സാമൂഹിക സേവനമാണ്​ പള്ളിയിൽ ഭജനമിരിക്കുന്നതി​െനക്കാൾ മഹത്തരം

പ്രവാചകാനുയായി അബ്​​ദുല്ലാഹിബ്​നു അബ്ബാസ്​ മദീന പള്ളിയിൽ ഭജനമിരിക്കുകയാണ്​. ഒരാൾ പള്ളിയിൽ കടന്നു കണ്ണോടിച്ചു. ഇബ്​നു അബ്ബാസിനെ കണ്ടതോടെ നിരാശനായി ഒരിടത്ത്​ ഇരുന്നു. ഇബ്​നുഅബ്ബാസ്​ ചോദിച്ചു: ‘എന്താണ്​ നി​​​​െൻറ മുഖത്തൊരു വല്ലായ്​മ’?  ‘ഒരാൾക്ക്​ ഒരു കടം തീർക്കാനുണ്ട്​. ഇപ്പോൾ അതു നൽകാൻ കഴിയില്ല. അ​യാളോട്​ താങ്കൾ സംസാരിച്ചാൽ സമയം നീട്ടിക്കിട്ടും. അതിനു താങ്കളെ കാണാനാണ്​ വന്നത്​’’ അയാൾ പറഞ്ഞു. ‘അതിനെന്തിന്​ ദുഃഖിക്കണം. ഞാൻ അയാളോട്​ സംസാരിക്കാം’. അദ്ദേഹം പള്ളിയിൽ നിന്നിറങ്ങി.

അബ്​ദുസ്സമദ്​ പൂക്കോട്ടൂർ

 

വിശുദ്ധ റമദാനിലെ അവസാന പത്തിൽ മസ്​ജിദുന്നബവിയിൽ ഇഅ്​തികാഫിലിരുന്ന് ​ഖുർആൻ പാരായണം ചെയ്യുന്നത്​ മാറ്റിവെച്ച്​ അദ്ദേഹം ഇറങ്ങിയ​േപ്പാൾ ആ സാധുമനുഷ്യൻ അത്ഭുതപ്പെട്ടു. ‘താങ്കൾ ചെയ്​തുകൊണ്ടിരുന്ന പുണ്യപ്രവൃത്തി മറന്നോ’? അയാൾ ചോദിച്ചപ്പോൾ ഇബ്​നു അബ്ബാസ്​, പ്രവാചകൻ മുഹമ്മദ്​ നബിയുടെ അന്ത്യവിശ്രമസ്​ഥലമായ​ റൗദാ ശരീഫി​​​​െൻറ നേരെ ചൂണ്ടി പറഞ്ഞ​​ു: ‘‘അടുത്ത കാലംവരെ നമ്മോടൊപ്പമുണ്ടായിരുന്ന, ഇൗ ഖബ്​റിൽ അന്തിയുറങ്ങുന്ന നബി​ പറഞ്ഞു: ‘‘ഒരു സ​േഹാദര​​​​െൻറ ആവശ്യനിർവഹണത്തിനായി അവ​െ​ൻറ കൂടെ ഒരാൾ ഇറങ്ങി നടന്നാൽ എ​​​​െൻറ പള്ളിയിൽ രണ്ടു മാസം ഇഅ്​തികാഫ്​ ഇരിക്കുന്നതി​െനക്കാൾ പ്രതിഫലം അവന്​ ലഭിക്കും’’. ഇൗ സംഭവം മറ്റൊരിടത്ത്​ ഉദ്ധരിച്ച ചരിത്രത്തിൽ ഇപ്രകാരം ചേർത്തുപറഞ്ഞതായി കാണുന്നു. ‘ആ വ്യക്​തിയുടെ ആഗ്രഹം സാധിച്ചെടുക്കാൻ കഴിഞ്ഞാൽ അതിന്​ ഇറങ്ങിനടന്ന്​ സഹായിച്ചവൻ ഉമ്മ പ്രസവിച്ച നാളിലെ പവിത്രത രേഖപ്പെടുത്തുന്നതാണ്​. ഇൗ ശ്രമത്തിനിടെ സഹായിയായി ഇറങ്ങിത്തിരിച്ചവൻ മരണപ്പെട്ടാൽ വിചാരണ കൂടാതെ അവൻ സ്വർഗത്തിൽ പ്രവേശിക്കും’’. 

