ഗണേഷിന്‍റെ പങ്ക്​ പറയാതിരുന്നത്​ ഉമ്മൻ ചാണ്ടിയുടെ മാന്യത -ഹസൻ

തിരുവനന്തപുരം: സോളര്‍ കേസില്‍ കെ.ബി. ഗണേഷ്കുമാറി​​​െൻറ പങ്ക് ഉമ്മൻ ചാണ്ടി നേരത്തെ തുറന്നുപറയണമായിരുന്നെന്ന അഭിപ്രായമാണ് അന്നേ തനിക്കുണ്ടായിരുന്നതെന്ന്​ കെ.പി.സി.സി പ്രസിഡൻറ്​ എം.എം. ഹസൻ. മാന്യതകൊണ്ടാണ് ഉമ്മൻ ചാണ്ടി അന്ന് അക്കാര്യം പറയാതിരുന്നതെന്നും ചാനൽ അഭിമ​ുഖത്തിൽ ഹസൻ പറഞ്ഞു.

കോണ്‍ഗ്രസിലെ പല യുവനേതാക്കളുടെയും രാഷ്​ട്രീയപ്രവര്‍ത്തനം സോഷ്യല്‍ മീഡിയയില്‍ മാത്രമായി ഒതുങ്ങുന്നു​. മണ്ണിലിറങ്ങി പ്രവര്‍ത്തിക്കാതെ തെരഞ്ഞെടുപ്പില്‍ ജയിക്കാനാകില്ല. ജനങ്ങള്‍ക്കൊപ്പംനിന്ന് രാഷ്​ട്രീയപ്രവര്‍ത്തനം നടത്താന്‍ അവര്‍ തയാറാകണമെന്നും ഹസൻ പറഞ്ഞു.