട്ട​ങ്ങ​ളി​ലാ​യി ത​ട്ടി​പ്പു​കാ​രെ ക​ണ്ടെ​ത്തി പ​ട്ടി​ക പു​നഃ​ക്ര​മീ​ക​രി​ക്കാ​ൻ ത​ദ്ദേ​ശ വ​കു​പ്പി​ന്​ സ​ർ​ക്കു​ല​റു​ക​ളും ഉ​ത്ത​ര​വു​ക​ളും ധ​ന​വ​കു​പ്പ്​ ന​ൽ​കി​യി​രു​ന്നു. എ​ന്നാ​ൽ ത​ദ്ദേ​ശ വ​കു​പ്പ്​ അ​ന​ങ്ങി​യി​ല്ല. ഒ​ടു​വി​ൽ ഇ​ക്ക​ഴി​ഞ്ഞ ആ​ഗ​സ്റ്റ് 30ന് ​ധ​ന​വ​കു​പ്പ് അ​ഡീ. ചീ​ഫ് സെ​ക്ര​ട്ട​റി സാ​മൂ​ഹി​ക സു​ര​ക്ഷ പെ​ന്‍ഷ​ന്‍ വാ​ങ്ങു​ന്ന​വ​രി​ലെ അ​ന​ര്‍ഹ​രെ ക​ണ്ടെ​ത്താ​നു​ള്ള മാ​ര്‍ഗം ഉ​ള്‍പ്പെ​ടെ വി​ശ​ദീ​ക​രി​ച്ച്​ ത​ദ്ദേ​ശ​വ​കു​പ്പി​ന്​ ക​ത്തും ന​ല്‍കി​യി​രു​ന്നു.

സാ​മൂ​ഹി​ക സു​ര​ക്ഷ-​ക്ഷേ​മ​നി​ധി പെ​ന്‍ഷ​ന്‍ വാ​ങ്ങു​ന്ന​വ​രു​ടെ പ​ട്ടി​ക സേ​വ​ന പോ​ര്‍ട്ട​ലി​ല്‍ പ്ര​സി​ദ്ധീ​ക​രി​ക്ക​ണ​മെ​ന്നാ​യി​രു​ന്നു ധ​ന​വ​കു​പ്പ് അ​ഡീ​ഷ​ന​ല്‍ ചീ​ഫ് സെ​ക്ര​ട്ട​റി​യു​ടെ നി​ര്‍ദേ​ശം. ഇ​തും ത​ദ്ദേ​ശ​വ​കു​പ്പ്​ ന​ട​പ്പാ​ക്കി​യി​ല്ല. പെ​ന്‍ഷ​ന്‍ സോ​ഫ്റ്റ്‌​വെ​യ​റാ​യ ‘സേ​വ​ന’​യി​ല്‍ പ​ട്ടി​ക പ്ര​സി​ദ്ധീ​ക​രി​ച്ചെ​ങ്കി​ല്‍ അ​ന​ർ​ഹ​രെ ഒ​ഴി​വാ​ക്കാ​മാ​യി​രു​ന്നു​വെ​ന്നും ചൂ​ണ്ടി​ക്കാ​ട്ടു​ന്നു.

2020 ജ​നു​വ​രി 23നാ​ണ് സ​ര്‍ക്കാ​ര്‍ ഉ​ദ്യോ​ഗ​സ്ഥ​ര്‍ അ​ന​ര്‍ഹ​മാ​യി കൈ​പ്പ​റ്റി​യ തു​ക തി​രി​ച്ച​ട​പ്പി​ക്കാ​ന്‍ സം​വി​ധാ​നം ഒ​രു​ക്ക​ണ​മെ​ന്ന് നി​ര്‍ദേ​ശി​ച്ച ധ​ന​വ​കു​പ്പ് എ​ല്ലാ വ​കു​പ്പ്​ മേ​ധാ​വി​ക​ള്‍ക്കും സ​ര്‍ക്കു​ല​റി​ലൂ​ടെ ആ​ദ്യം അ​റി​യി​പ്പ്​ ന​ല്‍കി​യ​ത്. ആ​രൊ​ക്കെ​യാ​ണ് അ​ര്‍ഹ​രെ​ന്നും അ​ന​ര്‍ഹ​രു​ടെ വ​രു​മാ​ന​പ​രി​ധി അ​ട​ക്ക​മു​ള്ള വി​വ​ര​ങ്ങ​ളും ഈ ​സ​ര്‍ക്കു​ല​റി​ല്‍ വ്യ​ക്ത​മാ​ക്കി​യി​രു​ന്നു. സ​ര്‍വ​ക​ലാ​ശാ​ല​ക​ള്‍, പൊ​തു​മേ​ഖ​ല സ്ഥാ​പ​ന​ങ്ങ​ള്‍, അ​ര്‍ധ​സ​ര്‍ക്കാ​ര്‍ സ്ഥാ​പ​ന​ങ്ങ​ള്‍ എ​ന്നി​വി​ട​ങ്ങ​ളി​ലെ ജീ​വ​ന​ക്കാ​ർ അ​ന​ര്‍ഹ​മാ​യി ക്ഷേ​മ പെ​ന്‍ഷ​ന്‍ കൈ​പ്പ​റ്റു​ന്ന കാ​ര്യ​വും വ്യ​ക്ത​മാ​ക്കി.