സമൂഹത്തിലെ ദുർബലവിഭാഗത്തിനു വേണ്ടി ചെയ്യുന്ന പ്രവർത്തനം വിശ്വാസിയെ അല്ലാഹുവിലേക്ക്​ അടുപ്പിക്കുന്നു​. നോമ്പിലൂടെ ഇല്ലാത്തവ​​​​െൻറ വിഷമം ഉൾക്കൊള്ളാൻ കഴിയണം. പുണ്യം വർധിപ്പിക്കാനായി അടിക്കടി ഉംറയും ഹജ്ജും നിർവഹിക്കാൻ വെമ്പൽകൊള്ളുന്നവർ ഒരു കാര്യം ശ്രദ്ധിക്കണം; ഹജ്ജും ഉംറയും ചെയ്​തവർക്ക്​ നിരുപാധികം സ്വർഗം നൽകുമെന്ന്​ എവിടെയും പറഞ്ഞിട്ടില്ല. പുണ്യം നിറഞ്ഞ ഹജ്ജും ഉംറയും സ്വർഗം നേടാൻ പര്യാപ്​തമാണ്​. ഇൗ കർമം പുണ്യകരമാകാൻ രണ്ട്​ ഉപാധികളുണ്ട്​. ഒന്ന്​, നന്മ നിറഞ്ഞ പ്രവർത്തനങ്ങൾ നിർവഹിക്കുക. രണ്ട്​, കർമങ്ങൾ യഥാവിധി നിർവഹിക്കുക. അവിടെയും ഒന്നാംസ്​ഥാനം കൽപിച്ചിരിക്കുന്നത്​ സേവന പ്രവർത്തനത്തിനാണ്​. തന്നാൽ കഴിയുന്ന സഹായം സമൂഹത്തിന്​ ചെയ്യുക മനുഷ്യ ജീവിതത്തിൽ അതിപ്രധാനമാണ്​. 

ദാനം ചെയ്യാൻ സമ്പത്ത്​ ഇല്ലാത്തവൻ അധ്വാനം ദാനം ചെയ്യ​െട്ട എന്നാണ്​ നബി പഠിപ്പിച്ചത്​. ജാതി മത ഭേദ​​മന്യേ മനുഷ്യകുലത്തിനഖിലവും സകല ജീവജാലങ്ങൾക്കും നന്മ ചെയ്യാനുള്ള മനസ്സാണ്​ ഒരു മനുഷ്യനെ നാഥനിലേക്ക്​ അടുപ്പിക്കുന്നത്​. ഇൗ സ്​നേഹവും സഹിഷ്​ണുതയുമാണ്​ ഇസ്​ലാമി​​​​െൻറ സവിശേഷത. ഖുർആൻ അധ്യായം 28-77ൽ വ്യക്​തമാക്കുന്നു: ‘‘അല്ലാഹു നിനക്ക്​ നൽകിയതിലൂടെ പരലോക വിജയം തേടുക. ​െഎഹിക ജീവിതത്തിലെ നി​​​​െൻറ ഒാഹരി വിസ്​മരിക്കയുമരുത്​. അല്ലാഹു നിനക്ക്​ നന്മ ചെയ്​തപോലെ നീ നന്മ ചെയ്യുക. നീ ഭൂമിയിൽ കുഴപ്പത്തിന്​ തുനിയരുത്​. കുഴപ്പക്കാരെ നാഥൻ ഇഷ്​ടപ്പെടുന്നില്ല’’.