പി​ന്നീ​ട് തു​ട​ര്‍ച്ച​യാ​യി വി​വി​ധ വ​കു​പ്പ്​ മേ​ധാ​വി​ക​ളെ​യും ത​ദ്ദേ​ശ​സ്ഥാ​പ​ന അ​ധി​കൃ​ത​ര്‍ക്കും സ​ര്‍ക്കു​ല​റാ​യും ക​ത്തു​ക​ള്‍ വ​ഴി​യും നി​ര്‍ദേ​ശം ന​ല്‍കി​യി​ട്ടും പാ​ലി​ക്കാ​ത്ത​താ​ണ്​ പ്ര​തി​സ​ന്ധി രൂ​ക്ഷ​മാ​ക്കി​യ​ത്. ഇ​പ്പോ​ള്‍, അ​ന​ര്‍ഹ​രെ ക​ണ്ടെ​ത്താ​ന്‍ വ​കു​പ്പു​ക​ൾ ഒ​റ്റ​ക്കെ​ട്ടാ​യി ഇ​റ​ങ്ങാ​ന്‍ മു​ഖ്യ​മ​ന്ത്രി നി​ര്‍ദേ​ശി​ച്ചെ​ങ്കി​ലും ഇ​ത്​ എ​ത്ര​ക​ണ്ട്​ വി​ജ​യി​ക്കു​മെ​ന്ന കാ​ര്യ​ത്തി​ൽ സം​ശ​യം നി​ല​നി​ൽ​ക്കു​ക​യാ​ണ്.

പെൻഷൻ തട്ടിപ്പ്​; നടപടി സ്വീകരിക്കുമെന്ന് മന്ത്രി രാ​ജേ​ഷ്

തി​രു​വ​ന​ന്ത​പു​രം: സാ​മൂ​ഹി​ക സു​ര​ക്ഷ പെ​ൻ​ഷ​ൻ ത​ട്ടി​പ്പു​മാ​യി ബ​ന്ധ​പ്പെ​ട്ട് ത​ദ്ദേ​ശ വ​കു​പ്പ്​ ന​ട​പ​ടി സ്വീ​ക​രി​ക്കു​മെ​ന്ന്​ മ​ന്ത്രി എം.​ബി. രാ​ജേ​ഷ്. മു​ഖ്യ​മ​ന്ത്രി വി​ളി​ച്ച യോ​ഗ​ത്തി​ൽ ഓ​രോ വ​കു​പ്പും സ്വീ​ക​രി​ക്കേ​ണ്ട ന​ട​പ​ടി​ക​ളെ​ക്കു​റി​ച്ച് നി​ർ​ദേ​ശം ന​ൽ​കി​യി​ട്ടു​ണ്ട്. ത​ദ്ദേ​ശ വ​കു​പ്പ് ചെ​യ്യേ​ണ്ട കാ​ര്യ​ങ്ങ​ളെ​ക്കു​റി​ച്ച് ആ​ലോ​ചി​ക്കാ​ൻ പ്ര​ത്യേ​കം യോ​ഗം ചേ​ർ​ന്നി​രു​ന്നു. ക്ര​മ​ക്കേ​ടി​ന്റെ പ​ശ്ചാ​ത്ത​ല​ത്തി​ൽ അ​ർ​ഹ​ത മാ​ന​ദ​ണ്ഡ​ങ്ങ​ൾ പ​രി​ശോ​ധി​ക്കും.